←  Malachi (2/4)  →
1. Khai le, puithiamte u, he thupek hi nangmahni tan a ni e.
2. Ka hming tiropui tura in ngaihthlak loh a, thinlunga in vawn loh chuan In chungah an chhia ka rawn thlentir ang, Sipaihote LALPA chuan a ti, In malsawmna dawnte chu anchhia ka lawh ang: A ni, in zingah thinlunga vawng in awm loh avangin anchhia ka lawh tawh reng a ni.
3. Ngai teh u, nangmahni vangin in chite chu ka zilhhau a, In hmaiahte chuan ek ka tat pherh ang. In kutna ek ngei chu; Chu mi nen chuan lak bo in ni ang.
4. Levia hnena ka thuthlung hi a din zel theihna'n he thupek hi in hnenah ka rawn chhuah a ni, tih in hria ang, Sipaihote LALPA chuan a ti.
5. Ka thuthlung chu a hnenah a awm a; nunna leh thlamuanna ka pe a, tih pawh mi tih a ni, ka hming chu hlauh namenin a hlau lo a.
6. Thutak dan chu a kaah a awm a, thu sual a hmuiah a awm lo: Thlamuang tak leh ngil takin ka hmaah a leng thin a, mi tamtak an khawlohna ata a lamlettir a ni.
7. Puithiam hmuite chuan hriatna a vawng tur a ni si a, a ka atangin dan chu an zawng thin tur a ni; A ni chu sipaihote LALPA tirhkoh a ni si a.
8. Nangni erawh zawng kawng ata chu in lo peng ta a; Danah chuan mi tam tak in petektir a; Levia thuthlung chu in tichhia a ni, Sipaihote LALPA chuan a ti.
9. Chuvangin kei pawhin, ka kawngte tumah zawh in awm loh a, dan thua mi thleibik in neih zawk ang zel hian, Mi zawng zawng hmaah hmuhsitawm leh tlawmin ka siam che u a ni.
10. Kan vaiin pa hmun kan ni lo em ni? Pathian pakhat siam pawh kan ni lo em ni? Engatinge kan pate thuthlung tihbawrbanga, unau leh unau kan in bum thin?
11. Juda chuan bum a hmang a,Israel ram leh Jerusalem khuaah Thil tenawm tih a ni a; LALPA'n a hmangaih thin hmun thianghim chu Juda chuan a tibawrhbang ta si a, Ram dang pathian fanu a nei ta a ni.
12. Hetiang ti chu, a tua-pawh, Jakoba puan in ata LALPA'n a tifihlim vek ang, Sipaihote LALPA hnena thil hlan tu chenin.
13. Tin, hei pawh hi in ti leh pek a; mittui leh tahna leh rumnain LALPA maicham chu in chhilh hneh khawp a, Thilhlan a ngaihsak reng reng tawh lo a, In kuta mi chu lawmawmah a ngai hek lo.
14. Nangni chuan, Eng vang nge ni le? In la han ti a. Nang leh i nupui tawntirh inkara thu hretu chu LALPA a ni a, i kawppui leh i thuthlung nupui a ni na chungin A chungah bumna thil i tih thin avang a ni.
15. Nunna chi neiin, pumkhatah a siam lo em ni? Engah nge pumkhata a siam? Chi thlah, Pathian ngaihsak a zawng a ni. Tichuan in nunna chu veng tha u la, tuma'n mahni nupui tawntirh chu bum suh se.
16. In mak hi ka haw si a, LALPA Israel-ho Pathian chuan a ti; Mahni silhfen hnehchhiahnaa khuhtu nen, Sipaihote LALPA chuan a ti. Tichuan, in nunna chu veng tha u la, in bum suh u.In thutein LALPA chu in tihah ta. Nangni erawh chuan, Engah khan nge kan tihhah? In ti a. Thilsual ti tu apiang LALPA mit hmuhah mi tha an ni a, An chungah pawh ani chu a lawm thin, in tih-ah te, Rorel felna Pathian chu khawiah nge? In tih-ah te hian a ni.
17. In thutein LALPA chu in tihah ta. Nangni erawh chuan, Engah khan nge kan tihhah? In ti a. Thilsual ti tu apiang LALPA mit hmuhah mi tha an ni a, An chungah pawh ani chu a lawm thin, in tih-ah te, Rorel felna Pathian chu khawiah nge? In tih-ah te hian a ni.
←  Malachi (2/4)  →