←  Judges (19/21)  →
1. Tin, heti hi a ni a, chung lai Israel rama lal an awm loh lai chuan Levi chi, mi pakhat hi Ephraim tlang ram tawp lamah a awm a, Beth-lehem-Judai rama mi hmeiah a nei a.
2. Tin, a hmei chuan a uiresan a, tichuan Beth-lehem-judai rama a pa hnenah a tlansan a, chutah chuan thla li zet a awm a.
3. Tin, a pasal chu a tho a, a chhiahhlawh leh sabengtung pahnih hruaiin tlang taka va thlem a, lungawia hruai haw leh tumin a va um zui a: tin, ani chuan a pa inah chuan a lo hruai lut a: tin, nula pa chuan a hmuh chuan a lo lawm hle mai a.
4. Tin, a pu, nula pa chuan a hnena awm turin a lo chelh a; a hnenah chuan ni thum a awm a: tichuan an eiin an intlang a, chutah chuan a thleng a.
5. Tin, heti hi ani a, ani lo ni chuan zing takah an tho a, ani chu chhuah tumin a tho a; tin, nula pa chuan a makpa hnenah chuan, "Chhang tlem tal eiin i thinlung chu tiharh rih la, chu mi hnuah chuan in la kal ang chu maw le," a ti a.
6. Chutichuan an thu a, an pahnih chuan an eiin an in dun a: tin, nula pa chuan chu mi hnenah chuan, "Lungawi takin riak hram rawh khai, i thinlung chu hlim takin awm rawh se," a ti a.
7. Tin, chu mi chu chhuah tumin a han tho a, nimahsela a pu chuan a thlem chiam a, tichuan a riak leh ta a.
8. Tin, a ni nga tuk zing takah chuan chhuah tumin a tho a; tin, nula pa chuan, "I thinlung chu tiharh rih la maw le, tlai ni nem hun thleng tal chuan awm rih rawh khai," a ti a; tin, an pahnih chuan chaw te an ei dun leh ta a.
9. Tin, chu mi chu a hmei nen, a chhiahhlawh nen chhuah tuma a han thawh chuan a pu, nula pa chuan a hnenah, "Ngai teh, hei khua pawh a tlai tawh a, zanin chu riak leh rih hram rawh khai: ngai teh, khua pawh a htim hnai mai tawh alawm, hetha hian riak leh la, i thinlung chu hlim taka a awm theihna'n; tichuan naktuk zing takah i tho ang a, i haw mai tur alawm," a ti a.
10. nimahsela chu mi chuan chu mi zan chuan riah a duh ta lo a, a tho a, a chhuak ta a, Jebus khaw zawn a va thleng a (chu ch Jerusalem khua a ni) sabengtung pahnih thuam sa a hruai a; a hmei pawh chu a tel ve a.
11. Jebus khaw kiang a thlen chuan khua a tlai hle tawh a; tin, chhiahhlawh chuan a pu hnenah, "Hawh teh, he Jebus0ho khaw puiah hian i lut mai ang khai, i riak teh ang u," a ti a.
12. Tin, a pu chuan a hnenah, "Israel thlahte ni si lo hnam dang khuaahte chuan lut lo e: Gibea khaw lam i pan zel zawk ang u," a ti a.
13. Tin, a chhiahhlawh hnenah, "Hawh he'ng hmun khawii zawk emaw hi i pan ang: Gibea khuaah emaw, Rama khuaah emaw kan riak dawn nia," a ti a.
14. Chutichuan an kal leh ta zel a; Benjamin-ho Gibea khaw kiang an thlen chuan ni a tla ta a.
15. Tin, Gibea khuaa riak tur chuan an lut ta a: tin, a lut a chu khawpui khaw laiah chuan a thu a: tumah thleng peih reng reng an awm lo a.
16. Tin, ngai teh, putar pakhat hi tlaiah chuan a feh a lo hawng a; chu mi chu Ephraim tlang rama mi ani a, Gibea khuaah chuan a va awm rih lawk a ni: chu mia mite erawh chuan Benjamina chite an ni.
17. Tin, a han hawi a, khawlaia mikhualpa chu a han hmu a; tin, putar chuan, "Khawiahnge i kal dawn le? Khawi atanga lo kal nge i nih?" a ti a.
18. Tin, ani chuan a hnenah, "Beth-lehem-judai ram atanga Ephraim tlang tawp ram lama kal tum ka ni; chuta awm chu ka ni a, Beth-lehem-hudai ramah ka va kal a; tunah hian LALPA inah kal ka tum a ni; tumah mi thleng peih an awm lo a ni.
19. Kan sabengtun atn phei chuan buh pawl leh ran chawte zawng kan nei a; tin, kei leh, i bawihnu leh, i chhiahhlawhte hnena awm ve tlangval tante pawh hian chhang leh uain a awm bawk a: engmah tlakchham zawng kan nei hauh lo e," a ti a.
20. Tin, putar chuan, "Thlamuang takin awm rawh khai; i mamawh zawng zawngte chu keimah ka tum vek ang e; khawlaiah zawng riak lul suh ang che," a ti a.
21. Chutichuan a inah a hruai lut a, sabengtungte chu chaw ape a: tin, an kete an sil a, an eiin an in ta a.
22. Chutia hlim leh lawm taka an awm lai chuan, ngai teh, chu mi khuaa mi, Beliala fapa thenkhat chuan in chu an rawn hual vel ta hlawm a, kawngkhar an rawn chhu dawt dawt a; in neitupa putar hnenah chuan, "I ina lo thlengpa kha han hruai chhuak rawh, kan lo pawl teh ang," an ti a.
23. Tin, in neitupa chu an hnenah a va chhuak a, an hnenah chuan, "Ni lo e, ka unaute u, chuti ema sual chu ti lul suh u khai; he mi hi ka mikhual anih hi, hetiang thil atthlak tak zawng ti lo e.
24. Ngai teh u, hetha hian ka fanu nula leh a hmei an awm a; anni chu ka rawn hruai chhuak ang a, anni chu tlawm u la, tha in tih ang apiangin an chungah ti ang che u: he mi chungah erawh hi chuan chutiang thil attlak chu ti suh ang che u," a ti a.
25. Nimahsela chu mite chuan a thu an pawm duh lo va: chutichuan mi chuan a hmei chu a man a, an hnenah chuan a va hruai chuak ta a; tin, anni chuan an lo pawl a, khawvar hma loh chuan zankhuain an lo sawisa hrep a: tin, khua a lo var veleh, an chhuah ta a.
26. Chutichuan hmeichhia chu khua alo var veleh a kal a, a hotupa thlen inpa kawngka bulah chuan a tlu thlawp a, khaw en hnu thhlengin a awm ta reng a.
27. Tin, a hotupa chu zingah chuan ahan tho a, kawngkate chu a han hawng a, kal tumin a va chhuak a: tin, ngai teh, a hmeinu chu kawngka bulah chuan rahkaah a lo tlu zangphar der mai a.
28. Tin, ani chuan a hnenah, "Tho rawh, i kal ang," a han ti a; nimahsela a lo chhang ta hauh lo mai a: tichuan a sabengtung chungah a hlang a; tin, a tho a, a hmun lamah chuan a kal ta a.
29. Tin, in a va thlen chuan chemte a la a, a hmei chu a fukte hmun sawm leh hmun hnihah a chan sawm a, Israel ram zawng zawngah a thawn darh a.tin, heti hi ani a, a lo hmu apiang chussan, "Israela thlahte Aigupta ram ata an lo chhuah achin hetiang thiltih reng reng hi tun thleng hian a la awm ngaiin hmuh a la ni ngai hauh l mai: ngaihtuah u la, inrawn u la, sawi teh u," an ti a.
30. tin, heti hi ani a, a lo hmu apiang chussan, "Israela thlahte Aigupta ram ata an lo chhuah achin hetiang thiltih reng reng hi tun thleng hian a la awm ngaiin hmuh a la ni ngai hauh l mai: ngaihtuah u la, inrawn u la, sawi teh u," an ti a.
←  Judges (19/21)  →