←  Job (8/42)  →
1. Tichuan Bildada Suhi mi chuan a chhang a, heti hian a ti a:
2. Eng chen nge he'ng thil hi sawi dawn a, I kamchhuak chu thlipui ang a nih reng dawn?
3. Pathianin rorelna a kailek ngai em ni? Engkimtitheian a dik chu a kailek ngai em ni?
4. I fate a chungah an sual a nih chuan An bawhchhiatna kutah a mantir a:
5. Pathian i zawn ngat ngata, Engkimtitheia hnena i dil ngat ngat chuan,
6. Thianghlim leh ngil i nih chuan I tan bengvar a thawh ngei ang a, Dinhmun dik a pe ang che.
7. I bul lamah te mah la, I tawp lamah i lian ang.
8. Hman lai hun kha zawt chhuak teh aw, An pi pute hmuh chhuah kha ngaihtuah teh,
9. Nimina mi lek kan ni, eng kan hre si lo. Leia kan awm chhung hi hlimthla chauh a nih hi:
10. Chung chuan an zirtirin an hrilh chein An hriatna thate chu an sawi chhuak dawn lo'm ni?
11. Dum loah pumphir a to thei em ni? Tui loah phairuang a tha thei em ni?
12. A la duah lai reng pawhin sahthluk lohin. Thlai dangte aiin a uai hma thin.
13. Pathian theihnghilhtu kawng chu chutiang a ni, Pathian ngaihsak lo mi beiseina chu a bo ang.
14. A innghahna chu a chim darh ang a, A rinchhan chu maimaw ril mai a ni.
15. A in a ngheng a, mahse, a dawl lo, A vuan tlat a, mahse, a tuar lo ang.
16. Ni chhuah hma chuan a hring a, A chawrte chuan a huan a hliap a,
17. Sih tui sirah a zung a thlak a, Lung hmun a hmu a,
18. A hmun ata tihbo a nihin, Ka hmu ngai lo che, tiin a phat ang.
19. Ngai teh, hei hi a kawnga hlimna chu a ni mai, Lei atang chuan a dangte an lo to chhuak ang.
20. Ngai teh, pathianin mi tha a paih bo lo ang a, Thil sual titu a tungding hek lo ang.
21. I ka nuihnain a tikhat ang a, I hmui pawh hlim au thawmin.A hawtu che chu zahnaa tuam an ni ang a, Mi suaksual puan in pawh a awm tawh lawng.
22. A hawtu che chu zahnaa tuam an ni ang a, Mi suaksual puan in pawh a awm tawh lawng.
←  Job (8/42)  →