←  Job (7/42)  →
1. Leiah hian mihringin tawn tur a nei reng a ni lo'm ni? A nite chu inhlawhfa ni ang a ni lo'm ni?
2. Chhiahhlawh daihlim chak em emtu ang. Leh inhlawhfa a hlawh thlir rengtu ang hian.
3. Engmah lo maiin thla tam ka lo hmang ral a, Zan ninawm takte ka tan ruat a ni.
4. Ka mutin 'Engtik takah tho ang i maw' ka ti a; Mahse, zan a rei em em; Khawfingchah thlengin ka let ka let a.
5. Ka tisa chu lung leh bawlhhlawhin a khat a, Ka vun chu a lo phui a, a keh thar leh a.
6. Ka nite hi puantahtu khawhthei aiin a liam rang a, Beiseina tel loin an ral a.
7. Ka nunna hi thli mai a ni tih hre reng la, Ka mitin thil tha a hmuh tawh dawn loh hi.
8. Mi hmutu mit chuan mi hmu ngai tawh lawng, I mit ka chungah a fu ang a, mahse, ka awm tawh lo ang.
9. Chhum a kiang a, a boral angin Seola chhuk tawh an chhuak leh ngai lo.
10. A inah chuan a kir ngai tawh lo ang a, A hmunin amah a hre leh tawh hek lo ang.
11. Chuvang chuan ka kam ka sum lo ang; Thinlung lunghnurin ka sawi dawn e; Rilru na ngawih ngawihin ka phunnawi dawn e.
12. Tuipui nge maw ka niha, tuipui rulpui nge maw ka niha, Nangin mi enthlatu i dah ni?
13. Ka khumin mi tinuam ang a, Ka phunnawi chhan hi ka muthmunin a tinep ang, ka ti a;
14. Nang lah chuan mumangah mi tihthaih a, inlarnate hmangin mi tihlau a,
15. Ka nun hian rehhlum a thlang hial ta zawk a, He ka taksaa chen reng ai hian.
16. Ka ning hluah hluah, ka nung rei lo ang; Ka awm awmin ka awm ang e, ka nite hi engmah lo an nih hi.
17. Mihring hi eng nge maw a niha, i ngaihsana, A chunga i rilru i nghah tlata,
18. Tuk tin, amah i tlawh thina, eng lai pawha i fiah thin ni?
19. Eng chen nge khaw dang hawisan loin i awm anga, Ka chil ka lem chhungte pawh mi hlamchhiah loa i awm dawn?
20. Ka sual anih pawhin i chungah eng nge ka tih ni, Aw mihringte vengtu? Engah nge i chhinchhiah atan mi daha, Mahni tana phurrit ka nih tak hial hi le?Engah nge ka bawhchiat i ngaihdam loh a, Ka khawlohna i lak bo loh le? Tunah vaivutah ka mu dawn ta si a, Mi zawng chiam ang, mahse, ka awm lo ang.
21. Engah nge ka bawhchiat i ngaihdam loh a, Ka khawlohna i lak bo loh le? Tunah vaivutah ka mu dawn ta si a, Mi zawng chiam ang, mahse, ka awm lo ang.
←  Job (7/42)  →