← Job (5/42) → |
1. | Han ko teh, chhang tur che an awm teh reng emaw? Mi thianghlim tu lam ber nge i hawi dawn? |
2. | Vuina hian mi a a tihlum thei a, Itsiknain mi mawl a that thei. Itsiknain mi mawl a that thei. |
3. | Mi a tak zung kai ka hmu a, Mahse, a chenna chu anchhia ka lawh nghal a. |
4. | A fate chu an him awzawng lo, Kulh kawngka bulah chuan chil thlukin an awm a, Chhan chhuaktu tur lah an awm hek lo. |
5. | A buh thar tur riltamten an ei zo a, Hling kar ata pawh an la a, A neih zawng zawng chu tuihalten an hap zo a. |
6. | Tuarna hi vaivut ata lo chhuak a ni lo a, Buaina pawh hi lei atanga lo to chhuak a ni hek lo; |
7. | Buai turin mihring a lo piang ani zawk, Meisi chung lamah a chho angin. |
8. | Kei zawngin Pathian lam ka zawng ang a, Pathian hnenah ka chungthu ka kawltir ang. |
9. | Thil ropui tak zawn chhuah rual loh te, Thil mak tak mai chhiar sen lohte titu chu: |
10. | Ani chuan lei chungah ruah a rawn surtir a, Lo chungah tui a rawn luantir a: |
11. | Mi tlawmte chu a chawisang a, Lusunte chu himnaah a dah chho a, |
12. | Mi fingte remruat a phet chhia a, An kutin a tum a puitlin lo. |
13. | Mi fingte chu anmahni fin verveknain a awk a, Mi vervek remruat chu theh thlak der a ni. |
14. | Chhun engah thim an tawk a, Chhun laiah zan angin an dap thin. |
15. | An kaa khandaih lak ata retheite a chhan chhuak a, Mi chak kut ata tlachhamte pawh. |
16. | Chutichuan, retheite chuan beisei an nei a, Khawlohnain a ka a chip a. |
17. | Ngai rawh, Pathianin mi a thunun chu a eng a thawl e, Chuvangin, Engkimtitheia thununa chu ngainep suh. |
18. | Ani chuan a tina a, a tuam leh a, A tihliam a, kutin a tidam leh a ni. |
19. | Buaina parukah a chhan chhuak ang chia, A ni, pasarihah, thil tha lo reng rengin a khawih lo ang che. |
20. | Tam tlakin thihna ata a tlan ang chia, Indonaah chuan khandaih thiltihtheihna lak ata. |
21. | Tawngkam tha lo lakah thup i ni ang a, Chhiatna a lo thlen pawhin i hlau lo ang. |
22. | Chhiatna leh tam chu i nuihsan ang a, leia sakawlhte i hlau hek lo ang. |
23. | Rama lungte chu i thurualpui dawn si a, Rama sakawlhte chuan an rem ang che. |
24. | Tin, i puan in chu a ralmuang tih i hria ang a, I huang chu i tlawh ang a, kim lo engmah a awm lo ang. |
25. | I thlahte chu tam tak an ni ang a, I rila rahte chu leia hlobet zat an ni tih i hria ang. |
26. | Kum tling takin i thlan i thleng ang a, A hun tea buhphal tel khawm tak ang mai hian.En teh, kan chhui chhuah tak hi, heti ngei hi a ni, Ngaithla la, i tana tha turin hre rawh. |
27. | En teh, kan chhui chhuah tak hi, heti ngei hi a ni, Ngaithla la, i tana tha turin hre rawh. |
← Job (5/42) → |