← Job (41/42) → |
1. | Nghakuaiin liviathan i hnuk chhuak thei em ni? Hruihrualin a lei i phuar bet thei em ni? |
2. | Phairuang hruiin a hnarah i thil thei em ni? Nghakuaiin a khabe i thil tlang thei em ni? |
3. | I hnenah dilna tam tak a siam ang em ni? I hnenah thu nemin a sawi ang maw? |
4. | Kumkhuaa rawngbawltua i hman turin I hnenah thuthlung a siam ang em ni? |
5. | Sava ang lekin i khal thei dawn em ni? I hmeichhiate kaih atan i hling thei ang maw? |
6. | sangha mantuhoten indawrna'n an hmang ang em ni? Sumdawng mite zingah an sem darh ang em ni? |
7. | A vun khatin thir hling te, A luah nghafeite i riah thei em ni? |
8. | A chungah kut han thlah teh, In inbeih edan tur chu ngaihtuah rawh, I ti leh tawh ngai lo ang! |
9. | Ngai rawh, mihring beiseina chu a thlawna ni: A hmuh mai pawhin a beidawng nghal a ni. |
10. | Amah chawk tho turin tumah an rorum ngam lo: Chuti anih chuan tu nge ka hmaah ding thei ang? |
11. | Tunge ka rulh leh tura thil mi pe hmasa awm? Van hnuaia thil engkim hi ka ta a ni. |
12. | A fuke thu-ah ka ngawi reng lo ang a, A thahrui chakzia leh a taksa inphur tawkziaahte pawh. |
13. | Tunge a vun pawnlang chu hlip thei ang? A khabe thuah hnih chhungah tu nge lo lut ang? |
14. | Tuin nge a hmel kawngkapui chu hawng thei ang? A ha kual vel chu tihbaiawm taka ni. |
15. | A vun char chu a chhuan ber a ni a, Char ang maia phui tlat a ni. |
16. | A insik phui chiah avangin. A karah boruak pawh a lut thei lo. |
17. | An inzawm theuh a, an inphan tlat avangin. Kaih theh theih a ni lo. |
18. | A thaw chhuak chu a var sung sung a, A mitte chu khawfingchat ang ru mai a ni. |
19. | A ka atangin meialh a chhuak a, Meisite a tek ur ur a. |
20. | A hnaran meikhu a lo chhuak a, Sa so bel nghawr leh phairuang mut ang vut vutin. |
21. | A thawte chuan meihawl a tivam a, A kaan meialha chhuak a. |
22. | A nghawngah chakna a awm a, A hmaah tihbaiawmna a tualchai reng a. |
23. | A tang chhung vun pawh khing rut, Taksa nena inbelhbawm tlat, khawih chet rual loha ni. |
24. | A thinlung chu lung anga sak ani a, A ni, rawtsawmna lung hnuai zawk ang mai a ni. |
25. | Amah alo thawh chhuah meuh chuan Pasalthate pawhin an hlau a, An thlaphangin mahni pawh an inhre tawh thin lo. |
26. | Miin khandaihin bei mah se la, a hneh lo ang; Fei emaw, thal emaw, feitam emaw pawhin. |
27. | Thirte chu buhpawl ang lekah a ngai a, Ngen chu thing mawih angah. |
28. | Thalin a titlanchhe lo a, A lakah chuan virvawmte chu pawl bul ang lek a ni. |
29. | Talhtumte chu pawl bul anga ngaih a ni a, Feitam vungte chu a nuihsan mai a ni. |
30. | A hnuai lampangte pawh lampei hriam tak ang a ni a; Diakahte chuan buhchil khawl ang maiin a bawk a. |
31. | Tui thuk tak chu bel angin a tiso buah buah a, Tuipui chu hlo bur ang lekah a siam a. |
32. | A kalna hnu chu a eng ruak a, Miin tuipui chu var buahin an hmu thin. |
33. | Lei chungah hian amah ang reng an awm lo e, Hlauh nei hauh loa siam chu.Thil sang apiang a en thin a, Inlulungte zinga a ber a ni. |
34. | Thil sang apiang a en thin a, Inlulungte zinga a ber a ni. |
← Job (41/42) → |