Job (4/42)  

1. Tichuan, Elifaza Temani mi chuan a chhang a, heti hian a ti a:
2. I hnenah thu kam khat sawi i la, i hua ang em? Mahse, tawng loin tu nge insum thei ang le?
3. Ngai teh, mi tam tak i lo zirtir a, Kut chak lote i tichak tawh a.
4. I thuin tlute a tungding a, Khup zawite chu i tichak a.
5. Tunah i chungah a lo thleng ve ta a, i chau a, A han khawih chia, i buai ta a ni.
6. I Pathian tih hi i rinchhan ber, I kawng ngilna hi i beisei chhan a ni lo em ni?
7. Han ngaihtuah vang vang teh, pawi khawih lo tu nge boral? Khawnge mi ngil tihboin an awm ngai?
8. Keia hmuh dan chuan khawlohna lei leta, Buaina tuh chuan a ngai vek an seng leh thin.
9. Pathian thawah an boral thin a, A thinrimna chhemin an ral thin.
10. Sakeibaknei rum te, sakeibaknei kawlh awrawl te, Sakeibaknei vanglai ngho te a tliak e.
11. Sakeibaknei upa chu ei chhamin a boral a, Sakeibakneipui no hruaite chu an darh e.
12. Aruk tein ka hnenah thu a lo thleng a, Ka beng hian a phunru ser ser chu a hria.
13. Mi mut reh lai taka Zan inlarna chu ka ngaihtuah laiin,
14. Hlauhna ka chungah a lo thleng a, khurhna nen, Ka ruh zawng zawng a tinghing a.
15. Tichuan, ka hmai hmaah thlarau a kal a, Ka hmulthi a ding sung sung.
16. A ding a, mahse, a hmel lan dan ka thlei thei lo; Riruang zawng ka hmaah a awm ngei mai; A reh thiap a, tin, aw ka hria a.
17. Pathian hmaah mihring thi thei a fel tawk em ni? A siamtu hmaah mihring a thianghlim tawk em ni?
18. Ngai rawh, a chhiahhlawhte pawh a ring zo lo a, A vantirhkohte pawh a a ti a ni:
19. Hlum ina chengte chu a va ring lo zual dawn em, Vaivuta siam mai a ni a, Phengphehlep anga awngrawp mai te chu!
20. Zing leh tlai karah an boral a, Tukhaw ngaihsak lohin an ral zel thin a ni.An chhunga puan in thlunna hrui pawh chah a nihin An thi mai a ni lawm ni, finna nei loin?
21. An chhunga puan in thlunna hrui pawh chah a nihin An thi mai a ni lawm ni, finna nei loin?

  Job (4/42)