← Job (34/42) → |
1. | Tin, Elihua chuan a sawi zel a: Nangni mi fingte u, ka thute ngaithla rawh u la, Nangni mi thiamte u, in beng dawh rawh u. |
2. | Kain ei mi a hria angin Bengin thu a thliar a ni. |
3. | Kan tana dik chu thlang i la, A tha chu keimahniin i chian ang u. |
4. | Joba, 'Fel zawng ka fel a ni, Pathianin ka thiamna mi hnawlsakin, |
5. | Ka thiam reng chung hi dawtheiah mi chhiar mai pawh a: Bawhchhiatna ka nei lo chungin Ka hliam chu tihdam rual a ni lo,' a ti si. |
6. | Joba ang hi tu nge awm, Tui anga deuna ina, |
7. | Khawlohna titute pawla, Mi suaksualte nena leng thin chu? |
8. | Pathian chunga lawm hi Mihringin engah mah a sawtpui lo e,' a ti vei nen. |
9. | Chuvangin, nangni, mi rilru neite u, Mi ngaithla rawh u, Pathian chuan thil suaksual tiin Engkimtitheia chuan thil dik lo chu a ti teuh lo ang. |
10. | Mite an thiltih ang zelin a thungrul ang a, Mi tin, an awm dan ang zelin an chungah a thlentir dawn si a. |
11. | A ni, Pathian chuan suaksual takin a ti lul lo ang a Engkimtitheia chuan a rel khawlo hek lo ang. |
12. | Tunge lei hi amah awptir a, Khawvel pum pui hi a hnena kawltir ni? |
13. | Ama thlarau chu ahnea a lak kir a, Ama thaw chu a hnena a lak khawm leh chuan, |
14. | Mi nung zawng zawng an boral rual ang a, Mihring chu vaivutah a chang leh mai ang. |
15. | Hriat thiamna i neih chuan hei hi ngaithla la, Ka tawng ri hi bengkhawn rawh. |
16. | Thudik hawtu chuan ro a rel ang em ni? Mi fel leh thiltitheia chu thiam loh i chantir ang em ni? |
17. | Ani chu lalber hnena, "Tlaktlailopa," Mi lian hnena, "Suaksualpa," titu, |
18. | Hotute pawh duhsak bik lo leh Mi rethei aia mi hausak ngaihsak chuang lo ani a, An zain a kutchhuak an ni si a. |
19. | Mit khap kar loah an thi a, Zanlaiah mite an khur a, an ral a, Mi chakte pawh kut loa lak boin an awm. |
20. | Mihring awm dan chungah mit a len a, A pheikhai zawng zawnga a hmu vek si a. |
21. | Khawlohna titue an bihruk theihna tur Thim a awm lo a, thihna daihlim a awm hek lo. |
22. | Pathianhmaa rorelnaa kal turin Mihring tan hun bi a ruat si lo. |
23. | Mi chakte chu a titiau va- an thu rel loin, An hmunah midangte a dah thin. |
24. | Chutiang chuan an thilte chu hriain Zanah anmahni a tichhia a, a nuai bo a. |
25. | Mite mithmuhah anni chu Mi sual hremin a hrem a, |
26. | Ama laka an pen bo avang leh A dante an pawisak loh avangin; |
27. | A beng thleng khawp khawpion retheite an rumtir a, Ani chuan hnehchhiahte au thawm chu a lo hria a. |
28. | Ani chu lo ngawi se la tu nge thiam loh chantir thei ang? A hmel a thup laiin tuin nge hmu thei ang? Hnam tan emaw, mi mal tan emaw thuhmun a ni. |
29. | Pathian hre lo mi chuan ro a rel lohna tur leh Mipui an awkai lohna'n. |
30. | Miin Pathian hnenah chuan, Pawi ka khawih lo na a, hremna ka tuar si, |
31. | Ka hmuh loh chu mi zirtir la, Khawlohna ka tih pawhin, Ka ti tawh lo ang,' a ti ngei em ni? |
32. | Pathian thungrulhna chu i duh ang kher em ni dawn a, I lo hnial ni? Kei ni loin nangin i thlang tur a ni, Chuvangin, hriat chu sawi rawh khai |
33. | Mi rilru neite leh mi fingte Mi ngaithla apiang pawhin, |
34. | Joba hi chinchang hre loin a tawng mai mai a ni e,m A thu-ah hian finna a awm lo e, mi tihpui ang. |
35. | Joba hi mi sual tawnga a tawng avang hian Fiah fai vekin awm se ka ti a ni.A sual belhchhahin a hel a, Kan zingah a kut a beng a, Pathian chungah a thu a tui tam mai a nih hi. |
36. | A sual belhchhahin a hel a, Kan zingah a kut a beng a, Pathian chungah a thu a tui tam mai a nih hi. |
← Job (34/42) → |