←  Job (19/42)  →

---

1.

Tin, Joba chan a chhang a, heti hian a ti a:

2.

Eng chen nge mi tihhreawm ang a, Thutea mi vuak vual dawn?

3.

Vawi sawm lai mi dem chhe ta a. Tha lo taka ka chunga tih hi in zak hek lo.

4.

Dik lo pawh ni ta i la, Ka dik lohna chu keimahah ka pai ang.

5.

Ka chunga intilian in nih a, Ka chhiatna hi mi hnialfunga hmang i nih chuan,

6.

Hre ta che u, Pathianin mi paih thla a, A lenin mi tuam a nih hi.

7.

Ngai teh u, Pawngnekna, tiin ka au chhuak a, Mahse, chhan ka ni lo a, tanpui dilin ka au a, mahse, rel dikna a awm lo.

8.

Ka kawng dai atheu hnan a, ka pel thei lo, Ka kawngte chu thimin a khuh a ni.

9.

Ka ropuina mi hlihsak a, Ka lua lallukhum chu a la a.

10.

Kawng tinah mi tichhia a, ka ral a ni ta: Ka beiseina thing angin a pawt phawng a.

11.

A thinurna ka chungah a mut kai a, A hmelma angah mi chhiar a.

12.

A sipai rual an kal khawm a, Ka lamah kawng an thlak a, Ka puan in velah buk an khuar a.

13.

Ka unaute ka lakah a tihla a, Ka hmel hriatte ka lakah an mi hrang zo a.

14.

Ka laichinten mi chu-kha ta lo a, Ka thian bulten mi theihnghilh zo a,

15.

Ka in chengte leh ka in awm nulaten Mikhualah mi chhiar a, An mithmuhah hmel hriat loh ka ni ta.

16.

Ka chhiahhlawh ka ko a, mi chhang lo a. Kam thlumin ka ngen tur a lo ni ta.

17.

Ka nupui tan ka rim a chhia a, Ka chhul khat kualpui tan ka tenawm a.

18.

Naupangte lamin mi hmusit a, Ka han tho hi mi eu a.

19.

Ka thian tha zawng zawngten mi ten a, Ka hmangaih thinte chu ka lakah an ner ta.

20.

Ka vun leh ka tisa hi ka ruhah a bet a, Ka ha vun chu ka la chang a.

21.

Aw, nangni ka thiante u, Mi khawngaih rawh u, mi khawngaih rawh u,

22.

Pathian kutin mi khawih a nih hi. Engah nge Pathian ang ziazanga mi tihduhdah a, Ka tisa tuarna hi tawk in la tih loh ni?

23.

Aw, ka thute chu ziak ni teh se la! Lehkhabuahte chuang teh se la aw!

24.

Ziakna thir leh suanin, Lungpuiah kumkhua atan ziak ni teh se la aw!

25.

Ka tlantu chu a nung tih ka hre si a, Nakinah chuan leiah hian a lo la ding ang.

26.

Ka vun hi tihchhiata a awm hnuin, Ka tisain Pathian ka la hmu ang.

27.

Keima tan ngei ka la hmu ang a, Ka mitin a la thlir ang a, mi dang ni loin, Ka chhungah ka rilru a chau ta.

28.

Engtin nge amah chu kan tihduhdah ang, Thil bulte amahah hmu siin, in tih chuan,Khandaih chu hlau rawh u, Thinurna chuan khandaih hremna a thlen si a, Rorelna a awm tih in hriat theihna'n.

29.

Khandaih chu hlau rawh u, Thinurna chuan khandaih hremna a thlen si a, Rorelna a awm tih in hriat theihna'n.

---

←  Job (19/42)  →