←  Job (12/42)  →

---

1.

Tichuan, Joba chuan a chhang a, heti hian a ti a:

2.

A ni ngei mai, mi fing zawng in lo nih hi,In rualin finna a thi ang.

3.

Mahse, nangni angin hriatna ka nei ve bawk,In lakah ka neu bik lo e,A ni, tu nge thil hetiang hi hre lo awm?

4.

Thiante nuihzabur ka ni. Kei, Pathian koa a chhana ngei hi.

5.

Mi fel, mi famkim si, nuihzabur ka ni.Mi nuamsa rilruah chuan vanduai hmusitna a awm;Rahbi tleute a chang reng a ni.

6.

Suamhmang puan in a hmuingil a,Pathian tithinurtute an him a,An kuta an pathian rawn kengtute chu.

7.

Rante pawh zawt teh khai, an zirtir ang che,Chunglen savate pawh zawt la, an hrilh ang che;

8.

Lei pawh bia la, a zirtir ang che,Luipui sanghate chuan i hnenah an puang ang.

9.

Heng thil zawng zawngah hian tu nge hre lo awm,LALPA kut chuan hei hi a ti a ni, tih hi?

10.

A kutah thil nung tin nunna leh Mihring chi zawng zawng thlarau a awm.

11.

Bengin thu a chian lo em ni.Kain ei tur a tem ang hian?

12.

Upa hnenah finna a awm a,Khuareiah hriat thiamna,

13.

A hnenah finna leh chakna a awm a,Rem hriatna leh hriat thiamna a nei a.,

14.

Ngai rawh, a thiat a, sak leh rual a ni lo,Mi a khar hnan a, hawn rual a ni lo.

15.

Ngai rawh, tuite chu a chelh a, an lo kang a,A rawn tir chhuak leh a, leilung an tuam.

16.

A hnenah chakna leh finna a awm a,Bum leh bumtu a ta an ni.

17.

Remruattute ruakin a hruai bo a,Roreltute a tia a.

18.

Lalte phuarna chu a phelh a, An kawng chu kawnghrenin a hreng a.

19.

Puithiamte ruakin a hruai bo a,Mi chakte a titlu a,

20.

Mi rinte thusawi a sawn a,Upate hriatna a la bo.

21.

Miliante chungah hmusitna a leihbua a,Mi chakte taihren a phelhsak a.

22.

Thim ata thil thukte a dap chhuak a,Thihna hlim chu engah a la chhuak.

23.

Hnamte chu a tipung a, a tiral a,Hnamte chu a tilian a, a hruai bo a,

24.

Lei mipui hotute thinlung a la bo a,Thlaler kawng awm lohnaah a vahvaihtir a.Eng awm loin thimah an dap a,Zu rui angin a paitir a.

25.

Eng awm loin thimah an dap a,Zu rui angin a paitir a.

---

←  Job (12/42)  →