Job (1/42)  →
1. Uz ramah chuan mi pakhat a awm a, a hming chu Joba a ni; chu mi chu mi famkim, mi ngil tak, Pathian tih mi, thil tha lo laka insum thei mi a ni a.
2. Tin, fapa pasarih leh fanu pathum a nei a.
3. A neihnunzia chu, beram sangsarih, sanghawngsei sangthum, bawngpa tuak zanga, sabengtungpui zanga leh chhiahhlawh tam tak a nei a ni: tichuan he mi hi khaw chhak fate zingah chuan mi ropui ber a ni a.
4. Tin, a fapate chuan an inah an hun zelah ruai intheh chhawkin an kal khawm thin a, an farnu pathumte chu an hnena ei leh in turin an sawm thin a.
5. Tin, chutia an ruai thehte an zawh hnuah chuan Joba chuan anmahni a ko a, a thian hlawm a; zing takah a tho a, an zaa hming kimin halral inthawi a hlan a: Joba chuan, "Ka fapate hian thil an lo tisualin Pathian an lo sawi chhia a ni mahna," a ti a ni. Joba chuan hetiang hian a ti fo thin a ni.
6. Tin, Pathian fapate LALPA hmaa an inlan ni a lo awm a, Setana pawh an zingah a lo tel ve a.
7. Tichuan LALPA chuan Setana hnenah chuan, "Khawi lam atanga lo kal nge i nih?" a ti a. Tin, Setana chuan LALPA chu a chhang a, a hnenah, "Leia ka vahvelna atang leh ka chhohna atangin, " a ti a.
8. Tin, LALPA chuan Setana hnenah, "Ka chhiahhlawh Joba hi i ngaihtuah ngai em? Lei chungah hian amah anga famkim, mi ngil, Pathian tih mi, thil tha lo laka insum thei mi tumah an awm lo a sin," a ti a.
9. Tichuan, Setana chuan LALPA chu a chhang a, a hnenah, "Joba chuan vang awm loin a tih em ni?
10. Amah chu a in nen, a neih zawng zawng nen, kil tinah i hung vel a ni lo'm ni? A kut hnathawh mal i sawm a, he ramah hian a lo neinung sawt em em atin a ni.
11. Tunah hian i kut thawh la, a neih zawng zawng hi han khawihsak teh, i hmaichhan ngeiah a sawichhe mai ang che," a ti a.
12. Tin, LALPA chuan Setana hnenah chuan, "Ngai rawh, a neih zawng zawng chu i kutah a awm e, amah tak erawh chu khawih suh ang che," a ti a. Tichuan, Setana chu LALPA hma ata a chhuak ta a.
13. Ni khat chu a fanu a fapaten an u ber inah chaw an ei a, uain an in laiin,
14. Joba hnenah chuan zualko a lo tlan a, "bawngpate chuan lei an hrut laia sabengtungte an kianga an tlat lain,
15. Seba miten an rawn bei a, an la a, chhiahhlawhte chu khandaihin an that a, keimah chauh hi hrilh tur chein ka lo chhuak a ni," a rawn ti a.
16. A la sawi lai mek chuan mi dang a lo tlan leh a, van atangin Pathian mei a lo tla a, beramte leh chhiahhlawhte chu a kang a, a tiral vek mai a, keimah chauh hi hrilh tur chein ka lo chhuak a ni," a ti a.
17. A la sawi lai mek chuan mi dang a lo tlan leh a, "Kaldai-ho pawl thumah an insiam a, sanghawngseite chu an rawn bei a, an la vek a; a ni, chhiahhlawhte pawh chu an that a, keimah chauh hi hrilh tur chein ka lo chhuak a ni," a ti a.
18. A la sawi lai mek chuan mi dang a lo la tlan leh a, "I fanu te, i fapaten an u ber ina chaw an ei a, uain an in laiin,
19. Ngai teh, thlaler atangin thlipui a lo thawk a, in chu kil liah a rawn nam a, nula-tlangvalhote chu a delh a, an thi ta vek mai, keimah chauh hi hrilh tur chein ka chhuak a ni," a ti a.
20. Tichuan, Joba chu a tho a, a puan a pawt thler a, a lu a ziat kawlh a, leiah a tlu a, Pathian a bia a.
21. "Ka nu pum ata saruakin ka lo chhuak a, saruak vekin ka kir leh dawn a nih hi; LALPA'n a pe a, LALPA'n a la leh ta a; LALPA hming chu fakin awm rawh se," a ti a.Heng zawng zawngah hian Joba chu a sual lo a, Pathian chu a mawhchhiat hek lo.
22. Heng zawng zawngah hian Joba chu a sual lo a, Pathian chu a mawhchhiat hek lo.
      Job (1/42)  →