← Jeremiah (8/52) → |
1. | Chumi hunah chuan, tih hi LALPA thu chhuak a ni: Juda lalho ruh te, a hotute ruh te, puithiamho ruh te zawlneiho ruh te, Jerusalema chengho ruhte an thlan ata an la chhuak ang ; |
2. | ni te, thla te, vana awm zawng zawng, an hmangaih a, rawng an bawl a, an u a, an zawn a, chibai an bukate hmaah chuan an pho chhuak ang: lak khawm an ni tawh lo vang a, phum an ni hek lo ang; lei chunga ekdur mai tur an ni ang. |
3. | He mi chhungkaw sual tak la awm chhun zawg zawng, ka hnawh darhna hmuna la chambangte chuan nun aiin thih an thlang zawk ang, tih hi sipaihote LALPA thu chhuak a ni. |
4. | Chu lo pawh chu an hnenah heti hian i sawi tur a ni: LALPA chuan heti hian a ti: Mi an tlukin an tho leh lo ang em ni? Mi a pen boin a lo kir leh lo ang em ni? |
5. | Engatinge he Jerusalem mite hi, Kumkhuaa hnungtawlh tura an tawlh thluk tak le? Bumna an vuan tlat, kir leh an duh lo. |
6. | Ka beng chhiin ka ngaithla a, Tuma'n thudik an sawi lo, Tuma'n, eng nge ka tih tak? Tiin an suahsualna an sim hek lo; Mi tinin mahni kawng an hawi ta theuh a, Indo hmuna sakawr lim buan buan ang maiin. |
7. | A ni, vana vacha chuan a hunbite a hria a, Thuro te, Vamur te, kanghlaite chu a hun takah an lo thleng thin a. Ka mite erawh chuan LALPA thu ruat an hre lo. |
8. | Engtin nge, Mi fing kan ni, LALPA dan kan hnenah a awm, in tih ni? Ngai teh u, lehkha ziak tute kawlawm dawthei chuan, Dawtah an chantir zawk a ni. |
9. | Mi fingte chu an zakin an zam ang a, Manin an awm ang; Ngai teh u LALPA thu chu an paih thla a, Anmahniah eng finna nge awm le? |
10. | Chuvangin an nuuite chu mi dangte hnenah ka pe ang a, An lote paw a la neitu turte hnenah; Mi tin, a te ber atanga a ropui ber thlengin Awh hmang an ni a. Zawlnei atanga puithiam thleng pawhin Mi tinin bum an hmang si. |
11. | Ka fanu, ka mite hliam chu ngaih sam takin, "A tha a lawm, a tha alawm" tiin an thawi a, A tha hauh si lo a. |
12. | Thil tenawm an tih hi an zak em le? Hnai lo e, an zak hauh lo a, an hmel pawh a sen hek lo. Chuvangin tlute zingah an tlu ve ang a, Anmahni hrem hunah chuan paihthlakin an awm ang, Tih hi LALPA thu chhuak a ni. |
13. | Anmahni ka tiboral vek ang, Tih hi LALPA thu chhuak a ni: Grep hruite a rah lo vang a, Theipui kungte a rah hek lo ang; A hnah pawh a vuai ang a, Anmahni chim botu turte ka ruat tawh a ni. |
14. | Engatinge kan la thut reng le? Pung khawm u la, khawpui kulh neiahte lut u la, Chut ah chuan i boral dial ang u; LALPA chunga kan sual tak avangin; LALPA kan pathian chuan tur tui min intirin, Boralnaah min dah a ni. |
15. | Muanna kan zawng a, thatna engmah a lo thleng lo, Tihdamna hun tur pawh, ngai teh thlaphanna mai. |
16. | An sakawr hnar tum ri chu Dan atangin hriat a ni a, An sakawr chak hram thawmah chuan ram pumpui chu a khur a, An lo thleng a, a chhunga awm zawng zawng, An ei zo vek ta, khawpui leh a chhunga chengte nen. |
17. | Ngai teh u, in zingah rulpui ka tir ang a, Rul tur nei, khawi ngam rual lohte chu: Chung chuan a chu ang che u, Tih hi LALPA thu chhuak a ni. |
18. | Aw lungngaihnaah hian inthlamuan thei tak i la aw! Chhungrilah chuan ka thinlung a chau zo ta. |
19. | Ngai teh u, ram hla tak ata, Ka fanu ka mite tap thawm chu, Zionah chuan LALPA a awm lawm ni; A chhngah a LAL a awm na nge? A milim siam chawpte leh hnam milemtein, Engahnge mi tihthinur ni? |
20. | Buh seng hun a liam ta, Nipui a tawp ta, chhandamin kan la awm lo. |
21. | Ka mite ka fanu natnaah chuan ka a ve si, Ka sun a, thlaphannain mi vuan ta.Gilead-ah thinghnai damdawi a awm lawm ni le? Chutah chuan tidamtu a awm na nge? Engati nge ka mite, ka fanu a hrisel theih loh? |
22. | Gilead-ah thinghnai damdawi a awm lawm ni le? Chutah chuan tidamtu a awm na nge? Engati nge ka mite, ka fanu a hrisel theih loh? |
← Jeremiah (8/52) → |