←  Jeremiah (49/52)  →
1. Amon fate thu, LALPA chuan heti hian a ti: Israelan fate a nei lo em ni? Rokhawmtu a nei na nge? Engati nge Gad chu Milkoman a luah tak a, A mite a khawpuiahte an chen tak?
2. Chuvangin, ngai rawh u, nite a lo thleng e, Tih hi LALPA thu chhuak a ni. Indo thawm ri ka hriattir ang, Amon fate, Rabbah khuaah, Thil ram awm khawm mai a lo ni ang a, A fanute chu meiin a kang a, Tichuan Israel chuan amah neitu chu a nei thung ang, LALPA'n a ti.
3. Aw Hesbon, chiau vak vak la, Ai chu an rawk zo tawh si; Rabbah fate u, tap rawh u, Tap u la, hungna chhungahte tlan vel rawh u. Milkoma chu sala hruaiin a awm dawn si, A puithiam leh a mi liante nen.
4. Engah nge i ruam thaate i chhuan, aw rinawmlonu! A neih tha thate ringa, 'Tunge mi bei ang,' ti thintu?
5. Ngai rawh, hlauhna i chungah ka rawn thlen dawn, I vela mi zawng zawng la ata, Tih hi Lalpa, Sipai hote PATHIAN thu chhuak a ni. Mi tin, hnawh chhuah in ni vek ang, Tuma'n tlanchheho chu an khawm lo ang.
6. Chumi hnuah erawh chuan Amon fate awm dan ka lamlettir ang, tih hi LALPA thu chhuak a ni.
7. Remhre remhriatna a bo zo ta em ni? An finna a bo zo em ni?
8. Aw Dedana chengte u, tlanchhia u la, lehhawi u la, Pil bo daih rawh u; Esauva chhiatna a chungah ka rawn thlen dawn e, Amah ka hrem hunah chuan.
9. Grep lotute chu i hnenah an lo kalin, hmaih an nei dawn lo'm ni? Zana rukrute chuan an duh tawk ngah hma chu An rawk zel dawn lo em ni?
10. Esauva chu ka tisaruak ta a, A khuh ruk thinte chu ka hawng ta, A biru thei tawh lo ang. A thlahte tihchhiat an ni a, A unaute, a thenawmte nen, A ral thum ta.
11. I nau, pa nei lohote chu ngaihsak suh,Keiin ka hum ang, I hmeithaiten mi ring rawh se.
12. LALPA chuan heti hian a ti: No in lo turte pawhin an in tlat chuan, nang hrem loh tawpin i chhuak dawn em ni? Hrem lohin i chhuak lo ang, i in mawlh ang.
13. LALPA chuan mahni inchhalin chhia ka chham ta si a, Bozra chu mak tih huai huai, sawi chhiat, tihram, anchhe dawng a ni ang a, akhua zawng zawng pawh a ram hlen ang.
14. LALPA hnen ata thupuan ka lo hre ta, Hnamte hnenah tirhkoh tirh a ni. Inpun khawm u la, amah bei u la, Indo puahchah rawh u.
15. Ngai rawh, hnamte zingah ka tite ta si chia, Mihringe hmuhsitin.
16. I intihrapthlakna kha i thinlung chapo bumna che a ni, Aw nang kham lung kara, tlang chhipa cheng thin, Mu angin, sang takah i bu chhep mah la, Chumi atnag chuan ka la thla tho ang che,Tih hi LALPA thu chhuak a ni.
17. Tin, Edom chu mak tih huai huai a lo ni ang a, mi veivak apiangin mak an ti ang a, a chhiat nasat vang chuan an chek khum ang.
18. Sodom leh Gomora leh a vela khawpuit4e tihchhiata a awm ang bawkin, tumah an cheng tawh lo ang a, mihring fa tumah chutah chuan an awm ngai tawh lo ang, LALPA'n a ti.
19. Ngai rawh u, Jordan ram ngaw atanga sakeibaknei, ran thlahna hmunah a lo chho vang a; a lak atnaign anmahni ka tlan botir nghal ang a, a chunga thu nei turin ka duh apiang ka ruat ang. Keimah ang hi tu nge awm ni? Tuin nge hunbi min thliahsak ang? Berampu tu nge ka hmaa ding tur chu?
20. Chuvang chuan Edom chunga LALPA thurawn leh Teman mite chunga a thil ruat, tih a tum takte chu ngaithla rawh u: ran rual notete ngei chu hnuh boin an awm ang a; an chenna chu a titiau ang.
21. An tluk chhiatna thawmah chuan lei hi a khur a; an tap thawm chu Tuipui Senah pawh hriat a ni ang.
22. Ngai rawh u, mupui angin a lo thlawk chho ang a, Bozrah chungah chuan a thla a zar ang; chumi ni chuan Edom mi huaisente thinlung pawh chu hmeichhe nau vei thinlung ang mai a ni ang.
23. Damaska thu: Hamath chu a zak ta, Arpad nen, Thu tha lo an hre ta si a, an riral ta; Tuipui fawn awm hle hle thei lo angin an buai a. Damaksa a rawih zo ta, Taln chhiat a tum a, khurhin a nang ta. Lungngaihna leh nain a vuan ta, hmeichhe nau vei ang maiin.
24. Khawpui himgthang leh hlimawm chu a va thing ta em!
25. Tichuan chumi niah chuan a tlangval rualte chu kawtlaiah an tlu ang a, A raltu mi zawng zawng an boral ang, Tih hi Sipaihote LALPA thu chhuak a ni.
26. Tin, Damaska kulh bangah mei ka chhuah ang a, Benhadada lal inte chu a kang zo ang.
27. Kedar leh Hazor ramte Babulon lal Nebukadnezzaran a suasam thu: LALPA chuan heti hian a ti: Tho u la, Kedar bei u la, khaw chhak fate chu sawisa rawh u.
28. An puan inte, an ran rualte an laksak ang, An puanzar te, an bungbel zawng zawng te, An sanghawngseite chu an kal bopui ang, Kil tinah hlauhawm a awm, Tiin miten an au khum ang.
29. Tlan chhia u la, vak bo daih rawhu u, Pil bo daih rawh u, aw Hazora chengte u, Tih hi LALPA thu chhuak a ni. Babulon lal Nebukadnezzara chuan A phair che u, i chungah tih tum a nei ta e.
30. Tho u la, thlamuang taka awm, Mahnia khawsa, kulh kawngkhar pawh nei lo, Kalhna thir tlawn pawh nei lo hnam chu bei rawh u, Tih hi LALPA thu chhuak a ni.
31. An sanghawngseite chu ralin an la ang a, An sebawng rual nawlpui chu an kawi ang Baksam ziar kawng hote chu kil tinah ka tidarh ang, An chhiatna tur chu kil tin, atangin ka rawn thlen ang, Tih hi LALPA thu chhuak a ni.
32. Tin, Hazor chu sihal chen hmun a ni ang a, A ram kumkhua ang; Tah chuan tumah an cheng tawh lo ang a, Mihring fate reng reng an khawsa tawh lo ang.
33. uda lal Zedekia lal tantirha Elam chungchanga LALPA thu, zawlnei Jeremia hnena lo thleng chu:
34. Sipaihote LALPA chuan heti hian a ti: Ngai rawh u, Elam thal ngul, an chakna bul ber chu, Ka titliak ang;
35. Kawlkil li ata thli paliate ka rawn thlen ang, Elam chungah chuan; Ka tidarh ang, kawlkil tinah chuan, Elam hnawhchhuah mite thlen lohna hnam reng an awm lo ang.
36. An hmelma, an nun zawngtute hmaah chuan, Elamho chu ka tizam lo ang, An chungah chhiatna ka rawn thlen ang, Ka thinur nasa tak mai chu, Tih hi LALPA thu chhuak a ni. Anmahni khandaih ka umtir ang, ka tihral vek hma loh chu
37. An lalte leh an hotute tiralin Elamah chuan ka lalthutthleng ka hung ang, Tih hi LALPA thu chhuak a ni.Mahse ni hnuhnungahte chuan heti hi a ni ang, Elam awm dan ka lamlettir ang, Tih hi LALPA thu chhuak ani e.
38. Mahse ni hnuhnungahte chuan heti hi a ni ang, Elam awm dan ka lamlettir ang, Tih hi LALPA thu chhuak ani e.
←  Jeremiah (49/52)  →