←  Jeremiah (48/52)  →
1. Moab chungchang thu: Sipaihote LALPA, Israel Pathian chuan heti hian a ti: Nebo chung a pik e! tihtiauin a awm ta! Kiriathaim chu tihmualphoin a awm ta, lak sawn a ni a. Misgab chu tihmualpho leh tihchhiatin a awm ta.
2. Moab hmingthanna a bo ta. Hesbonah a chhiatna tur relin "Hawh u, hnam a nihna ata i tibo ang u," an ti a. Aw Mademen khua, nang pawh tihreh der i ni ang a, Khandaihin a um dawn a che.
3. Horonaim atanga au thawm, Rawkral leh tihchhiatna nasa tak mai chu.
4. Moab a boral e, A fanaute tap thawm hriatin a leng e.
5. Luhith chhovah tapin an chho a, Horonaim chhukah boralna au thawm manganthlak an hria.
6. Tlan bo u la, in nun humhim rawh u, Thlaler ram sabengtung angin awm rawh u.
7. I kutkawih leh i sum leh pai i rin vangin Nang pawh manin i awm dawn a ni; Khemos chu sala hruai a ni ang a, A puithiamte leh a hotute nen.
8. Khaw tinah tichhetu a lo thleng ang, Khaw pakhat mahin a pumpelh lo ang; Phai ram pawh chu a boral ang, Phaizawl pawh tihchhiat a ni ang, LALPA'n a sawi tawh ang ngei khan.
9. A thlawh bo theihna'n Moab chu thla pe u la, A khuate chu a ram ang a, chengtu awm loin.
10. Thlahdah taka LALPA hna thawktu chu anchhe dawngin awm se la, Thisen chhuah tura a khandaih hmang duh lotu chu anchhe dawngin awm rawh se.
11. A tleirawl ata Moab chu a nuamsa a, Nga ngul khawpui a tling reng a, Bel danga ruah tuah pawh a tawk lo a, Sala hruaiin a awm ngai hek lo, A tui ngaia tui rengin, a rim pawh a dang chuang lo e.
12. Chuvang chuan ngai rawh u, "Ni chu a lo thleng e, a bun chhuaktu tur chu ka rawn tir ang a, tin, annin an bun chhuak ang," tih hi LALPA thu chhuak a ni: a belte chu a tiruak ang a, a burte chu a tisawm ang a, Israel chhungten an rinpui ber Bethel an zahpui8 angin Moab chuan Khemos a zahpui tawh ang.
13. Pasaltha leh ral tu mi husaisen kan ni e, Eng tiziaa ti in ni nge?
14. Moab chu tihramin a awm a, A khawpui chu mei khu-an a chang zo ta, A val rual tha zawng an tlu hlum zo,Tih hi Lalber, a hming Sipahaihote LALPA thu chhuak a ni e.
15. Moab chhiatna chu a lo thleng mek a,A tuarna tur a tuah tep a ni.
16. Nangni a vela mi zawngten amah sunin A hming hria zawng anwg pawhin Tiang khauh leh tiang ropui a tliah tak le, ti rawh u.
17. Aw nang fanu, Dibona cheng, i ropuina chhuksan la, Tuihalin thu rawh: Moab rawktu chuan a bei chia, I kulhte chu a tichhe ta si a.
18. Aw Aroer-a chengnu, kawng bulah ding la,m en thlithlai rawh,Tlanchhepa leh relhrunu zawt la, Eng nge ni ta le?" tiin.
19. Moab tihmualpho a ni ta, a lo sawprawp ta si, Chiau vak vakin tap rawh u, Moab tihram a ni ta, Tih Arnonah puang rawh u.
20. Ram zawl chungah rorelna a lo thleng ta, Holon-ah te, Jahzah-ah te, Mephaath-ah te,
21. leh Dibon-ah te, Nebo-ah te, Beth-diblathaim-ah te,
22. leh Kiriathaim-ah te, Beth-gamul-ah te, Beth-Meon-ah te,
23. leh Kerioth-ah te, Bozrah-ah te, Moab rama khua zawng zawng, a hle leh a hnaiah te pawh.
24. Moab ki chu rawt chhum a ni a, a ban chu tihtliah a ni ta, tih hi LALPA thu chhuak a ni.
25. Amah chu tirui rawh u, LALPA chungah a intilian si a; tin, Moab chu ama luakah a tal ang a, nuihzaburin a awm bawk ang.
26. Israel chu i tan nuihzabur a ni tawh lawm ni kha? Rukhmang zingahte a tel em ni? Ama chungchang i sawi apiangin i lu i thing si a.
27. Moab-a chengte u, Khawpui tlansan u la, kham karah cheng rawh u, Thuro, puk panga bu khuar thin angin rawm r'u.
28. Moab chapona chu kan lo hre ta, a chapo nangei mai, A indahsanzia te, a chapozia te, a chaltlaizia te leh A thinlung induhzia te chu.
29. A thinurna chu engmah a ni lo tih ka hria; A unanthuannate chuan engmah a thawk kaw lo, Tih hi LALPA thu chhuak a ni.
30. Tichuan Moab chungah ka chiau vak vak ang a, A ni, Moab pum pui chu ka tahsak ang, Kirheres mite sun an ni ang.
31. Jazer tah aia nasain ka tah ang che, I nipui thei leh grep rahte tichhetuin a bawm e,
32. Hlimna leh lawmna a bo zo ve, Thei hmun leh Moab ram ata: uain sawr khura ka uain ka tikin ta a, Tuma'n hlima auin an chil tawh lo ang, Au thawm chu hlim thawm a ni tawh lo ang,
33. Hesbon leh Elealeh-ah an au a, Jahaz thleng thlengin aw an chhuah a, Zaor atanga Horonaim thleng, Elath-selis thleng pawhin. Nimrim tuikhurte a thing thup ang.
34. Chulovah pawh Moab bawlhmun thil hlantu leh a pathiante tana rimtui haltu chu ka tibo ang, LALPA thu chhuak chuan a ti.
35. Tichuan phenglawng angin ka thinlung Moab tan a ri a, Kirheres mite tan thil tum rik angin ka thinlung a ri a; chuvangin hnianghnara thil a dawn tawhte kha a riral zo ta a.
36. Lu tinreng ziah kawn a ni a, khabe hmun tinreng meh a ni; kut zawngt zawng zai a ni a, kawngahte saiip puan a awm hlawm a.
37. Moab in chung zawng zawngah te, kawtthlerah te, hmun tinah tahna a awm a; Moab chu bel tangkai tawh lo angin a ka tikeh zo ta a ni, tih hi LALPA thu chhuak a ni.
38. A va chhe tawh em! An chiau nasatzia chu! Moab chu mualphoin a lehhawi tak chu! Tichuan Moab chu a vela mite zawng zawng tan uihzabur leh rapthlak a lo ni ta.
39. LALPA chuan heti hian a ti a ni: Ngai rawh, mu angin a thlawk dawn, Moab chungah a thla a zar ang.
40. Kerioth chu lak a ni a, a kulhte chu an thawng thut a, Chumi niah Moab pasalthate thinlung chu Hmeichhe nau vei thinlung ang mai a ni ang.
41. Moab a boral ang, hnam a tling tawh lo ang; LALPA a chungtlak zawk avangin.
42. Hlauhna, khuarkhurum leh thang te, Aw Moab luahtu, i chungah a thleng e, Tih hi LALPA thu chhuak a ni.
43. Hlauhna tlansantu chu khuarkhurum-ah a tla ang, Khuarkhuruma chhuak chu thangah a awk ang, A hremna kum ka rawn thlen dawn si, A chungah, Moab chung ngeiah chuan, Tih hi LALPA thu chhuak a ni.
44. Hesbon hlimah tlanchheho chau derin an ding ang, Hesbon atangin mei a chhuak a, Sihon zing atangin meialh, Moab bek sam a kang zo a, Sa mur murho chhip samte nen.
45. I chung a pik e, aw Moab! Khemos mite an ral ta; I fapate sala hruain, i fanute salah an tang ta.Mahse ni hnuhnungahte chuan Moab awm dan chu ka lamlet ang, Tih hi LALPA thu chhuak a ni. Heti chen hi Moab chung thu a ni e.
46. Mahse ni hnuhnungahte chuan Moab awm dan chu ka lamlet ang, Tih hi LALPA thu chhuak a ni. Heti chen hi Moab chung thu a ni e.
←  Jeremiah (48/52)  →