←  Jeremiah (41/52)  →
1. Tin, heti hi a ni a, thla sarihnaah chuan Elisama fapa Nethania fapa Ismaela, lal chia mi, lal khawnbawlte zinga pakhat chu, mi sawm hruaiin Mizpah khuaha Ahikama fapa Gedalia hnenah an lo kal a; tin, Mizpah khuaah chuan chaw an eiho a.
2. Tin, Nethania fapa Ismaela chu a mi hruai sawmte nen chuan an tho a, Saphana fapa Ahikama fapa, Babulon lalin ram awptua a siam Gedalia chu khandaihin an that ta a.
3. Tin, a hnena Juda mi awm zawng zawng, Mizpah khua Gedalia hnena awmte leh Kaldai raltu mi zawm vete chu Ismaela chuan a that bawk a.
4. Tin, Gedalia a thah hnu ni hnihnaah chuan heti hi a lo n a, tumah an hriat hmain,
5. Sekem atang te, Silo atang te, Samaria atangtein i sawmriat, an khabe hmul meta, an silhfente thlera, mahni inzaiin, chhang hlante leh rimtuite kengin LALPA inah hlan turin an lo kal a.
6. Tin, Nethania fapa, Ismaela chu Mizpah khua atangin anmahni hmuak turin a chhuak a, kawng tluanin a tap zel a: tin, heti hi a ni a, anmahni a han hmuh chuan an hnenah, "Ahikama fapa Gedalia hnenah lo kal rawh u," a ti a.
7. Tin, heti hi a lo ni a, khawpui chhung an han thlen chuan Nethania apa Ismaela leh a mi hruaite chuan anni chu an that a, khuarkhurumah an paih ta a.
8. An zinga mi sawm erawh chuan, "Min that suh, ramah chuan buh te, buhban te, hriak te, khawizute ka thukru tehuh si a," an ti a. Tichuan anmahni chu a zuah a, an unaute zingah chuan a that tel ta lo a.
9. Tin, khuarkhurum, Ismaelan Gedalia ruala a mi thahte ruang a paihna chu lal Assan Israel lal Baasa a hlauh avanga a siam a ni. Nethania fapa Ismaela chuan chu chu ruangtein a tikhat a.
10. Tin, Ismaela chuan Mizpah khuaa mi nung awm chhun, lal fanute, Ahikama fapa Gedalia hnena vengtu hotu Nebuzaradanan a kawltir, Mizpah khuaa la mi nung awm chhun, lal fanute, Ahikama fapa Gedalia hnena vengtu hotu Nebuzaradanan a kawltir, Mizpah khuaa la awm zawng zawng nen salah a hruai ta vek a; Nethania fapa Ismaela chuan chungte chu sala hruaiin Amon mite ram panin a chhuak a.
11. Amaherawhchu Karea fapa Johanana leh a hnena awm sipai pawl hotu zawng zawng chuan Nethania fapa Ismaela thil thalo thalo tih zawng zawng chu an lo hriatin,
12. mi zawng awng an hruai chhuak a, Nerthania fapa Ismaela bei turin an kal a, tui tam tak awmna hmun Gibeon-ah chuan an va hmu.
13. Tin, heti hi a, Ismaela hnena mi zawng zawng chuan Karea fapa Johanana leh a hnena sipai pawl hotu zawng zawng chu an han hmuhin an lo lawm ta em em mai a.
14. Tichuan Ismaelan Mizpah khua atanga sala a hruai zawng zawng chu an hawi a, an kal ta dua a,
15. Jethania fapa Ismaela erawh chu mi pariat nen Johanan lakah an tlan chuak hram a, Amon mite hnenah an kal ta a.
16. Tin, karea fapa Johanana leh a hnena sipai pawl hotu zawng zawng chuan, Nethania fapa Ismaela laka Johanan a chan chhuah tawh mi la awm chhun zawng zawng, indo mite, hmeichhia te, naupang te, mi tilreh te, Gibeon atanga a hruai lehte chu an hruai ta vek a.
17. Tin, an chhuak a, Kaldaiho avanga Agupta ramah tlan luh tumin Bethlehem khaw bula Geruth Chimham-ah chuan an chawl a.Nethania fapa Ismaela chuan, Ahikama fapa Gedalia, Babulon lalin chu ram awptua a sia chu a thah avangin anni chu an hlau ta em em si a.
18. Nethania fapa Ismaela chuan, Ahikama fapa Gedalia, Babulon lalin chu ram awptua a sia chu a thah avangin anni chu an hlau ta em em si a.
←  Jeremiah (41/52)  →