Jeremiah (37/52)  

1. Tin, Josia fapa Jedekia, Babulon lal Nebukadnezzaran judai ram lala a siam chu Jehoiakima fapa Konia aiah a lo lal ta a.
2. Mahse amah leh a rawngbawltute leh a rama mite chuan LALPA thu zawlnei Jeremia kaa sawi chu an ngaithla lo a.
3. Tin, lal Jedekia chuan Selemaia fapa Jehukala leh maaseia fapa puithiam Zephania chu zawlnei Jeremia hnenah, "LALPA kan Pathian hnenah mi tawngtaisak rawh," ti turin a tir a.
4. Tin, Jeremia chu mipuite zingah a duh duhin a la leng thei a: taninah an la dah si lo a.
5. Tin, Pharaoa sipai rualte Aigupta atngin an lo chhuak tawh a: tin, Kaldaiho Jerusalem hualtute chuan an chan chin an hriatin Jerusalem chu an kirsan ta a.
6. Tichuan LALPA thu chu zawlnei Jeremia hnenah a lo thleng a,
7. "LALPA Israel Pathian chuan heti hian a ti: Juda lal, mi rawn tura tirtu hnenah chuan, Ngai rawh, Pharaoa sipai rual, nangmahni tanpui tura lo kalte chu anmahni ram Aiguptaah chuan an kir leh ang.
8. Kaldaite erawh chu an lo kal ang a, he khawpui hi an bei ang a, an la ang a, meiin an hal ang.
9. LALPA chuan heti hian a ti: Kaldaite chu min kalsan ngei ang tiin mahni in bum suh u; an kal dawn si lo.
10. Nangmahni beitu Kaldai sipai rual zawng zawng hi sawisa nek mah u la, an zinga mi hliam awm chhunte chauh pawhin mahni puan in atanga lo thoin he khawpui hi meiin an hal tho ang, tiin sawi tur a ni," tiin.
11. Tin, heti hi a lo ni a, Pharaoa sipai rualte hlauva Kaldai sipai rualte chuan Jerusalem an kalsan lai chuan,
12. Jeremia chuan mite zinga a chanvo la turin Benjamin rama lut turin Jerusalem a chhuahsan a.
13. Tin, Benjamin kawngka a thlen chuan vengtu hotu Hanania fapa Selamia fapa a hming Irija a lo awm a: chu chuan Kaldaite hnenah i in pe a ni, tiin zawlnei Jeremia chu a lo man a.
14. Tin, Jeremia chuan, "Dawt a ni; Kaldaite hnenah ka in pe lo e," a ti a: mahse a ngai thla lo a, tichuan Irija chuan Jeremia chu a lo man a, hotute hnenah a hruai a.
15. Tin, hotute chu Jeremia chungah an thinur em em a, an vua a, Ziaktu Jonathana inah an tantir a; chu chu tanin atan an hman a ni si a.
16. Tin, Jeremia chu lei hnuai ripa a luh a, ni tam tak a awm hnuin
17. lal zedekia chuan a ko chhuak a: tin, lal chuan a inah a ruk tein a zawt a, a hnenah, "lalpa hnen ata thu eng emaw tal a awm em?" a ti a. A hnenah, "Babulon lal kutah mantirin i awm ang," a ti bawk a.
18. Tin, Jeremian lal Zedekia hnenah chuan, " Nangmah emaw i rawngbawltu emaw he'ng mite chungah eng thil nge ka tihsuala mi mantir ni?
19. I hnena, 'Babulon lal chu nangmah leh he ram do turin a lo kal lo ang,' tia thusawitu i zawlneite chu khawiah nge an awm tak?
20. Aw ka ka pu, lalber ngaithla rawh, ka ngen a che; ziaktu Jonathana inah chuan mi kirtir lul suh, chutah chuan ka thi dah ang e," a ti a.Tin, lal Jedekia chuan thu a pe a, tin, Jeremia chu vengtu hung chhungah chuan a tantir a, chhang siamtute kawtthler ata nitin chhang hlawm khat, khawpuia chhang a awm chhung chu a pe a, chutiang chuan Jeremia chu vengtu hung chhungah chuan a awm reng a.
21. Tin, lal Jedekia chuan thu a pe a, tin, Jeremia chu vengtu hung chhungah chuan a tantir a, chhang siamtute kawtthler ata nitin chhang hlawm khat, khawpuia chhang a awm chhung chu a pe a, chutiang chuan Jeremia chu vengtu hung chhungah chuan a awm reng a.

  Jeremiah (37/52)