Jeremiah (29/52)  

1. Tin, zawlnei Jeremian Jerusalem atanga sal tang upate, puithiamte, zawlneite, mi dangte, Nebukadnezzara Jerusalem atanga Babulona a hruai tak, la dam chhunte hnena a lehkha thawn thu chu he'ng hi a ni:
2. (lal Jekonia te, lalnu te, mi tilreh te, Juda leh Jerusalem hotu te, mi themthiam te, thirdengten Jerusale an chhuahsan hnu kha;)
3. Saphana fapa, Elasa leh Hilkia fapa, Gemaria te kutah a thawn a ni: (chungte chu Juda lal Zedekian Babulon ramah Babulon lal Nebukadnezzara hnena a tirhte chu an ni:)
4. Israel Pathian, Sipaihote LALPA chuan sal tang anwg zang, Jerusalem atanga Babulon sala ka hruai tir takteho hnenah heti hian a ti:
5. Inte sa u la, chutah chuan cheng u la, huante siam u la, a rahte ei u la,
6. nupuite nei u la, fanute fapate hring u la: in fapate tan nupui neihsak u la, in fanute pasal neihtir u la, fanu fapa an hrin theihna'n: chutah chuan lo pung u la, kiua lam pan suh u:
7. Sala ka tantirna che u khawpui thatna tur zawng u la, LALPA hnenah dilsak rawh u:Lama thatnaah chuan nangni pawhin thatna in hmu dawn si a.
8. Israel Pathian, Sipaihote LALPA chuan heti hian a ti: In zingah zawlneite leh aienthiamte chuan bum che u suh se la, an mumang an man pawh chu ngaithla hek suh u.
9. Ka hming chhalin dawt thu in hnenah an sawi a ni e: keima tirh an ni lo a, tih hi LALPA thu chuak a ni.
10. LALPA chuan heti hain a ti si a, Babulon tan kum sawmsarih chu a kin veleh ka rawn kan ang che u a, in hnena ka thutiam tha tak chu ka hlen ang a, he hmunah hian ka kirtir leh ang che u.
11. Nangni lama ka rilru putzia chu ka inhre si a, in hun hnuhnung tawpah chuan beiseina pe tur che uin thil tha lo ni loin thatna ka ngaihtuah a sin.
12. Tin, mi lam ang a, ka hnenah in rawn tawngtai ang a, ka ngaithla ang che u.
13. Tin, mi zawng ang a, in thinlung zawng zawnga mi zanw hunah chuan mi hmu ang.
14. Tin, nangmahni hmuhin ka awm ang a, LALPA thu chuak chuan a ti, in awm dan ka let ang a, hna zawng zawng zinga ka tihdarhna che u hmun ata kha ka hruai khawm leh ang che u, tih hi LALPA thu chhuak a ni; sala ka mantirna che u hmun ngeiah khan ka rawn thlen leh ang che u.
15. LALPA chuan Babulon ramah pawh hian zawlnei min dinsak a, in ti si a.
16. LALPA chuan Davida thutphaha lal chungchang thu leh he khawpuia cheng mpui zawng zawng, sala hruai tel loh, in unaute chungchang thu-ah chuan heti hian a ti si a:
17. Sipaihote LALPA chuan heti hian a ti: Ngai rawh u, an chungah chuan khandaih te, tam te, hripuite ka rawn thlen ang a, theipui hut, a chhiat em em avanga ei tlak tawp loh ang mai in ka siam ang.
18. Tin, khandaih te, tam te, hripui tein ka umzui ang a, lei chunga lalana ram zawng zawngte zingah thil rapthlak takah ka siam ang a, anmahni ka tihdarhna hnam zawng zawngte zingah chuan anchhe dawngah, mak tih huai huaiah, chek khum talwk tawlka sawi chhiat ni turin ka siam ang.
19. Zing takah thoin ka rawngbawltu, zawlneite hmang ka thu in hnena ka rawn thlen chu an pawisak loh avangin, LALPA thu chhuak chuan a ti: in ngaithla duh si lo, tih hi LALPA thu chuak a ni.
20. chuvangin nangni Jerusalem atanga Babulona ka tirh, sal tang zawng zawngte u, LALPA thu chu ngaithla rawh u.
21. Israel Pathian, Sipaihote LALPA chuan Kolaia fapa, Ahaba leh Maaseia fapa, Zedekia ka hming chhala in hnena dawt thu sawitute chungchang thu-ah chuan heti hian a ti: Ngai rawh u, Babulon lal Nebukadnezzara kutah ka mantir dawn e; in mithmuh ngeiah a that ang a;
22. Anahni thu-ah chuan Babulon rama Juda sal tang zawng zawng chuan "Babulon lalin meia a rawh Zedekia leh Ahaba ang mai khan LALPA'n i chungah ti rawh se," tih hi anchhe lawh fungah an chin phah ang.
23. Israel ramah chuan thi atthlak tak an tih a, an thenawm nupuite an uire a, ka hming chhalin ka thupek loin dawt thu an sawi avangin; kei a hretu leh a hraitpuitu ka ni e, tih hi LALPA thu chhuak a ni.
24. Tin, Nehelam mi, Semaia chungchang thu-ah chuan nangin heti hian i sawi tur a ni,
25. Israel Pathian Sipaihote LALPA chuan heti hian a sawi a, Jerusalem mipui zawng zawng hnenah te, Maaseia fapa, zawlnei Zephania leh zawlnei zawng zawng hnenahte nangma hming ngeiin lehkha i thawn a,
26. LALPA chuan puithiam Jehoiada aiah puithiamah a siam che a, LALPA in vengtu in ni a, mi a zawlnei inti apiang-te chu kawl te, thir kawlte i buntir tur a ni a.
27. Tichuan engah nge Anathoth khua ami Jeremia, i hnena zawlnei inti chu in zilh loh?
28. Babulon ramah kan hnenah, 'Sal tanna tur chu a rei dawn a, inte sa u la, chutah chuan cheng u la, a rahte ei rawh u' tih thu min tawn a ni, tiin.
29. Tin, puithiam Zephania chuan chu mi lehkha chu zawlnei Jeremia hriatah a chhiar a.
30. Tin, Jeremia hnenah LALPA thu a lo thleng a.
31. "Sal tangho zawng zawng hnenah chuan Nehelam mi Semaia chungchang thu-ah chuan LALPA'n heti hian a ti: ka tirh hauh lohin Semaian in hnenah thu a sawi a, dat thu a rintir che a;chuvangin LALPA'n heti hian a ti: Ngai rawh u, Nehela mi Semaia leh athlahte chu ka hrem ang a, he'ng mite zingah mi pakhat mah a nei lo ang a, ka mite tanta thil ha ka tih tur chu a hmu hek lo ang: LALPA chungah helna thu a sawi avangin, tih hi LALPA thu chhuak a ni, tiin thawn rawh," a ti a.
32. chuvangin LALPA'n heti hian a ti: Ngai rawh u, Nehela mi Semaia leh athlahte chu ka hrem ang a, he'ng mite zingah mi pakhat mah a nei lo ang a, ka mite tanta thil ha ka tih tur chu a hmu hek lo ang: LALPA chungah helna thu a sawi avangin, tih hi LALPA thu chhuak a ni, tiin thawn rawh," a ti a.

  Jeremiah (29/52)