| ← Jeremiah (28/52) → |
| 1. | Tin, heti hi a lo ni a, chumi kum vek, Juda lal Zedekia lal tantirh lam, a kum ina, thla nganaah chuan zawlnei Hanania, Azura fapa, Gibeon mi chuan puithiamte leh mipui zawng zawng hnenah, LALPA inah chuan, mi bia a, ka hnenah, |
| 2. | Sipaihote LALPA, Israel Pathian chuan heti hian a ti: Babulon lal nghawngkawl chu ka titliak ta. |
| 3. | Kum hnih pumhlum chhungin LALPA in bungbel Babulon lal Nebukadnezzaran hemi hmun ata a laka, Babulon thlenga a kalpui zawng zawng kha, he hmun ngeiah hian ka rawn thlen leh vek ang. |
| 4. | He hmunah hian Juda lal Jehoiakima fapa, Jekonioa leh Babulona kal Juda sal zawng zawng chu ka hruai kir leh ang; Babulon lal nghawngkawl ka titliak dawn si a, tih hi LALPA thu chhuak a ni,' tiin. |
| 5. | Tin, zawlnei Jeremia chuan puithiamte leh LALPA ina ding mipui zawng zawng hmaah chuan zawlnei Hanania hnenah, |
| 6. | zawlnei Jeremia ngei chuan, "Amen, LALPA chuan chutiangin ti tak rawh se; LALPA ina bungbelte leh sal tannaa mi zawng zawng babulon ata hemi hmuna rawn thlen tura i sawi chu LALPA chuan ti ngei rawh se. |
| 7. | Amaherawhchu mipui zawng zawng leh nangma benga ka thu sawi hi ngaithla rawh khai. |
| 8. | Keimah leh nangma hmaah hmasang zawlneite chuan ram tam takte chungah leh lalna ram ropui takte chungah indona te, thil tha lo te, leh hripui thute an sawi thin a. |
| 9. | zawlnei, muanna thu sawitu thu sawi chu a lo thlen hunah, chu zawlnei chu LALPA chuan a tir ngei a ni tih a hriat mai ang chu," a ti a. |
| 10. | Tin, zawlnei Hanania chuan nghawngkawl, zawlnei Jeremian a bah chu a la a, a titliak a. |
| 11. | Tin, mipui zawng zawng hmaah Hanania chuan, "Heti hian LALPA chuan a ti: Hetiang ngei hian Babulon lal Nebukadnezzara nghawngkawl chu kum hnih pumhlum chhung ngeiin hnamte zawng zawng nghawng ata ka titliak ang," a ti a. Tin, zawlnei Jeremia chuan a kalsan ta a. |
| 12. | Tin, zawlnei Hanania chuan zawlnei Jeremia nghawng ata nghawngkawl a tihtliah hnuah chuan Jeremia hnenah LALPA thu a lo thleng a, |
| 13. | "Kal la Heti hian LALPA chuan a ti. Thing nghawngkawl chu i titliak a, a aiah thir nghawngkawl i siamsak zawk a nih hi. |
| 14. | Heti hian Israel Pathian, Sipaihote LALPA chuan a ti si a: Babulon lal Nebukadnezzara rawng an bawl theihna'n he'ng hnam zawng zawng hi thir nghawngkawl bahtir a ni: ama rawng an bawl ang: ramhnuaia ramsate pawh amah ka pe bawk a ni, tiin. |
| 15. | Tin, zawlnei Jeremia chuan zawlnei Hanania hnenah, "Ngai rawh, Hana ni, LALPA'n a tir awzawng lo che: Heng mite hi dawt i rintir mai a nih zawk hi. |
| 16. | chuvangin heti hian LALPA chuan a ti: Ngai teh, lei chung ata hi ka tibo daih ang che: LALPA chunga helna thu i sawi avangin kumin ngeiah hian i thi ang," a ti a.Tichuan chumi ku vek, thla sarihnaah chuan zawlnei Hanania chu a thi ta a. |
| 17. | Tichuan chumi ku vek, thla sarihnaah chuan zawlnei Hanania chu a thi ta a. |
| ← Jeremiah (28/52) → |