| ← Jeremiah (24/52) → |
| 1. | Tin, LALPA chuan mi entir a, ngai teh, theipui bawm hnih LALPA biak in hmaah a lo inhung a, Babulon lal Nebukadnezzaran Judate lal, Jekonia, Jehoakima fapa leh Juda hotute, mi themthiamte leh thirdengte nen Jerusalem atanga Babulon sala a hruai hnu khan. |
| 2. | bawm khatah chuan theipui tha tak, theipui hmin hmasa ang mai, a awm a: bawm dangah erawh chuan theipui chhe tak, ei tlak loh khawpa chhia a awm a. |
| 3. | Tin, LALPA chuan ka hnenah, Eng nge i hmuh, Jeremia? A ti a. Kei chuan, Theipui, theipui tha, tha tak mai; leh a chhia, ei tlak loh khawpa chhia, ka ti a. |
| 4. | Tin, LALPA thu chu ka hnenah a lo thleng a, |
| 5. | LALPA Israelte Pathian chuan heti hian a ti: Juda sal tangte, Kaldaiho rama an thatna tura ka tirh chhuahte chu, he'ng theipui tha ang hian ka en dawn a ni. |
| 6. | An thatna'n an chungah ka mit ka fuktir ang a, he ramah hian ka hruai kir leh ang: anmahni ka din ang a, ka thiat lo ang; ka phun ang a, ka pawt lo ang. |
| 7. | Tin, LALPA ka ni tih mi hriatna'n thinlung ka pe ang : ka mite an ni ang a, an Pathian ka ni ang: an thinlung zawng zawng nen ka hnenah an lo kir dawn si a. |
| 8. | LALPA chuan heti hian a ti: Theipui chhia, ei tlak loh khawpa chhia ang hian Judate lal Zedekia leh a hotute leh Jerusalema chambang, he rama la awmte leh Aigupta rama chengte chu, ka hawisan ngei ngei ang: |
| 9. | Hrehawm taka lei chung ram zawng zawng zinga vawrh lan vawrh lan turin, ka hnawhbona zawng zawnga sawichhiat leh tehkhin leh hauh leh anchhe lawh ni turin ka hluihlawn ang.Anmahni leh an pate hnena ka pek ram ata hi lem zawh an nih thelngin an zingah khandaih te, tam te, hri te ka tir ang. |
| 10. | Anmahni leh an pate hnena ka pek ram ata hi lem zawh an nih thelngin an zingah khandaih te, tam te, hri te ka tir ang. |
| ← Jeremiah (24/52) → |