←  Jeremiah (23/52)  →
1. Ka ran tlatna hmuan beram tiborala tidarhtuho berampute chu an chung a pik e, tih hi LALPA thu chhuak a ni.
2. Chuvangin LALPA Israelte Pathian chuan ka mite vengtu berampuho chungchang thu-ah chuan heti hian a ti: Ka ran rualte chu in tidarh a, in um bo a, in kan lo a. Ngai rawh u, in thiltihsual avang hian ka rawn kan dawn che u a ni. Tih hi LALPA thu chhuak a ni.
3. Tin, ka ran rual la awm chhunte chu ka um darhna ram zawng zawng ata ka hruai khawm leh ang a, an huang chhungah ka khalh khawm ang a, rah duh tak an ni ang a, an pung ang.
4. Anmahni ngaihsak tur an tan berampu ka dah ang a, an hlau tawh lo ang a,an mangang tawh hek lo ang a, atu-amah bo an awm tawh bawk hek lo ang, tih hi LALPA thu chhuak a ni.
5. Ngai teh u, Davida tan zar fel ka chhuahsak hun tur chu a lo thleng dawn, tih hi LALPA thu chuak a ni; a ni chu lalah a thu ang a, fing takin a ti ang a, ram pumah dikna leh felna a hlen ang.
6. A hun chhungin Juda chu chhandam a ni ang a, Israel chu hi takin a awm ang. Tin, hei hi a hming an la vuah tur chu a ni,'LALPA chu kan felna a ni' tih hi.
7. Tichuan, ngai teh u, a hun a thleng dawn, LALPA thu chhuak chuan a ti. 'Israel mite Aigupta ram ata hruai chhuaktu LALPA chu a nuna a nun chhung chu' ti tawh loin,
8. hmar lam aram leh a um darhna ram zawng zawng ata Israel chhungte thlahho hruai chhuak a, hruai kir lehtu LALPA chu a nuna a nun chhung chu' an ti tawh zawk ang. Tin, anmahni ram ngeiah an cheng ang.
9. Zawlneite chungchang thu chu,
10. Lung rilah ka lung a va chhe em,
11. ka ruh zawng zawngte chu a khur a, Zu rui ang mai ka ni, Zuin a fan hneh mi ang mai hian, LALPA vang leh a thu thianghlim avangin.
12. Ram chu uirehoin a khat a, anchhia avangin ram chuan a sun a, Thlaler hnim hring hmunte chu a ro zo ta, An kawng chu a sual a, An chakna chu a dik lo.
13. Zawlneite leh puithiamte chuan Pathian an pawisa lo a, ka in chhung ngeiah pawh an sualna ka hmu, LALPA thu chhuak chuan a ti.
14. Chuvangin an tan an kalna kawng chu, Zan thim kawng nal ang hi a ni ang a, Tah chuan umin an awm ang a, an tawlhthlu ang. An chungah thil tha lo ka rawn thlen dawn si a, Anmahni hremna hun chu, LALPA thu chhuak chuan a ti.
15. Samari zawlneite chungah tenawm ka hmu, Baala chhalin thu an sawi a, Israela an hruai bo a.
16. Jerusalem zawlneiho chungah pawh Thil rapthlak tak ka hmu, An uire a, dawtin an khawsa a, Tumahin an sual sim an tum loh phah a; Ka tan chuan Sodom khuaa mite ang an lo ni vek a, A khaw chhunga mite zawng zawng pawh Gomora khuaa mite ang mai.
17. Chuvangin zawlneiho chungchang thu-ah chuan Sipaihote LALPA chua heti hian a ti: Ngai rawh u, saiin ka chawm ang a, Thil kha ka intir ang a; Jerusalem zawlnei hnen atang chuan Ram pumah Pathian pawisak lohna a chhuak si a.
18. Sipaihote LALPA chua heti hian a ti: zawlnei in hnena thu sawitute thu chu ngaithla suh u; engmah lo an ziritr che u a. LALPA ka ata ni lo anmahni rilru suangtuahte an sawi thin.
19. LALPA thu husittute hnenah chuan, 'I tan a tha ang,' an ti chamchi a; tin, mahni duhzawng ti lui tlattute hnenah chuan, 'thil tha lo engmah i chungah a lo thleng lo ang' an ti a.
20. LALPA remruatnaah tu nge tel ngai a, A thu dawnga hre tur tu nge awm? A nih leh a thu chu tu nge ngaihvena ngaithla awm?
21. Ngai teh u, LALPA thlipui chu, Thinurna chu a chhuak ta, A ni, thawngaleivir thlipui chu; Mi sualte lu chu a nuai ang.
22. LALPA thinrimna chu akir mai lo ang, A rilrua a tum tlat tawhte chu A hlen a, a tih zawh zet hma chuan; Ni hnuhnungahte chuan in la hre fiah ang.
23. zawlneite chu ka tirh lohin an tlan a, An hnena thu ka saiw loh pawhin thu an sawi a.
24. Ka remruatnaah chuan awm ve ni se la,Ka thu hi ka mite hnenah an puang tur a, n thiltih dik loh ata an hawi kirtir tur.
25. Hla taka awm Pathian ni loin, Hnaitea awm Pathian em ni ka nih? Tih hi LALPA thu chhuak a ni.
26. Hmun biruah ka hmuh theih loh tura boru thei an awm dawn em ni? Tih hi LALPA thu chhuak a ni. Lei leh vanah hian ka khat a ni lo'm ni? Tih hi llapa thu chhuak a ni.
27. Mumangah ka mang e, mumangah ka mang e, tia ka hminga dawt sawitu zawlneiho thu sawi chu ka hria a ni.
28. zawlnei dawt sawi thin, mahni thinlung inbum chawpa thu saiw thinte thinlungah chuan hei hi eng chen nge a awm dawn?
29. Anni chuan an vengte hnenah an muamng hrilhin ka mite ka hming theihnghilhtir an tum a, an paten Baala avanga ka hming an theihnghilh ta ang khan,
30. zawlnei mumang nei chuan a mang chu sawi rawh se, ka thu neitu chuan ka thu chu dik takin sawi rawh se. Buhpawl leh buh fang chuan eng nge inanna an neih? Tih hi LALPA thu chhuak a ni.
31. Ka thu chu mei ang, tuboh lung chhutsawmna ang a ni lo em ni? Tih hi LALPA thu chhuak a ni.
32. chuvangin, ngai rawh u, zawlneiho ka thu inruksak tawn thinte chu ka do a ni, tih hi LALPA thu chhuak a ni.
33. Ngai teh u, zawlnei mahni dang tinal a, "LALPA'n a ti" ti thinte chu ka do a ni, tih hi LALPA thu chhuak a ni.
34. Ngai teh u, mumang dawt mai mai sawi a, hril a, an dawt thute leh an uanthuanna thu lawi lote avanga ka mite hruai botu zawlneite chu ka do a ni, LALPA thu chhuak chuan a ti; ka tir si lo a, thu ka pe hek lo a, he mipuite hi an tihnemhnang hek lo ang; tih hi lalpa thu chhuak a ni.
35. Heng mipuite zinga mi tuin emaw, zawlnei tuin emaw, puithiam tuin emaw, LALPA phurrit chu eng nge ni?' tia an zawh che chuan heti hian i chhang dawn nia, 'Nangmahni hi phurrit chu in ni, ka paih bo dawn che u; tih hi LALPA thu chhuak a ni.
36. zawlnei emaw, puithiam emaw, mi tuin emaw ;LALPA phurrit' ti an awm chuan, chu mi leh a chhungte chu ka hrem ang.
37. Tichuan mi tupawhin a unaupa hnenah, 'LALPA chuan engtin nge a chhan, LALPA chuan eng nge a sawi?' tiin in inzawt ang.
38. LALPA phurrit chu i n lam tawh lo ang a, mi tupawh ama thu sawi chu a tan phurrit a ni dawn si a. Pathian nung, Sipaihote LALPA, kan Pathian thu chu in kailek zo ta si a.
39. zawlnei hnenah chuan, 'LALPA chuan engtin nge a chhan che? LALPA chuan eng nge a sawi?' ti ang che.
40. Tin, 'LALPA phurrit chu' in tih vaih chuan. LALPA chuan heti hian ti, 'LALPA phurrit chu in ti tur a ni lo; tia ka tirh che a, 'LALPA phurrit chu tia thu in sawi avangin;
←  Jeremiah (23/52)  →