←  Jeremiah (22/52)  →
1. LALPA chuan heti hian a ti: Juda lal inah zu kal la, he thu hi zu sawi rawh.
2. Aw Juda lal, Davida thutphah chunga thu, nang leh i thuihhruaite leh i mi he'ng kawngkhara lutte nen hian, LALPA thu hi ngaithla rawh u, ti la:
3. LALPA chuan heti hian a ti: Dik tak leh fal takin rorel u la; tiduhdahtu kut ata rawk tuara chu chhan chhuak u la: tin, mikhual te, pa nei lote leh hmeithai chungahte dik lohna emaw pawngnekna emaw ching suh u; he hmunah hian mi thiam thisen pawh chhuah hek suh u.
4. He thu hi zaw ngei ni u la chuan, Davida thutphah chungah lalte chu tawlailirte leh sakawrte chunga chuangin, anmahni leh an thuihruaite leh an mite chu he in kawngkharahte hian an lut ngei ang.
5. Amaherawhchu he'ng thute hi in ngaihthlak loh chuan he in hi a ram ang tiin, mahni inchhalin chhia ka chham a ni, tih hi LALPA thu chhuak a ni.
6. LALPA chuan Juda lal chhungkaw chungchang thu hetiangin a sawi a: Nang chu ka tan Gilead ang, Lebanon tlang chhip ang i ni; Mahsela thlaler ka chantir ang chia, uahtu awm lo khawpui ang mai hian.
7. Nangmah tiboral turte, hriamhrei nei theuhin, Ka buatsaih ang a; I sidar thing thlante an kir ang a, Meiah an tuah ang.
8. Tin, hnam dang tam takten he khawpui hi an pal tlang ang a, mi tinin mahni thenamwte hnenah LALPA chuan he khawpui ropui tak hi eng vanga heti taka ti ta nge maw ni chu le? An ti ang.
9. An Pathian, LALPA thuthlung chu an hawisan a, pathian dangte an biak a, an rawng an bawl avang a ni, tiin an chhang ang.
10. Thi ta chutah suh u la, sun hek suh u; Kal bo taa erawh chu nasa takin tah rawh u, A lo kir leh dawn tawh si lo a, A pianna ram hi a hmuh leh dawn tawh loh avangin.
11. Juda lal Salluma, Josia fapa, a pa Josia aia roreltu, he hmun ata kal chhuak ta chungchang thu chu LALPA'n heti hian a sawi: Hetah hian a lo kir leh tawh lo ang.
12. Sala an hruaina hmunah, chutah ngei chuan a thi ang a, he ram hi a hmu leh tawh lo ang.
13. Fel lohnaa in sa a, Dik lohnaa a pindan chungnungte siamtu, Athlawna mahni thenawmte tha chhawr a, Hlawh pe duh lotu chung chu a pik e;
14. In ropui tak ka insak ang a, Pindan chungnung zau takte neiin, Tukverhte ka hawng ang a, Sidar thingin ka thuah chhuak ang a, Rawng sen ka hnawih ang titu chung chu,
15. Sidar thinga rual i khum avangin, Lalah i inngai maw? I pa khan a eiin a in a, Dik takin ro a rel a ni lo em ni? Chu chu a tan a tha a ni.
16. Mi rethei leh tlachhamte chu a relsak a, Chu chu a tha a ni. Hei hi mi hriat dan tur chu a ni lo em ni? Tih hi LALPA thu chhuak a ni.
17. Nimahsela i duhamna atan te, Mi thiam thisen chhuahna'n te, Hnehchhiahna'n leh pawngnekna'n chauh I mit leh i rilru a ni.
18. Chuvang chuan Judate lal Jehoiakima, Josia fapa chung thu chu LALPA chuan heti hian a sawi a: Aw ka unaupa, tiin emaw, Aw ka farnu, tiin emaw An tah lo ang a, Aw LALPA, tiin emaw, Aw ropui ber, tiin emaw An sun hek lo ang.
19. Jerusalem kulh pawn lama theh chhuaha, paihin, Sabengtung phuma phumin a awm ang.
20. Lebanon-ah chho la, au rawh. Basan-ah i aw chhuah la, Abarim atangin au rawh. I hmangaihtu zawng anwg an boral ta si a.
21. I hlawhtlinin i hnenah thu ka sawi a, nang lah chuan ka ngaithla lo ang, i ti a, Ka aw-ka i ngaihthlak loh hi I tleirawl atangin hei hi i awm dan a ni.
22. Thliin i berampute zawng zawng a chawm ang a, I hmangaihtute salah an tang a, Nang pawh i sualna zawng zawng avangin, Mualpho tak leh mangang takin i la awm ngei ang.
23. Aw Lebanon tlanga cheng, Sidar thing zinga bu khuartu, Natna i chunga a lo thlena i han khawngaihthlak turzia mai chu! Hmeichhe nau vei na ang mai hian.
24. A nuna ka nun chhung chu, tih hi LALPA thu chhuak a ni; Juda lal Konia, Jehoiakima fapa chu ka kut ding lama nemna zungbun ni mah la. Chuta ta chu ka phawi ngei ang che.
25. Tin, thah tura zawngtu che kutah, Babulon lal Nebukadnezzara kutah leh Kaldaiho kutah ngei chuan ka pe ang che.
26. I pianna ni lo ram dangah nang leh i nu a hringtu che hi ka paih chhuak ang che u a, chutah chuan in thi ang.
27. An rilrua kir leh an chak em emna ramah chuan an kir leh tawh hek lo ang.
28. He Konia hi bel keh sawm, hmusitawm a ni lo'm ni? Bel a chhunga duhzawng awm lohan chu a ni lo'm ni? Engah nge amah leh a thlahte chu theh chhuah a Ram an hriat ngai loah chuan paih chhuaha an awm?
29. Aw, leilung, leilung, leilung, LALPA thu hi ngaithla rawh,LALPA chuan heti hian a ti, He mi hi fa nei lo, A dam chhunga hlawhtling lo tur mi a ni, A thlahte tumah hlawhtlinga, Davida thutphah chunga thu tur leh Davida thutphah chunga thu tur leh Judai rama rorel leh tur an awm dawn si lo, Tiin ziak rawh u.
30. LALPA chuan heti hian a ti, He mi hi fa nei lo, A dam chhunga hlawhtling lo tur mi a ni, A thlahte tumah hlawhtlinga, Davida thutphah chunga thu tur leh Davida thutphah chunga thu tur leh Judai rama rorel leh tur an awm dawn si lo, Tiin ziak rawh u.
←  Jeremiah (22/52)  →