←  Jeremiah (21/52)  →
1. Lal Zedekian Malkiza fapa Pasura leh Maaseia fapa puithiam Zephania te chu Jeremia hnenah a tir a,
2. Babulon lal, Nebukadnezzara chuan min do ta si a, LALPA chuan a thiltih ropui tak a tih thin ang khan min pui duh mialin, a kirtir leh mai law maw tih LALPA min lo zawhsak teh se, tia sawi turin, chuta Jeremia hnena LALPA thu lo thleng chu hei hi a ni.
3. Tin, Jeremia chuan an hnenah, "Zedakia hnenah chuan hetiangin va sawi rawh u:
4. Israelte Pathian, LALPA chuan heti hian a ti: Ngai rawh, Babulon lal leh Kaldai mi, kulh pawna hualtu che i dona ralthuam hriamhrei chu ka tikir dawn a ni; tin, he khawpui chhungah hian anni chu ka hruai khawm ang.
5. Keimah ngei pawhin thinrim leh lungni lo tak leh thinur takin ban pharin ban tha chak hmangin ka do ang che.
6. Hemi khuaa cheng mihringte leh rante hi ka tihlum ang a, hripuiin an thi ang.
7. Chumi hnuah chuan, LALPA thu chhuak chuan a ti, lal zedekia leh a thuihruaite leh midang he khuaa hri leh khandaih leh tama thi lo te chu Babulon lal Nebukadnezzara kutah leh an hmelmate kutah leh anmahni thah tumtute kutah chuan ka pe ang. Khandaih hriamin a that ang a, a khawngaih hauh lo ang a, a zuah hek o ang a, a lainat bawk hek lo ang.
8. Tin, he'ng mipuite hnenah hian heti hian va sawi rawh; LALPA chuan heti hian a ti: Ngai rawh u, thihna kawng leh nunna kawng ka dahsak che u hi.
9. He khawpui chhunga awm chu khandaihin emaw, tamin emaw, hriin emaw an thi ang;Kaldai a hualtu che u hnena chhuaka inpete erawh chu an nung ang, an nunna chu indona lawmman atan a ni ang.
10. He khawpui thatna tur ni lo, a chhiatna tur ka tum tlat tawh a ni; Babulon lal kutah pek a ni ang a, ani chuan meiin a hal ang, tih hi LALPA thu chhuak a ni.
11. Juda lal chhungte chungchang thuah chuan; LALPA thu hi ngaithla rawh u,
12. Aw Davida chhungte u! LALPA chuan heti hian a ti: Zingah chuan ro dik takin rel ula, Tiduhdahtu kut ata, rawk tuara chu chhan chhuak u la, Chutilochu ka thinurna mei angin a chhuak ang a, Tuma thelh rual lohin a kang ang e, In thilsual tih avang hian.
13. Ngai teh u, ruam zawla chengte u, Nangni ruam zawl lungpuia chenga, Tute nge kan awmnaah lo lut ang? Titute u, Ka khing dawn che u a ni, LALPA thu chhuak chuan a ti.In thiltih rah ang zelin ka hrem ang che u a, A ram ngawah chuan mei ka chhuak ang a, A vel zawng zawng chu a kang ral ang, LALPA thu chhuak chuan a ti.
14. In thiltih rah ang zelin ka hrem ang che u a, A ram ngawah chuan mei ka chhuak ang a, A vel zawng zawng chu a kang ral ang, LALPA thu chhuak chuan a ti.
←  Jeremiah (21/52)  →