←  Jeremiah (16/52)  →
1. LALPA thu chu ka hnenah a lo thleng a:
2. Nupui i nei tur a ni lo a, he hmunah hian fanu fapate pawh i nei tur a ni hek lo, tiin.
3. fanu fapa he hmuna piangte leh he rama nu leh pa anmahni hringtute chungchangah chuan LALPA'n heti hain a ti a ni:
4. Hripuiin an thi ang a, tuma phum loh leh tuma sun lohin an awm ang; lei chung ekdur ang mai an ni ang; Khandaih te, tam tein an boral ang am an ruangte chu chungleng savate leh ramsate chaw a ni ang.
5. LALPA chuan heti hian a ti a ni: Khawhar inah lut suh la, sun turin kal suh la, anmahni tah suh; he mite lak ata hi ka thlamuanna ka hlip tawh si a, ngilneihna leh lainatnate nen, tih hi LALPA thu chhuak a ni.
6. He ramah hian mi lian leh mi tete an thi ang a; phu an ni lo ang a, tuma'n an sun lo ang a, an inzaiin an inziah kawn phah lo ang.
7. Lusunte chu an mitthi ngai thlamuan turin tuma'n ei tur an hlui lo ang a, an nu emaw an pa emaw avang pawhin hnemna no in tur tuma'n an hun lo ang.
8. Tin, ei leh ina an zinga thu turin ruaithehna inah i lut tur a ni lo.
9. Sipaihote LALPA, Israel Pathian chuan heti hain a ti si a: Ngai teh u, in mithmuhah, in dam chhung hian mo aw te, moneitu aw te, hlim tawhm te, lawm rite he hmunah hian ka tireh ang.
10. Heng thu zawng zawng hi he mite hnena i hrilh hunah annin, Eng vangin nge LALPA'n kan chungah heti taka thil tha lo a rawn sawi chhuah ni? Eng nge kan khawlohna? LALPA kan Pathian chunga kan thil tihsual chu eng nge ni? Kan tih chuan,
11. heti hian i ti dawn nia: I puten mi kalsan vang a ni, pathian dangte an um a, an rawng an bawl a, an bia a, mi kalsan a, ka dan an zawm lo a;
12. tin, nangnin in pute aia hleihluakin in ti a, ngai rawh u, mi tinin mahni rilru ngawltawt sual in zui a, kei mi ngaithla lo a;
13. chuvangin ka ram ata hi nangni leh in pute pawhin in hriat ngai loh ramah chuan ka hnawt chhuak ang che u, tah chuan a chhun azanin pathian dangte rawng in bawl ang, ka khawngaih dawn si lo che u a, tih hi LALPA thu chhuak a ni.
14. Tichuan, ngai teh u, nite a lo thleng dawn e, LALPA thu chhua chuan a ti; "Israel fate Aigupta ram ata hruai chhuaktu a nuna a nun chhung chu," ti tawh loin,
15. "hmar lam ram leh a um darhna ram zawng zawng ata Israel fate hruai chhuaktu LALPA a nuna a nun chhung chu an ti tawh zawk ang. An pute hnen ka pek, anmahni ram ngeiah chuan ka hruai kir leh dawn si a.
16. Sangha bei mi tam tak ka chah ang a, anmahni an man ang a; chu mi hnuah chuan ram mi tam tak ka chah chhuak ang a, an pel chhuak ang a, lungpui keh kara mite pawh.
17. An awm dan zawng zawngahte chuan ka mit a fu reng si a; ka lakah thupin an awm lo a, an khawlohnate pawh ka mit lakah thuhruk a ni hek lo.
18. Tichuan an thil tenawm ruangtein ka ram an tihbawlhhlawh leh an tenawmnaa ka rochun ram an tihkhah avangin an khawlohna leh an sualna chu a let hnihin ka thungrul ang, tih hi LALPA thu chhuak a ni.
19. Aw LALPA, ka chakna leh ka kulhpui, Mangan nia ka inhumhimna, Kawlkil atangin hnamte a lo kal ang a, Kan pute chuan dawt, thil tlaktlai lo, Hlawkna nei hlei lo chauh lo chu engmah an rochung lo e.
20. Miin pathiante a insiamsak thei em ni? Chung chu pathian an ni hlei nem,' an ti ang.Chuvangin, ngai teh u, tun tum hian anni chu ka hriattir teh phawt ang; ka kut leh ka thiltihtheihna ka hriattir ang a, ka hming hi LALPA a ni tih an hria ang.
21. Chuvangin, ngai teh u, tun tum hian anni chu ka hriattir teh phawt ang; ka kut leh ka thiltihtheihna ka hriattir ang a, ka hming hi LALPA a ni tih an hria ang.
←  Jeremiah (16/52)  →