← Jeremiah (15/52) → |
1. | Tin, LALPA chuan ka hnenah heti hian a ti a: Mosia leh Samuela chu ka hmaah lo ding mah se, ka thinlungin he mite lam hi a hawi chuang lo ang. Ka hmuh phak lohvah hnawt chhuak la, kal bo rawh se! |
2. | Tin, khawiah nge kan kal ang? Tia an zawh che chuan an hnenah heti hian i ti tur a ni:Heti hian LALPA chuan a ti:Thihna pual chu thihnaah; khandaih pual chu khandaihah; Tampui pual chu tampuiah, sal tanna pual chu sal tannaah. |
3. | Thil chi li ka ruatsak ang, tih hi LALPA thu chhuak a ni:tihlum turin khandaih, pet sawm turin ui, ei zo leh tiral turin chungleng sava leh ramsa kawlhte. |
4. | Juda lal Hezekia fapa Manasean Jerusalema a thiltih avangin lei lal ram zawng zawngte zinga vawrh lan vawrh lanah ka siam ang. |
5. | Tuin nge khawngaih ang che, aw Jerusalem? Tuin nge lungngaihpui ang che? I awm dan zawt turin tu nge lo peng ang le? |
6. | Nangin mi paih thla a, i hnungtawlh zel a ni, Tih hi LALPA thu chhuak a ni. Chutichuan dimdawi che hi ka ning a, I chungah ka kut ka lek a, ka tiboral che a ni. |
7. | Ram puma kulh kawngkaahte chuan tawm thennain anmahni ka thian a. Fa lu hlohin ka siam a, ka tiboral a. An awm dan an lamlet loh avangin. |
8. | Tuipui tiau aia tamin an hmeithaite ka tipung a, Chhun laiah ralkai tawhte chungah tichhetu ka thlen a, Manganna leh thil rapthlak ka tlaktir phut a. |
9. | Lu sarih hringtu chu a chau a, a zal der a; Chhun a nih laiin a ni a liam ta a,A mualphoin a hming a chhia a. Tin, a la awmte chu an hmelmate kutah Khandaiha thah turin ka pe ang, tih hi LALPA thu chhuak a ni. |
10. | Ka nu, ram pum puia nghirnghotu leh hnial kalhtua mi lo hring hi ka chung a va pik em! Ka puktir lo a, ka puksak hek lo; mahse an zain anchhia mi lawh tho si. |
11. | LALPA chuan, Tihtak meuhvah chuan thil tha atan ka tinghet ang che; tihtak meuhvah chuan chhiatna ni leh hrehawm niah hmelma chu i hnenah kut ka dawhtir ang, a ti a. |
12. | Miin thir, hmar lama thir leh ngen chu a titliak thei dawn em ni? |
13. | I sualna zawng zawng avang hian i sum leh pai leh i ro thilte chu man loin rallak atan ka pe ang, i ram tluanin. |
14. | Ram i hriat ngai loah chuan i hmelmate rawng ka bawltir ang che. Ka thinrim avangin mei i chunga mut tur chu a alh chhuak ta si a, a ti a. |
15. | Nangin i hria e, aw LALPA; Mi hre reng la, mi kan ang che, Mi tidhudahtute chungah phuba mi laksak ang che. I dimdawina hi keiin boral phah lo i la, Nangmah avanga hmingchhiat hlawh ka ni tih hria ang che. |
16. | I thute chu tihlan a ni a, ka ei a,I thute chu ka tan lawmna leh ka thilnlung hlimnaa ni; Aw LALPA, Sipaihote Pathian, i hming kan pu ta si a. |
17. | Nuamsip bawltuteho zingah ka tel lo a, ka hlimpui hek lo; Nangma kut vangin a falin ka thu a, Lungnih lohnain mi tikhat si a. |
18. | Engati nge ka na a reh theih loh a,Ka hlia a dam theih loh, tihdam duh lo ang mai hian? Ka lakah kawrte bumhmang tui kang thin ang hi a ni dawn em ni? |
19. | Chutichuan LALPA chuan heti hian a ti:I lamlet chuan ngai ka awhtir ang chia, Ka hmaah i ding leh ang. Thil tlaktlai lo ata thil hlu hlir i sawi chhuah chuan, Keima kam chang i ni ang. Anni chuan i lam lo hawi se la, Nang erawh chuan an lam i hawi tur a ni lo. |
20. | He mite lakah hi chuan ngen kulh bangah ka siam ang chia, An bei ang chia, mahse an hneh lo ang che, Chhandam tur leh chhan chhuak tur chein. I hnenah ka awm si a, tih hi LALPA thu chhuak a ni.Mi suaksualte kut ata ka chhan chhuak ang chia, Mi nunrawngte humbeh ata ka tichhuak ang che. |
21. | Mi suaksualte kut ata ka chhan chhuak ang chia, Mi nunrawngte humbeh ata ka tichhuak ang che. |
← Jeremiah (15/52) → |