Jeremiah (13/52)  

1. LALPA chuan ka hnenah heti hian a ti a: Hrenpuan zai sin lei la, tihuh loin hreng rawh.
2. Tichuan LALPA thu ang zelin hren chu ka lei a, ka hreng ta a.
3. Tin, LALPA thu chu ka hnenah a lo th leng leh a,
4. Hrenpuan i lei, i hren kha la la, tho la, Euphrates lui pan la, chuta lung keh karah chuan thukru rawh, tiin.
5. Tichuan LALPA thu mi pek angin ka kal a,Euphrates lui bulah chuan ka thukru ta a.
6. tin, ni tam tak hnuah chuan LALPA'n ka hnenah, Tho la, Euphrates lui pan la, hrenpuan ka thukruktir che kha la chhuak rawh, a ti a.
7. Tichuan Euphrates lui lamah chuan ka kal ta a, ka han hai a, hrenpuan chu ka thukrukna ata ka han phawrh chhuak a. Ngai teh, hrenpuan chu a lo mawih vek a; eng atan mah a tlaktlai ta lo.
8. Tin, LALPA thu chu ka hnenah a lo thleng a:
9. LALPA chuan heti hian a ti: Hetiang bawk hian Juda chapopui leh Jerusalem chhuantawlawl chu ka tichhe dawn a ni.
10. He hnam sual, ka thute ngaithla duh lo a, anmahni rilru ngawltawt zai zuia pathian dangte rawng bawl leh be tura um zawktute hi he hrenpuan, eng atan maha tlaktlai lo ang hi an ni ang.
11. Hrenpuan chu mi kawnga a bet reng ang hian Israeal chhungkaw pum pui leh Juda chhungkaw pum pui hi ka mite leh ka hmingthanna leh ka mawina leh ka ropuina an lo nih theihna'n ka hnena bet reng tura ka siam an ni si a; mahse an bengkhawn lo.
12. Tin, het hu hi an hnenah i sawi tur a ni: LALPA Israel Pathian chuan heti hian a ti: Peng tinreng mai uainin a khat ang, tiin. Tin, annin i hnenah, Peng tinreng mai uainin a khat ang tih chu kan hre lo em ni? An ti ang a.
13. Ti nangin an hnenah, LALPA chuan heti hian a ti: Ngai rawh u, he rama cheng zawng zawng, Davida thutthlenga thu lalte, puithiamte, zawlneite leh Jerusalema cheng zawng zawngte zuy ruihnain ka tikhat ang.
14. Anmahni chu ka insuttir ang a, pate an fate nen, tih hi LALPA thu chhuak a ni: anmahni ka tihboral lohna khawp zawngin anni chu ka khawngaihin ka zuahin ka lainat lo ang.
15. Ngaithla u la, beng dawh rawh u; Chapo suh u, LALPA chuan thu a thlah tawh a ni.
16. LALPA in Pathian chu chawimawi u la, Thimna a thlentir hmaa thimhlim tlang chungahte in ke a phet hma hian, Eng in beisei lai takin thimah a chantir a, Thim chhah takah a siam dawn a ni.
17. Mahse in ngaihthlak loh chuan In chapona avangin fianrialah ka tap ka tap ang; Ka mittui pawh nasa takin a luang reng a, LALPA beram rual chu sala kaih an nih avangin.
18. Lal leh a nu hnenah te chuan, Thu hniam rawh u, in lukhuumte a tla ta si, In lallukhum ropui ngei chu, ti rawh.
19. Chhim khawpuite chu a ping zo ve, tuma hawn rual lohin; Juda zawng zawng salah an tang, A pum puiin an tang zo ve.
20. In mit len u la en rawh u, hmar lam ata lo thawkte saw Beram rual i nei kha khawnge, I beram rual duhawm tak kha?
21. Nangma'n thiana i siamte kha i chunga an dah hun chuan Engtin nge i tih ang? Hmeichhe nau vei ang mai hian Na i ti hle dawn lo'm ni?
22. Eng vangin nge he'ng hi ka chungah a lo thlen? I ti rilru a nih chuan, i khawlohna avang a sin ni? I fenfual hlim a niha i saruak a lan ni.
23. Ethiopia mi hangin a vun a tidanglamin keitein a zia a thup thei em ni? Chuti a nih chuan nangni thil sual tih ching thinte pawhin Thil tha in tithei ang chu!
24. Thlaler thliin buh si a len ang maiin Anmahni ka tidarh ang.
25. Hei hi i chanvo, i puala ka ruatsak che chu a ni, Mi theihnghilh a, dawt i rinchhan avangin, Tih hi LALPA thu chhuak a ni.
26. Tichuan keimah ngeiin i fenfual chu I hmai khuh hialin ka hlimsak ang chia, I zahmawh a lang ang.Tamlaka tlangah te i uirenate, i hur au thawmte, i inphalrai nasatzia te, Chung i thiltih tenawmte chu ka hmu ta. Aw Jerusalem, i chung a pik e! Tihthianghlim i nih hma chu eng chen nge ni dawn?
27. Tamlaka tlangah te i uirenate, i hur au thawmte, i inphalrai nasatzia te, Chung i thiltih tenawmte chu ka hmu ta. Aw Jerusalem, i chung a pik e! Tihthianghlim i nih hma chu eng chen nge ni dawn?

  Jeremiah (13/52)