←  Jeremiah (10/52)  →
1. Aw, Israel chhungte u, in hnena LALPA thu sawi hi ngaithla rawh u,m
2. LALPA chuan heti hian a ti: Hnamte awm dan zir suh la, Vana chhinchhiahnate vangin zam hek suh u;
3. Mite dante chu engmah lo mai a ni si a, Ramhnuaiah thing an kit a, Hreipuia mi themthiam kutin an chei a,
4. Tangkarua leh rangkachakin an chei a, A chet lohna'n thirkilhna leh tubohin an kilh a.
5. Leipuia sava hlauh tur mili mai an ni a. An tawng thei lo. Mahniin an kal theih loh avangin, Put sawn an ngai thin; Anni chu hlau suh u, Thil chhia an tithei lo a, thil tha an tithei hek lo.
6. Aw LALPA, nang ang tumah an awm lo e, I ropui a, i hming chaknain a thang lian e.
7. Aw hnamte lal, tuin nge tih lo ang che? Chu chu i phu reng si a. Hnamte mi fing zawng zawng zingah te, An ram reng reng zingah pawh, Nang ang reng an awm lo e.
8. Anni zawng mi mawl leh mi a an ni a, Milim zirtirna chu thing mai a ni.
9. Taris ata tangkaraw chher an rawn la a, Upaz ata rangkachak pawh, Mi themthiam kut chhuak vek an ni e.
10. LALPA erawh chu Pathian tak a ni, Pathian nung chatuan Lal a ni e, A thinurin lei a nghing a, Hnamten a thinrimna an tuar lo.
11. An hnenah hetiang hian in ti tur a ni : Pathiante, lei leh van siamtu ni hlei lote chu lei ata an boral ang a, van hnuai atangin an bo vek ang.
12. A thiltihtheihnain lei a siam a, A finnain khawvel a din a, A remhriatnain van a tiparh a.
13. A aw a chhuah chuan, vanah tui a ri hum hum a. Kawlkil ata chhum a chhohtir a, Ruah surna'n kawl a phettir a, A robawm ata thli a tlehtir a.
14. Mi tin an mawl a, hriatna an nei lo. Rangkachak chhertu pawhin a lem chher chu a zahpui a. A milim chhun chu dawt mai a ni si, Anmahniah thaw pawh a awm lo.
15. Engmah lo mai an ni, bumna hna mai, An hremna hunah an bo mai ang.
16. Jakoba chanvo zawng hetiang a ni lo. Thil zawng zawng bul a ni si; Israel hi a roluah hnam a ni a, A hming chu Sipaihote LALPA a ni.
17. Aw nang, huala awm mek chuan, I puanthuah lei ata la khawm rawh.
18. LALPA chuan heti hian a ti a ni: Ngai rawh u, tunah rama chengte ka thing chhuak ang, An hriat thamin ka tihreawm ang.
19. Ka na avangin ka chung a pik e, Ka hliam a na a ni, Mahse, "Hei zet hi hrehawmna chu a ni, Ka tuar mai tur a ni," ka ti.
20. Ka puan in a chhe ta, ka chat vek a, Ka hnen ata ka fate an chhuak a, an awm ta lo, Ka puan in zar tur an awm tawh lo, Ka puanzar tungding turte.
21. Beram vengtute chu an mawl a, Lalpa rawn nachang an hre lo; Chuvang chuan an hmuingil lo, An beram rualte an darh zo.
22. Ngai rawh u, thawm chu a lo thleng, hmar lam ata buaina ropui tak mai, Juda khawpuite titiauin, Sihal chenna hmuna chantir turin.
23. Aw LALPA, mihring awm dan chu, mahni thu mai a ni lo tih ka hre ta: Tungchhova kal mihringah hian, A pheikhai hruai tur a awm lo.
24. Aw LALPA, mi thunun la, a tawk chauhin, Thinur loin, chutilochu mi tibo dah ang e.Awze mi, nang hre ngai lote chungah leh, I hming lam ngai lote chungah I thinurna hrithla ang che;Jakoba an ei zo a, A ni, an ei zo a, an ei ral a, A chenna ram an titiau a.
25. Awze mi, nang hre ngai lote chungah leh, I hming lam ngai lote chungah I thinurna hrithla ang che;Jakoba an ei zo a, A ni, an ei zo a, an ei ral a, A chenna ram an titiau a.
←  Jeremiah (10/52)  →