←  Isaiah (7/66)  →
1. Tin, Uzia fa Jothama fapa Ahaza lal lai chuan heti hi a ni a, Suria lal Rezina leh Israel lal Remalia fapa peka chu Jerusalem run turin an chho a; nimahselah, an hneh thei lo.
2. Tin, Davida chhungte chu, "Suria chu Ephraim nen an tang dun ta," tiin, an hrilh a. Tichuan a thinlung leh a khua leh tuite thinlung chu, ramhnuai thingte thliin a tinghing susu susu ang hian, tihnghinin a lo awm ta a.
3. Chutichuan LALPA chuan Isaia hnenah, "Nang leh i fapa Searjasuba chu, dil chakta zawk tuilakna tawpah, puansutu phul lamlianah chuan, Ahazaa hmuak turin kal chhuak tawh u la;
4. a hnenah, 'Fimkhur la, awm hle hle rawh; meichher bung khu mai mai pahnih, Suria lal Rezina leh Remalia fapaa thinurna nasa tak chu, hlau suh la, i thinglung chu zam suh se.
5. Juda chu han beiin han tibuai i la, chutah chuan kan tan luhna tur siamin, a lai takah Tabeela fapa chu lalah i thuttir ang u, tiin.
6. Suria leh Ephraim leh Remalia fapa chuan an phiar che avangin.
7. Lalpa PATHIAN chuan heti hian a ti a. An thu phiar chu a puitling lo ang a, a hlawhtling hek lo ang.
8. Suria lu chu Damaska a ni a, Damaska lu chu Rezina lek a ni si a: kum sawmruk leh kum nga ral hmain Ephraim chu chi tih tlak loah aawm turin tihchhiat vekin a awm ang:
9. tin, Ephraim lu chu Samari a ni a, Samri lu chu Remalia fapa lek a ni si a. In rin duh loh chuan, tihnghehin in awm thuai lo ang, tiin,' ti rawh," a ti a.
10. Tin, LALPA chuan Ahazaa a be leh a,
11. "LALPA i Pathian hnenah chhinchhiahna dil rawh; Seol thuk tak ata emaw van sang tak ata emaw," a ti a.
12. Ahazaa erawh chuan, "Kal dil lo ang, LALPA pawh ka fiah hek lo ang," a ti a.
13. Tin, ani chuan, "Aw Davida chhungte u, tunah ngaithla teh u; mihring tihhah hi thil te tak teah in ruat a ni maw, ka Pathian lam pawh tihhah in duh zel ni?
14. chuvangin LALPA ngei chuan chhinchhiahna a pe ang che u; ngai teh u, nula thianghlim pakhat a rai ang a, fapa a hring ang a, a hmingah Immanuela a sa ang.
15. Ani chuan thil tha lo lam duh loh nachang a hriat hunah leh, thil tha lam duh nachang a hriat hunah chuan bawnghnute khal leh khawizu a ei thin ang.
16. Naupang chu t hil tha lo lam duh loh nachang leh thil tha lam duh nachang a hriat hma pawhin lal pahnih i huatate ram chu a tiau dawn a ni," a ti a.
17. Ephraim chuan Juda a then ni ata la thleng ngai lo nite chu LALPA chuan i chungah leh, i khua leh tuite chungah leh, i pa chhungte chungah chuan a thlentir ang, Assuria lal ngei chu.
18. Chu mi niah chuan heti hi a ni ang a, LALPA chu Aigupta lui tawp rettea tho awm leh, Assuria rama ikhuai awm chu, ko turin a faifuk ang.
19. Tichuan an lo kal ang a, an zain kawr chhe rek rukah te, lungpui pukah te, hnimhlingnei zawng zawngah te, ran tlatna hmun zawng zawngahte an fu ang.
20. Chu mi niah chuan Lalpa'n bakmehchem hawh, Luipui piah rama Assuria lal awm chu hmangin, lu leh ke hmul chu a ziat fai ang a; khabe hmul pawh a ziat bo vek ang.
21. Tichuan chu mi niah chan heti hi a ni ang a, mi pakhatin bawngla pakhat leh beram pahnih chauh a vul ang;
22. nimahsela heti hi a ni ang a, hnutetui tam tak an la pek dawn avangin hnutetui khal a ei thin ang: ram chhunga la awm apiangin hnutetui khal leh khawizu an ei theuh dawn si a.
23. Tin, chu mi niah chuan heti hi a ni ang a, hmun tin, grep hrui sang, tangka sang man awmna apiangte chu, buar leh hnimhlingnei hmun mai a ni tawh ang.
24. Ram zawng zawng chu buar leh hnimhlingnei hlir a lo nih tak avangin chutah chuan thal leh thal ngul kengin an kal ang.Tin, tlang, bawngtuthlawha laih tawh zawng zawngah chuan, buar leh hnimhlingnei hlauh avangin i lo kal lo ang a, bawngchalte tlattirna leh beram chil mai atan a ni zawk tawh ang," a ti a.
25. Tin, tlang, bawngtuthlawha laih tawh zawng zawngah chuan, buar leh hnimhlingnei hlauh avangin i lo kal lo ang a, bawngchalte tlattirna leh beram chil mai atan a ni zawk tawh ang," a ti a.
←  Isaiah (7/66)  →