←  Isaiah (65/66)  →
1. Mi lam ngai lote zawnin ka awm a, mi zawng ngai lote hmuhin ka awm a: ka hming pu lo hnam hnenah chuan, "Mi en rawh u, mi en rawh u," ka ti a.
2. Mi helhmangte tan nilengin ka bante ka phar thin, chungho chu anmahni ngaihtuahteang zela kawng tha loa kal thinte ,
3. huanahte inthawia, leirawh chan chungahte englo rimtui hala, ka hmaichhan ngeia mi tithinur thinte,
4. thlan zingahte thu a, hmun fianrialtea riak thinte, vawk sa eia, an beltea thil tenawm tuihang awm thinte,
5. "Nangmah chauhin ding rawh, mi rawn hnaih suh, nang ai chuan ka thianghlim zawk hi," ti thinte chu an ni: chungho chu ka hnara mei khu awm, nilenga mei nung reng thin chu a ni.
6. ,7 Ngai teh u, ka hmaah ziakin a awm : ka ngawi reng lo ang a, ka thungrul zawk ang, a ni, an angchhungah nangmahni khawlohna leh in pute khawlohnate chu ka thungrul ve ve ang, LALPA'n a ti, chungho chuan tlang lian chungahte englo rimtui halin tlangte chungahte kan hming an sawiche thin: chuvangin an hming an sawichhe thin: chuvangi an hnathawh chu a hmasa berin an angchhungah ka tehsang a.
7. ,6 Ngai teh u, ka hmaah ziakin a awm : ka ngawi reng lo ang a, ka thungrul zawk ang, a ni, an angchhungah nangmahni khawlohna leh in pute khawlohnate chu ka thungrul ve ve ang, LALPA'n a ti, chungho chuan tlang lian chungahte englo rimtui halin tlangte chungahte kan hming an sawiche thin: chuvangin an hming an sawichhe thin: chuvangi an hnathawh chu a hmasa berin an angchhungah ka tehsang a.
8. LALPA chuan heti hian a ti, "Grep bawrah uain thar an hmu a, miin, 'Tichhe suh, khatah khan malsawmna a awm si,' an ti ang khan, ka chhaihhlawh avangin ka ti ve ang, an zaa ka tihchhiat vek lohna'n.
9. Tin, Jakoba atangin chi pakhat ka tichhuak ang a, Juda atangin ka tlangte luahtu tur ka tichhuak ang: tichuan ka mi thlante chuan chu chu an luah ang ang a, ka chhiahhlawhte chu chutah chuan an awm ang.
10. Tin, ka mi, mi zawngtute tan chuan, Saron chu beram rualho huang a ni ang a, Akor ruam chu bawng rualho bawhna hmun tur a ni ang.
11. Nimahsela nangni LALPA kalsana, ka tlang thianghlim theihnghilh a, vanneihna Siamtua tan dawhkan buatsaih a, Chantawka Khawrelsaktui tak uain chawhpawlh sa chhung khat thinte uain chawhpawlh sa chhung khat thinte uain chawlhpawlh sa chhung khat thinte u;
12. ka koh lai che u khan mi in chhan duh loh a, thu ka sawi lai khan benga in hriat duh loh a, ka mithmuha thil sual chu in tih zawka, ka thil lawm loh zawng chu in thlan avangin khandaihin in chantawka khua chu ka relsak ang che u a, in zain thahnaah chuan in kun vek ang.
13. Chuvangin Lalpa PATHIAN chuan heti hian a ti, "Ngai teh u, ka chhiahhlawhte chuan an ei ang a, nangni erawh chu rilramin in awm ang: ngai teh u, ka chhiahhlawhte chuan an in ang a, nangni erawh chu tuihalin in awm ang: ngai teh u, ka chhiahhlawhte chu an hlim ang a, nangni erawh chu in zak ang:
14. ngai teh u, ka chhiahhlawhte chu thinlunga an lawm avangin hlim takin an zai ang a, nangni erawh chu thinlunga in lungngaih avangin in tap ang a, thlarauva in vui avangin in chiau vak vak ang.
15. Tin, in hming chu chhechhamna'n ka mi thlante hnenah in hnutchhiah ang a, Lalpa PATHIAN chuan a tihlum ang che u; tin, a chiahhlawhte chu hming dangin a ko tawh a:
16. chutichuan leiah hian mahni mal insawm chawptu chu thutak Pathianah chuan mal a insawm ang a; Pathian chhalin chhia a chham ang; tun hma mangannate chu theihnghilha a awm ak avang leh ka mit laka thupha a awm tak avangin.
17. Ngai teh u, van tharte leh lei thar ka siam anih hi; tun hma thilte chu hriat rengin a awm tawh lo ang a, rilruah pawh a lut tawh hek lo ang.
18. Nimahsela ka thil siamah chuan kumkhuain lawmin hlim rawh u: ngai teh u, Jerusalem chu hlimnaah ka siam a, amite chu lawmnaah ka siam anih hi.
19. Jerusalem chungah chuan ka hlim ang a, ka mite chungah pawh ka lawm ang: a chhungah chuan tap thawm chu hriat a ni tawh lo ang a, chiau thawm pawh hriat a ni tawh hek lo ang.
20. chuta tanga chhuak chu nausen ni rei lo te dam an awm lo ang a, putar a dam chhung nite tlingtla lo an awm hek lo ang: naupang chu kum za mi niin a thi dawn si a, mi sual kum za chauh dam chu anchhe dawng an ni sawn a ni.
21. Tin, inte an sa ang a, chungah chuan an awm reng bawk ang; grep huante an siam ang a, a rah an ei bawk ang.
22. Midang awmna turin in an sa tawh lo ang a, mi dang eiah grep huan an siam tawh lo ang: thing dam chung nite ang hian ka mite dam chhung nite chu a awm dawn si a, ka mi thlante chu rei tak an thawh chhuah chungah chuan an lawm dawn a ni.
23. A thlawnin an thawk rim lo ang a, vanduaina mai turin fa an hring hek lo ang; LALPA malsawm mi thlahte an ni si a, an fate chu an hnenah an awm reng ang.
24. Tin, heti hi a ni ang a, annin mi koh hma pawhin ka chhang ang a; thu an la sawi lai mek pawhin ka bengin ka hria ang.Chinghnia leh beram no chu an tla dun tawh ang a, sakeibaknei chuan bawngpa angin buhpawl a ei tawh ang: vaivut chu rul chaw a ni ang. Ka tlang thianghlim reng rengah chuan an tina tawh lo ang a, an tichhe tawh hek lo ang, LALPA'n a ti.
25. Chinghnia leh beram no chu an tla dun tawh ang a, sakeibaknei chuan bawngpa angin buhpawl a ei tawh ang: vaivut chu rul chaw a ni ang. Ka tlang thianghlim reng rengah chuan an tina tawh lo ang a, an tichhe tawh hek lo ang, LALPA'n a ti.
←  Isaiah (65/66)  →