←  Isaiah (60/66)  →
1. Tho la, eng rawh; i eng chu a lo thleng a, LALPA ni ropuina chu i chunga lo chhuah tak hi.
2. Ngai teh, thimin leilung hi a khuh dawn si a, thim chhah mupin mite a khuh bawk dawn a ni: nimahsela LALPA chu i chungah a lo chhuak ang a, a ropuina chu i chungah a la lang ang.
3. Tichuan hnam tin i eng lamah an lo kal ang a, lalte pawh i lo chhuah enna lamah an lo kal bawk ang.
4. Dak la, i mit len vel la, en rawh: an zain an inkhawm a, i hnenah an lo kal a nih hi: i fapate chu hla tak atangin an lo kal ang a, i fanute chu an rawn pawm ang.
5. Chumi hunah chuan i hmu ang a, i eng tawh ang a, i thinlung chu a khur a, tihzauin a awm ang; tuifinriata sumdawnna tam tak mai chuan i hnen lam a pan dawn avang leh, hnam tin sum chuan i hnen a lo thlen dawn avangin.
6. Sanghawngsei tam tak mai chuan an tuam dul dul ang che, Midian leh Epha rama Sanghawngsei tuaite chuan; chung zawng zawng chu Seba ram atangin an lo kal ang: rangkachak leh beraw an rawn phur ang a, LALPA fakna thu an hriattir ang.
7. Kedar-ho ran rual zawng i hnenah an lo kal khawm ang a, Nebai-otha-ho berampate chuan i rawng an bawl ang: ka maichamah chuan lawmin an chho ang a, ka ropuinain chu ka chawimawi ang.
8. Chhum anga thlawkte leh, thuro anmahni tukverh pana thlawk noh noh anga thlawkte saw tute nge ni?
9. Ani chuan a chawimawi che avangin LALPA i Pathian hming atan leh Israel-ho Mi Thianghlim atan chuan i fapate an tangka leh rangkachak nen hla tak atanga hruai turin matheiloin thliarkarte chuan mi nghak ang a, Tarsis lawng liante chuan hmasak ber an chuh ang.
10. Tin, ram dang mite chuan i kulh bangte chu an rem chho leh ang a, an lalte pawhin i rawng an bawl tawh ang; ka thinrim chuan ka vua chian, nimahsela ka duhsaknain ka khawngaih si che a nih hi.
11. I kawngkharte pawh hawnin a awm areng ang a; a chhun azanin an khar lo ang; miten hnam tin sum chu i hnenah an rawn laka, an lalte pawh an rawn hruai ve theihna'n.
12. I rawng bawl duh lo hnam leh ram chu a boral dawn si a; a ni, chung hnamte chu tihchhiat hlauhin an awm ang.
13. Ka hmun thianghlim cheimawi turin Lebanon ropuina chu i hnenah a lo kal ang, far te, phan te, tuifar te chu an lo kal tlang ang; tichuan ka ke rahna hmun chu ka tiropui ang.
14. Tin, nangmah tiretheituteho fapate chu kunin i hnenah an lo kal ang a; nangmah hmusittute zawng zawng chu chibai bukin i kehphah hnuaiah an kun ang; nang chu "LALPA khawpui," "Israel-ho Mi Thianghlim Zion," an ti ang che.
15. Tuma tlawh ngai loh khawpa kalsan leh huata i awm aiah kumkhaw chhuan ber, chhuan tam tak lawmnaah ka siam ang che.
16. Tin, hnam tin hnutetui i fawp ang a, lalho hnute pawh i hne ang: kei LALPA hi nangmah chhandamtu leh nangmah tlantu, Jakob-ho Mi Chaka chu ka ni tih i la hre bawk ang.
17. Dar aiah rangkachak ka rawn la ang a, thir aiah pawh tangkarua ka rawn la ang, thing aiah pawh dar, lung aiah pawh thir: thlamuanna chu i hotuah ka ruat bawk ang a, felna chu nangmah phuttuah ka ruat ang.
18. Rang taka thiltih thawm chu i ramah hriat a ni tawh lo ang a, tiauna leh chhiatna thawm pawh chu i ramah hriat a ni tawh lo ang a, tiauna leh chhiatna thawm pawh i ramri chhungah rhiat a ni tawh lo ang; i kulh chu "Chhandamna," i ti zawk ang a, i kawngkharte pawh "Fakna," i ti bawk ang.
19. Ni khi chhunah nangmah entu a ni tawh lo ang ;a thla pawh khian enna turin a tieng hek lo ang che: LALPA erawh chu i tan kumkhaw entuah a awm ang a, i Pathian chu i ropuina atan a awm bawk ang.
20. I ni chu a tla tawh lo ang a, i thla pawh chu a rla thaw hek lo ang: LALPA chu i kumkhaw entu a ni dawn tawh si a, i lusun nite chu a tawp dawn tawh a ni.
21. I mite pawh an zain mi fel an i ang a, i ram hi an luah kumkhua ang; chawimawi ka awm theihna turin anni chu a zung puak chhuak ka phun, ka kut chhuak chu, an ni ang.In zinga hnam te ber pawh hnam ropui tak an ni ang a, hnam tlemte pawh hnam chak tak an ni ang: kei LALPA hian a hun hunah chuan ka thlentir thuai ang.
22. In zinga hnam te ber pawh hnam ropui tak an ni ang a, hnam tlemte pawh hnam chak tak an ni ang: kei LALPA hian a hun hunah chuan ka thlentir thuai ang.
←  Isaiah (60/66)  →