←  Isaiah (58/66)  →
1. Ring takin au rawh, inren suh, tawtawrawt angin i aw chhuah tuar tuar la, ka mite hnenah an bawhchhiatna chu hril la, Jakoba chhungte hnenah an sualnate hril bawk rawh.
2. Anni chuan zanw zawng ni tin, mi zawng thin a, ka kawng thute hriat zawng an chak thin: fel taka ti leh an Pathian rorelna bansan ngai lo hnam angin ka hnenah rorelan fel tak mi dil thin a, Pathian rawn hnaih pawh an chak thin a ni.
3. " Eng vangin nge chaw ka nghei a, i hmuh si loh? Eng vangin nge ka intihretheih a,i hriat si loh?" an ti thin. Ngai teh u, in chaw nghei ni chuan nangmahni nawmsak in bawl a, in hnathawktute zawng zawng in hnehchiah thin.
4. Ngai teh u, innghirnghona leh inhnialna tur leh, suahsualna kuttuma inchum turin a ni, chaw in nghei thin ni: in aw hi chung lama hriattir tlak zawngin chumi ni chuan chaw in nghei ngai lo.
5. Chutiang chu chaw ngheina ka duhzanga chu em ni? Mi a intihretheihna tur ni a ni em ni? Phungladin anga a lu kun tur leh, a hnuaia saiip puan phaha vut phul tur em ni? Chung chu chaw ngheina leh LALPA tan ni lawmtlak i ti dawn em ni.
6. Hei hi chaw ngheina ka duhzawnga chu a ni lo'm ni? Nghawngkawl hruite hlihsak leh, hnehchhiahho chhuahtir leh, nghawngkawl hruite hlihsak leh, hnehchhiahho chhuahtir leh, nghawngkawl tinreng tihtliahsak hi.
7. Mahni chaw mi riltamte hnena sem leh, rethei hnawhchauhho mahni ina hruai hi a ni lo'm ni? Mi saruak hmuha puan vawm leh, mahni tisa ang pu laka bihruk loh hi a ni lo'm ni?
8. Chumi hunah chuan i eng chu zing ni chhuak angin a lo chhuak ang a, i damna tur chu a lo chawr chhuak thuai ang: i felna chuan i hma a hruai ang a: LALPA ropuina chu i hnudaltu a ni ang.
9. Chumi hunah chuan i ko ang a, tichuan LALPA'n a chhang ang; i au vang a, tichuan anin, "Heta hi ka awm," a ti ang. In zinga ta nghawngkawl te, zungtanga mi kawh te, sual taka tawng te hi i tihbo a,
10. Riltamte tan i inphal a, tihretheihte i tihtlai bawk chuan, i eng chu thim zingah a eng chhuak ang a, i thim mupna chu chhun ang a ni tawh ang:
11. tin, LALPA chuan a hruai fo ang chia, hmun rovah pawh a titlai ang chia, i ruhte pawh a tichak bawk ang; tin, huan tuia chawm ang leh, tuihna kang ngai lo ang i ni tawh ang.
12. Tichuan i laka lo la chhuak turte chuan hmun hlui chhe tawhte chu an rem leh ang a: chhuan tam tak lungphumahte chuan i rem chho leh ang; tichuan nang chu, "A chhe lai siamthatu," "Mi awmna tura kawngte siamthatu," an ti ang che.
13. Chawlhni bawhchhe lo tura, ka ni thianghlima i duhzawng ti lo tura i kephah chu i hawi kirtir a, chawlhni lawmawm i tih a, LALPA ni thianghlim chu zahawm i tih a, mahni kawng zawh lo a, mahni nawmsang bawl lo a, mahni thu sai loa i chawimaw chuan,LALPA chungah chuan i lawm ang a, leilung hmun sangahte chuan ka chuantir ang chia; i pu Jakoba rochun thilin ka chawm ang che: LALPA ka chuan chu chu a sawi tawh a ni.
14. LALPA chungah chuan i lawm ang a, leilung hmun sangahte chuan ka chuantir ang chia; i pu Jakoba rochun thilin ka chawm ang che: LALPA ka chuan chu chu a sawi tawh a ni.
←  Isaiah (58/66)  →