←  Isaiah (51/66)  →
1. Felna umtute u, LALPA zawngtute u, ka thu ngaithla rawh u: nangmahni chherna lungpui lam leh khuarkhuruma nangmahni laih chhuahna khur lam kha en rawh u.
2. I pu Abrahama lam leh nangmahni hringtu Sari lam en rawh u; ani chu pakhat chauh a nih lai khan ka ko a, mal ka sawm a, mi ta takah ka siam tak kha.
3. LALPA chuan Zion chu a thlmuan ta si a: a hmun che tawhte zawng zawng chu a thlamuan a, a thlaler chu Eden angin a siam a, a ram ro chu LALPA huan angin a siam bawk a; chutah chuan lawmna leh hlimna te, lawm thu sawina leh hla sa thawm te a awm ang.
4. Aw ka mite u, ka thu hi ngaithla u la; aw ka hnamte u, ka thu-ah hian beng lo chhi rawh u: keimah atangin dan thu a lo chuak dawn si a, mi tin enna turin ka rorelan chu ka chawlhtir ang.
5. Ka felna chu a hnai e, ka chhandamna chu a chhuak tawh a, ka bante hian mi tin ro a relsak ang, thliarkarte chuan mi nghak ang a, ka ban hi an ring ang.
6. van lamahte hian in mit len chho u la, hnuai lama leilung chu en rawh u: van khi meikhu angin a la zam ral ang a, leulung hi silhfen angin a la hlui ang, a chhunga awmte chu chutiang bawkin an la thi ang: ka chhamdamna erawh hi chu kumkhuain a awm ang a, ka felna pawh hi tihboin a awm lo ang.
7. Felna hretu, ka dan thu thinlunga pai mite u, ka thu ngaithla rawh u; mihringte sawichhiatna hlau suh u la, an hauna che u avangin mangang hek suh u.
8. Thimin silhfen a ei chhe vek angin, anni chu a ei chhe vek dawn si a, sulrulin sahmul a ei angin anni chu a ei dawn a ni: ka felna erawh chu kumkhuain a awm ang a, ka chhandamna chu chhuan zawng zawng thlengin a awm ang.
9. Aw LALPA ban , harh la, harh la, chakna inbel rawh ; hman laia, hma sang chhuante awm laia i harh ang khan harh rawh. Nang hi Rahab sat sawmtu, drako chhuntu kha i ni lo'm ni?
10. Nang hi tuifinriat, tui thuk zau tak tui tikangtu, tuifinriat mawng thuk chu tlante kal kaina tur kawnga siamsaktu i ni lo'm ni?
11. Tin, LALPA tlante chu an kir leh ang a, hla sa chungi Zion chu an thleng ang a; chatuana lawmna an lu chungahte a awm tawh ang: lawmna leh hlmna an hmu ang a, lungngaihna leh an rumna chu a bo tawh ang.
12. Nangmahni thlamuantu che u ka ni a, mihring thi leh mai tur hlobet ang lek hi engati nge in hlauh le?
13. Kei LALPA hi nangmahni siamtu ka ni a, vante khi kai pharh a, leilung nghahchhan siamtu ka nih in theihnnghilh ta elo? Eng tizia nge nangmahni hnehchhiah duhtute thinur hlau reng renga in la awm fo le?
14. Salhruai bo chu rang taka chhuahin a awm ang a; thiin khuarkhurumah a chhuk lo vang a, a chaw chu a awm lo hek lo ang.
15. Kei LALPA i Pathian, a fawnte chu ri hum hum khawpa tifinriat chawk lettu chu ka ni si a: ka hming chu sipaihote LALPA a ni.
16. Tin, van khi ka kaipharh theih a, leilung nghahchahnte ka um theih a, Zion-ho hnenah, "Ka mite in ni e," ka tih theihna'n ka thute chu i kaah ka dah a, ka kutin ka hum che a ni.
17. Aw Jerusalem , LALPA kut ata thinrimna nova mi in nu, harh la, harh la, tho rawh; nang chuan pai paina bo berhbua mi i in a, i in fai kelh a.
18. A fapa hrin zawng zawng zingah chuan amah hruaitu tur tumah an awm lo a; a fapa chawm len zawng anwg zingah chuan a kuta chelh tumah an awm hek lo.
19. Heng thil pahnih hian a tlak buak tak che hi; tuin nge tahpui dawn che aw? Tiauna leh chhiatna te, tam leh khandaihte hian; engtin nge ka thlamaun ang che aw?
20. I fapate chu an chau a, sathar lena a awk angin thler lu lam zawng zawngah chuan an mu phung a; LALPA thinrimna leh i Pathian zilhhaunain an khat hlawm a ni.
21. Chuvangin, nang tihretheih leh uain rui ni si loa mi rui, hei hi hre tawh rawh:
22. i LALPA Jehoa, i Pathian, i mite thu sawipui thintu chuan, heti hian a ti, "Ngai teh, pai paina no, ka thinrimna no berhbu ngei chu, i kut ata ka la chhuak ta; i in leh tawh lo ang:tichuan nangmah tiretheitute kutah chuan ka dah ang; anni chuan i nunna hnenah, 'Kan zawh tur chein bawkkhup rawh,' an tih kha: tichuan nangin zawhtute hnenah chuan i hnungzang chu lei ang leh kawtthler angin i dah kha," tiin.
23. tichuan nangmah tiretheitute kutah chuan ka dah ang; anni chuan i nunna hnenah, 'Kan zawh tur chein bawkkhup rawh,' an tih kha: tichuan nangin zawhtute hnenah chuan i hnungzang chu lei ang leh kawtthler angin i dah kha," tiin.
←  Isaiah (51/66)  →