←  Isaiah (46/66)  →
1. Bela chu a lo kun reng a, Neboa chu a lo intihniam reng a; an milemte chu sachungah leh ran chungah an hlang tawh a: in thil vah velpui thinte chu phurah lek siam ani a, sa chau tana phur ritah lek siam ani bawk a.
2. An lo intihniam rengin, an lo kun tlang ta reng hlawm a, phur rit chu an chhan him thei si lo a, anmahni ngei pawh chu sala hruaiin an awm ta zawk a.
3. Aw Jakoba chhungte leh, Israela chhungte zinga la awm chhun zawng zawng, pum a anga ka puak a, chul a anga ka kawm tawhte u, ka thu ngaithla rawh u:
4. in tarkun thleng pawhin amaha chu ka ni ang a, in lua kelsam a to vek thleng pawhin ka pawm ang che u: keima'n ka siam a, keimah vekin ka pua ang; a ni, kei chuan ka pawm ang a, ka chhanhim ang.
5. Thuhmuna ngaih ka nihna turin tur nen nge mi tehkhina, tu tlukah nge mi siama, tu nen nge mi tehkhin dawn?
6. Iptea mi rangkachak bun chhuak thina, tangka buknaa buk hinate chuan, rangkachak chhertu an ruai a, ani chuan pathianah a siam hin a; tichuan an bawkkhup a, a ni, chibai an buk thn.
7. An kokiah an pu a, an kalpui a, a hmun turah chuan an dah hin a, a ding ta reng a; a awm na ata chu a sawn tawh lo ang: a ni, miin ani chu an an vang a, nimahsela a chhang thei si lo ang a, an manganna ata a chhan chhuak thei hek lo ang.
8. Aw bawhchhetute u, chu chuhre reng u la, intimipa u la, hre chhuak leh rawh u,
9. Tun hma ahmasang thilte chu hre reng rawh u: kei hi Pathian ka ni a, a dang reng reng an awm si lo: kei hi Pathian ka ni, keimah ang reng reng an awm lo;
10. keiin a tawp turte chu atir a ang rengin ka sawi hin a, thil la tih lohte chu hmasang a ang rengin ka sawi hin; "Ka remruat chu a ding chhuak ang a, ka duhzawng zawng zawng chu ka ti vek ang," ka ti a:
11. khawchhak lam ata sava koham tak, ram hla tak ata ka mi ruat chu ka ko a; a ni, ka sawi tawh a, ka hlen bawk ang; ka tum tawh a, ka ti bawk ang.
12. Rilru uangthuang, felna hlata awmte u, ka thu ngaithla rawh u;ka felna chu ka rawn la hnai a, hla takah a awm lo ang, ka chhandamna pawhin rei a rial lo ang; tichuan ka ropuina Israel-ho tan chhandamna chu Zion-ah chuan ka dah ang.
13. ka felna chu ka rawn la hnai a, hla takah a awm lo ang, ka chhandamna pawhin rei a rial lo ang; tichuan ka ropuina Israel-ho tan chhandamna chu Zion-ah chuan ka dah ang.
←  Isaiah (46/66)  →