←  Isaiah (41/66)  →
1. Aw thliarkarte u, ka hmaah chuan ngawi thiap rawh u; mi tin chuan an chakna tithar leh se la: lo hnai hlawm se la; chumi hnuah chuan sawi rawh se: rorel turin i inhnaih tlang teh ang u.
2. Khawchhak ata mi pakhat, felna avanga a ke bula a koha chu, tuin nge kai harh? Ani chuan hnam tin a hmaah a pe a, lalho chungah ro a reltir a; anni chu vaivut angin a khandaih hennah a pe a, buh si thli chhem len angin a thalngul hnenah a pe bawk a.
3. Ani chuan anniho chu a um a, him takin a kal zel a;a kea a la kalna ngai loh kawngah chuan.
4. Atir ata chhuan zawng zawng koin, tuin nge thawk a, ti zo? Kei LALPA, a hmasa ber leh a hnuhnung bera hnena awm hi, a titu chu ka ni.
5. Thliarkarte chuan an hmu a, an hlau a; kawl kilte chu an khur a: an rawn hnaih a, an lo kal a.
6. Mi tinin mahni thiante an tanpui a; mi tinin an unaute hnenah, "Thlamuang takin rawm rawh," an ti theuh a.
7. Chutiachuan a charna lam thu-ah chuan, "A tha e," tiin, themthiam mi chuan rangkachak chher mi a fuih a, tuboha deng mam mi chuan dolung deng mi a fuih bawk a: tin, a nghin lohna turin kilhnatein a kilh tlat a.
8. Nimahsela, nangni Israel-ho ka chhaihhlawh, Jakob-ho ka mi thlan, ka thian Abrahama thlahte u,
9. nangni leilung tawpna ata ka mi hruai, a kil ata ka mi koh, "Ka chhiahhlawhte in ni, paih thla loin ka thlang zawk che u," ka tihate u,
10. hlau suh u, kei in h nenah ka awm si a; mangang suh u, kei in Pathian ka ni si a: ka tichak ang che u a; a ni, ka tanpui ang che u; a ni, ka felna kut ding lamin ka chelh reng ang che u.
11. Ngai teh, in chunga lungni lo zawng zawng chu mualpho tak leh zak takin an awm ang: nangmahni hnialtute chu engmah lo ang an ni ang a, an b oral ang.
12. nangmahni hnailtute chu in zawng ang a, in hmu si lo ang: nangmahni dotute chu engmah lo ang an ni ang a, thil awm lo ang mai an ni ang.
13. Kei LALPA in Pathian hian "Hlau suh u, ka tanpui dawn a che u," tiin, in kut ding lam chu ka chelh dawn si a.
14. Nang Jakob changpat leh Israel mite u, hlau suh u, ka tanpui ang che u, LALPA'n a ti, nangmahni tlantu che u chu Israel-ho Mi Thianghlim chu a ni.
15. Ngai teh, buh chilna khawl thar tak, hria tak, ha nei mi-ah ka siam ang che u: tlangte chu chilin in vaw sawm ang a, mual pawngte chu buh si angin in siam ang.
16. In zap ang a, thliin a chhem leng ang a, thawngaleivirin a tidarh ang: tin, nangni chu LALPAah chuan in lawm ang a, Israel-ho Mi Thianghlim chu in la chhuang ang.
17. Mi rethei leh pachhiate chuan tui an zawng thin a, a awm si lo a, an lei chu tuihalin a ro vek thin; kei LALPA hian anni chu ka chhang ang a, kei Israel-ho Pathian hian anni chu ka kalsan lo ang.
18. Tlang sang kawlh vel vulah chuan luite ka luan chhuahtir ang a, ruam laiahte chuan tuihnate ka chhuahtir bawk ang: thlaler chu dilah ka siam ang a, ram ro chu tuihnaah ka siam bawk ang.
19. Thlalerah chuan sidar thing te, thingri te, lenhmui te, hriak thing te ka phun ang a; ram rovah chuan far te, phan te, tuifar te ka phun za vek ang:
20. LALPA kut chuan chung chu a ti a ni tih leh Israel-ho Mi Thianghlim chuan a siam ani tih an hmuh a, an hriat a, an ngaihtuah a, an hriat thiam tlanna turin.
21. In thu chu rawn sawi rawh u, LALPA'n a ti; pathian in intihna chhan berte chu lantir rawh u, Jakob-ho Lalin a ti.
22. Chung chu lantir se la, thil lo la thleng tur chu kan hnenah saiw rawh se: kan ngaihtuah theihna tur leh a tawpna tur kan hriat theihna turin, tun hma thilte chu eng nge a nih sawi rawh u; a nih loh leh, thil lo la thleng turte chu hriattir rawh u.
23. Pathian in ni tih kan hriat theihna turin tun hnua thil lo la thleng turte chu sawi rawh u le: a ni, kan manganna tur leh kan en tlanna turin, thil tha emaw thil tha lo emaw ti rawh u le.
24. Ngai teh u, engmah in lo nih loh hi, in thiltih pawh engmah a ni hek lo: nangmahni thlangtute chu mi tenawm tak an ni.
25. hmar lam ata mi pakhat ka kai harh a, ani chu a lo thleng ta: ni chhuahna ata ka hming lamtu chu: ani chu lung charna sawisak angin roreltute a sawisa ang a, bawlvawtuin hlum a rap ban angin a rap bawk ang.
26. Kan hriat theihna turin tuin nge atir atang khan saiw ngai? A ni, "Ani hi a dik e," kan tih theihna turin tuin nge sawi lawk ngai? A ni, sawi reng reng an awm lo, a ni, hriattir reng reng an awm lo, a ni, in thu sawite hi hria reng reng an awm o.
27. Keiin Zion hnenah chuan, "En teh, anni saw en teh," ka ti hmasa ang a; Jerusalem hnenah chuan chanchin tha rawn thelntu pakhat a pe ang.
28. Tin, ka han en pawhin mi reng reng an awm lo a; anmahni ka han zawh pawhin, an zinga remruattu, thu pakhat pawh chhang thei tumah reng reng an awm lo.En teh u, an za hian, an hnathawhte chu engmah lo a ni a, thil awm lo reng reng a ni: an milem chhunte chu thli leh boruak chauh a ni.
29. En teh u, an za hian, an hnathawhte chu engmah lo a ni a, thil awm lo reng reng a ni: an milem chhunte chu thli leh boruak chauh a ni.
←  Isaiah (41/66)  →