Isaiah (39/66)  

1. Chumi lai chuan Baladana fapa Babulon lal Merodak-baladana chuan lehkhate leh lawmman Hezekia hnenah a thawn a: a na tih leh a dam leh ta tih a lo hriat avangin.
2. Tichuan Hezekia chu an chungah a lawm a, an hnenah a thil hlu dahna in te, tangka te, rangkachak te, englo rimtui te, hriak hlu tak te, a ralthuam dahna in chhung zawng zawng chu a entir a; a ina mi leh a rma chhunga mi Hezekian an hnena a entir loh thil eng reng a awm lo.
3. Chumilai chuan zawlnei Isaia chu lal Hezekia hnenah a lo kal a, a hnenah, "Nichina mie khan eng nge an sawi?" Khawi atangin nge i hnenah an lo kal?" a ti a. Tin, Hezekia chuan, "Ram hla tak ata, Babulon atang chuan ka hnenah an lo kal a ni," a ti a.
4. Tichuan ani chuan, "I inah hian eng nge an en kha?" a ti a. Tin, Hezekia chuan, "Ka in chhung awm zawng zawng chu an en vek: ka ro tha zinga mi ka entir loh engmah a awm lo," tiin a chhang a.
5. Tichuan Isaian Hezekia hnenah chuan, "Sipaihote LALPA thu hi hre rawh.
6. Ngai teh, i in chhunga awm zawng zawng leh vawiin thlenga i puten an khawl khawmte chu Babulon khuaa kalpuiin a awm vek ang; engmah reng reng hnutchhiahin a awm lo ang; chutiang nite chu a la thleng dawn,' LALPA'n a ti.
7. Tin, i fapa, i rila la rah tur, i hrin turte ngei zinga mi chu, an kal bopui ang; anni ch Babulon lal inah chuan mi tilrehah an la awm ang,' a ti," a ti a.Tichuan Hezekian Isaia hnenah chuan, "LALPA thu i sawi hi a tha e," a ti a. Amah vek chuan, "Ka dam chhung hian remna leh thutak a awm dawn si a," a ti bawk a.
8. Tichuan Hezekian Isaia hnenah chuan, "LALPA thu i sawi hi a tha e," a ti a. Amah vek chuan, "Ka dam chhung hian remna leh thutak a awm dawn si a," a ti bawk a.

  Isaiah (39/66)