←  Isaiah (38/66)  →
1. Chung lai chuan Jezekia chu thih ngamin a na a.Tichuan Amozaa fapa zawlnei Isaia ch a hnenah a lo kal a, a hnenah,"LALPA chuan heti hian a ti,'I chhungte khawsak dan tur relsak rawh; dam chhuak loin i thi ngei dawn si a,' tiin," a ti a.
2. Chutichuan Hezekia chu bang lam hawiin a let a, LALPA hnenah a tawngtai a,
3. "Aw LALPA, i hmaah thutak leh thinlung tha famkim pua ka awm thinzia leh, i mithmuha thil tha ka tih thinzia kha, khawngaih takin hre reng ang che,"a ti a. Tin, Jezekia chu a tap ta zawih zawih a.
4. Chutichuan LALPA thu chu Isaia hnenah a lo thleng
5. "Kal la, Hezekia hnenah sawi rawh, 'LALPA, i pu Davida Pathian chuan heti hian a ti, I tawngtaina kha ka hria a, i mittuite pawh ka hmu a: ngai teh, i dam chhung nite hi kum sawm leh kum ngain ka tisei ang.
6. Tin, nang leh he khawpui hi Assuria lal lakah ka chhanhim ang a: he khawpui hi ka hum ang.
7. Tin, LALPA'n a thil sawi hi a ti ngei dawn tih, hei hi i tan LALPA laka chhinchhiahna tur chu a ni ang:
8. "En teh Lal Ahaza dar chin tehnaa ni hlim saw, rahka sawmin ka tikir ang,"a ti a. Chutichuan ni hlim chu rahka sawm a kir leh ta a.
9. Juda lal Hezekia dam lo, a dam leh hnua a lehkha ziak chu :
10. "Ka dam chhung nite chhun lai takah hian thlan kawngkaahte chan ka lut dawn a: Ka dam chhung kum la bak turte chu chhuhin ka awm ta," ka ti a.
11. "LALPA, LALPA ngei chu, mi nung ramah hian ka hmu dawn tawh lo va: Khawvela awmte zingah hian mihring ka hmu leh dawn tawh lo a nih hi.
12. Ka awmna hi sawnin a awm a, beram vengtu puan in angin ka hnen ata lak boin a awm ta; Puan tahtun a puan a zial angin ka nunna hi ka zial a ani chuan thembu atangin mi chep chhum hmawk dawn a: Nangin ni khat leh zan khat thil thu-ah mi titawp mai dawn a nih hi" ka ti a.
13. Zing thlengin a ngawi hram hramg a; sakeibaknei angin ka ruh zawng zawng a titliak vek a: Nangin ni khat leh zan khat thil thu-ah mi titawp mai dan a nih hi.
14. Vamur emaw, kanghlai emaw angin ka hram ka hram a, Thuro angin ka rum ka rum a, chung lam thlirna'n ka mit a vai zo ta; Aw LALPA, hnehchhiaha ka awm hi, nang chuan a bul mi tumsak ang che.
15. Eng nge ka sawi ang aw! Ani chuan mi bia a, ani vek chuan a ti ta nghal a: Ka nunna thawpikna avang khan ka dam chhung kum zawng zawngah chuan zawi tein ka kal dem dem tawh ang.
16. Aw Lalpa, hetiang thil avang hian mihringte hi an nung thin a, chungah chauh chuan ka thlarau nunna chu a awm thin: Chumi avang chuan mi tidam lehin mi tinung leh ang che.
17. Ngai teh, ka thlamuanna turin a ni, thawpikna nasa tak ka neih kha ni: Nimahsela nang chuan, ka nunna i hmangaih avangin, chhiatna khuarkhurum ata chu i chhanhim ta; Ka sual zawng zawng kha i hnung lamah chuan i paih vek si a.
18. Thlan hian a fak thei si lo che a, thihna hian a chawimawi thei hek lo che: Kuarkhuruma chhukte chuan i thu tak chu an beisei t hei lo a ni.
19. Mi nungin, mi nungin, anni ngei chuan, vawiina ka tih ang hian an fak ang che: Pa chuan fate hnenah i thutak chu a hriattir ang.
20. LALPA chu mi chhandam turin a peih reng a ni. Chuvangin ka dam chhung zawng zawngin, LALPA inah chuan, a hlate hi tintangte nen ka sa ang.
21. Isaia chuan, "Theipui rah hlawm khat la se la, damdawi abela bel mi atan a khawihliah bel rawh se, tichuan a dam ang," a lo ti tawh a ni.Hezekia pawh chuan, "LALPA inah ka chho leh ang tih hriatna eng chhinchhiahna nge lo awm ang?" a lo ti tawh a ni.
22. Hezekia pawh chuan, "LALPA inah ka chho leh ang tih hriatna eng chhinchhiahna nge lo awm ang?" a lo ti tawh a ni.
←  Isaiah (38/66)  →