←  Isaiah (37/66)  →
1. Tin, heti hi a ni a, lal Hezekia chuan chu chu a hriat veleh a silhfente chu a pawt thler a, saiip puan a inbel a, LALPA inah chuan a lut ta a,
2. Tin, a chhungte chunga hotua awm Eliakima leh, lehkha ziaktu Sebnaa leh, puithiamho upate chu saiip puan inbelin Amozaa fapa zawlnei Isaia hnenah a tir a.
3. Tin, anni chuan a hnenah, "Hezekian heti hian a ti, 'Vawiin ni hi manganna leh hmusitna ni a ni: naute chu an pian a hun tawh si a, anmahni hring turin chakna a awm tawh si lo.
4. Rabsakeha, a pu Assirua lalin Pathian nung sawichhe tura a tirha thu sawite chu, LALPA i Pathian chuan a bengin a la hria a ni thei e, tichuan a thu sawi, LALPA i Pathianin a benga a hriatahte chuan, a la zilhhau ang: chu mi avang chuan a la awm chhunte tan chuan i tawngtaina chu hlan chho rawh,' a ti e," an ti a.
5. chutichuan lal Jezekia chhiahhlawhte chu Isaia hnenah an lo kal a.
6. Tin, Isaian an hnenah, "In pu hnenah heti hian in sawi tur a ni, 'LALPA chuan heti hian a ti, I thu hriat, Assuria lal chhiahhlawhten mi sawichhiatnate kha, hlau suh.
7. Ngai teh, a kawchhungah chuan thlarau engema ka awmtir ang a, tichuan thuthang a hria ang a, ama ramah a haw leh ang; tichuan ama ram ngeiah chuan khandaiha tihtlukin ka awmtir ang, a ti e,' tiin," a ti a.
8. Chutichuan Rabsakeha chu a kir leh a, Assuria lal chuan Libnah khua a bei lai chu a va hmu a; Lakis khua ata chu a kal chhuak tawh tih a hre tawh reng si a.
9. Tin, Assuria lal Senakeriba chuan Tirhaka, Ethiopia ram lal chungchang thu, "Nangmah bei turin a chhuak ta," tiin mi sawi a hria. Tichuan chu chu a hriat veleh Jezekia hnenah palaite a tir a,
10. "Heti hian Juda-ho lal Jezekia hnenah in sawi tur a ni, 'I rin Pathian chuan, Jerusalem khua Assuria lal kutah pek a ni lo ang, tiin bum che suh se.
11. Ngai teh, Asuria lalten ram zawng zawng tichhe vekin an chunga an thiltihte kha i bengin i hria e: tichuan nang tehlul hi chhanhimin i awm dawn bik em ni?
12. hnam tin pathiante chuan, Gozan-ho te, Haran-ho te, Razep-ho te, Eden fa Telasar khuaa awm te, min thlahtuten an tihboralte kha, an chhanhim em ni?
13. Hamath lal te, Arpad lal te, Sepharvaim khawpui lal te, Hena lal te, Ivah lal te kha khawiah nge an awm tak?' tiin," a ti a.
14. Tin, Hezekia chuan palaite kut ata lehkha chu a hmu a, a han chhiar a: tichuan Jezekia chu LALPA inah chuan a han lut a, LALPA hmaah chuan a phah ta a.
15. Tin, Jezekia chuan LALPA hnenah a tawngtai a,
16. "Aw sipaihote LALPA, Israel-ho Pathian, chrub chunga thua, nang hi, nang chauh hi, leilung luah ram zawng zawng Pathian chu i ni; nang chuan lei leh van hi i siam a ni.
17. Aw LALPA, i beng rawn dawh la, ngaithla teh; aw LALPA, i mit meng la, en teh: Pathian nung sawichhe tura mite tirtu Senakeriba thu zawng zawng hi ngaithla teh.
18. LALPA, Assuria lalten ram zawng zawng leh an lei chu an tichhe ngei tak a,
19. an pathiante chu meiah an paih bawk a: chungte chu pathian an ni lo reng a ni, mihing kuta siam, thing leh lung an ni zawk; chuvangin an tiboral a ni.
20. Chuvangin aw LALPA kan Pathian, nang hi, nang chauh hi, LALPA i ni tih leilung luah ram zawng zawng hian an hriat theihna'n a lakah min chhandam ang che," tiin.
21. Chumi lai chuan Amozaa fapa Isaia chuan Jezekia hnenah mi a tir a, heti hian a ti a, "LALPA Israel-ho Pathian chuan heti hian a ti a ni, 'Assuria lal Senakeriba chhiatna tur lama ka hnenah i tawngtai avangin,
22. hei hi a chungchang thu LALPA'n a sawi chu a ni: Zion fanu nula chuan a hmusit chia, a nuihsan che, Jerusalem fanu chuan a lu a thin khum che.
23. Tunge i tihhmingchhiata i sawichhiat ni? Tu chungah nge i aw i tihpawra i mit i tihsan? Israel ho Mi Thianghlim chung ngeiah.
24. I chhiahhlawhte hmangin LALPA chu i tihmingchhia a, Ka tawlailir tam ak nen tlang hmun zo, Lebanon ram rilahte hian ka lo thelng chho ta a; a sidar thing sang takte leh a far thing tha mite hi ka kit ang a: a hmun zo hla ber, a lei tha hmun ram ngawh chuan ka lut ang.
25. Tuichhunchhuah ka lai a, tui ka in thin a, ka kephah hnuai hian Aigupta lui zawng zawng chu ka tikang vek ang, i ti a.
26. keima'n hman lai ata chung chu ka tih a ni a, hmasang ata chung chu ka siam a ni tih i hre lo em ni? Kulhpui nei khuate tichim turin ka ti che a ni.
27. Chuvangin a chhunga awmte chu an chak mang lo a, an hlau a, an lo mualpho tak kha; phul hlobet ang leh, hnim hring ang leh, in chunga hlobet ang leh, lo buh that hma ang lek an nih kha.
28. Kei erawh chuan i thut te, i chhuah te, i luh te, ka chunga i thinurziate hi ka hria a sin.
29. ka chunga i thinur avang leh, i tawng chaltlaizia chu ka bengah a lo luh chhoh tak avang hian ka hnar vuah chu i hnarha ka vuah ang a, ka thirbarh chu i hmuiah ka vuah bawk ang a, i lo kalna kawng ngeiah khan ka kirtir leh ang che, tih hi,' tiin.
30. Tin, hei hi i tan chhinchhiahna tur chu a ni ang: kuminah hian buh hli in ring ang a; nakkumah pawh chu mi hlibawk chu in ring ang; tin, a kum thumnaah chuan buh tuh u la, at u la, grep huante siam u la, a rah ei rawh u.
31. Tin, Juda chhungte zinga la dam chhunte chu a chhukzawnga zung kaia, a chho zawnga rahin a awm leh ang.
32. Jerusalem atangin a la awm chhunte chu an chhuak ang a, Zion tlang atangin a la dam turte chu an chhuak bawk ang: sipaihote LALPA thahnemngaihna chuan chung chu a ti ang.
33. chuvangin LALPA chuan Assuria lal chungchang thu-ah heti hian a ti, 'Ani chuan he khawpui hi a lo thleng lo ang a, hetah hian thal a kap hek lo ang, phaw nen a kiangah a lo kal hek lo ang a, a beina turin lei kulh a siam hek lo ang.
34. A lo kalna kawngah, chumiah ngei chuan a kir leh ang a, he khawpui hi a lo thleng lo ang, LALPA'n a ti.
35. Keimah avang leh ka chhiahhlawh Davida avangin he khawpui hi chhanhim turin ka hum dawn a ni,' tiin," a ti a.
36. Tichuan LALPA vantirhkoh chu a va chhuak a, Assuria-ho riah hmunah chuan mi nuaikhat leh singriat leh sangnga a tihlum a: tin, zing taka mi an han thawh chuan, ngai teh, mitthi ruang hlir a lo ni a.
37. Chutichuan Assuria lal Senakeriba chu a chhuak a, a kal a, a kir leh ta zel a, Ninevi khuaah chuan a awm ta reng a.Tin, heti hi a ni a, a pathian Nisroka inah chuan pathian a biak laiin a fapa Adrammeleka leh Sarezera-te chuan khandaihin an sat hlum a: tichuan an tlan bo a, Ararat ramah chuan an lut ta a. Tin, a fapa Esar-haddona chuan a aiawhin ro a rel ta a.
38. Tin, heti hi a ni a, a pathian Nisroka inah chuan pathian a biak laiin a fapa Adrammeleka leh Sarezera-te chuan khandaihin an sat hlum a: tichuan an tlan bo a, Ararat ramah chuan an lut ta a. Tin, a fapa Esar-haddona chuan a aiawhin ro a rel ta a.
←  Isaiah (37/66)  →