| ← Isaiah (35/66) → |
| 1. | Thlaler leh ram pilril chu a lawm ang a; ram ro chu a hlimin phul pangpar angin a par ang. |
| 2. | A par vul chuk ang a, lawm tak leh hla sain a hlim ang; Lebanon ropuina chu a hnenah pek a ni ang, Karmel leh Saron mawina nen: LALPA ropuina an hmu ang, kan Pathian mawina nen. |
| 3. | Kut chak lote chu tichak u la, khup zawite chu tinghet rawh u. |
| 4. | Thinlung dawihte hnenah chuan, "chak takin awm u la, hlau suh u: ngai teh u, in Pathian chu phuba lakna nen a lo kal ang, Pathian thungrulhna nen chuan; a lo kal ang a, a chhandam ang che u," ti rawh u. |
| 5. | Chumi hnuah chuan mitdelte mit chu tihmenin a awm ang a, bengngawngte beng chu tihvarin a awm ang. |
| 6. | Chumi hunah chuan ke baite chu sakhi angin an zuang ang a, tawngtheilote lei chu hlim takin a zai ang: thlalerah chuan tuite a lo chik chhuak luah luah dawn si a, ram rovah chuan luite tui a lo chik chhuak luah luah bawk ang. |
| 7. | Tichuan tiau dip sa tak hmun chu dilah a chang ang a, lei tuihal tak chu tuihnaahte a chang ang: sihalte chenna an mutnaah chuan, hlobet, phairuang leh phungladin nen a awm ang. |
| 8. | Tin, chutah chuan lamlian a awm ang, kawng nen, chu chu "Thianghlimna Kawng" an ti ang a; mi bawlhhlawh chu chutah chuan an kal lo ang; amaherwahchu chu mite an a ni zawk ang: mi zin veivakte, a ni, mi ate pawh, chutah chuan an bo lo ang. |
| 9. | Sakeibaknei reng reng chutah chuan a awm lo ang a, sa koham reng reng chutah chuan a chho hek lo ang, chutah chuan hmuh tur pawh a awm lo ang; tlante erawh chu chutah chuan an kal zawk ang:tin, LALPA tlante chu an kir leh ang a, hla sa chungin Zion chu an thleng ang a; chatuana lawmna an lu chungah a awm tawh ang: hlimna leh lawmna an hmu ang a, lungngaihna leh rumna chu a bo tawh ang. |
| 10. | tin, LALPA tlante chu an kir leh ang a, hla sa chungin Zion chu an thleng ang a; chatuana lawmna an lu chungah a awm tawh ang: hlimna leh lawmna an hmu ang a, lungngaihna leh rumna chu a bo tawh ang. |
| ← Isaiah (35/66) → |