←  Isaiah (26/66)  →
1. Chumi niah chuan Juda-ho ramah he hla hi an sa ang: "Khawpui nghet tak ken nei a; ani chuan chhandamna chu kulh bangte leh kulhpuite tan a ruat ang.
2. Hnam fel thutak zawmtu chu a luh theihna turin kulh kawngkharte chu hawng rawh u.
3. I chunga rilru nghattu chu, nangmah a rin che avangin, thlamuang tak maia awm turin i veng ang.
4. LALPA chu kumkhuain ring rawh u: LALPA JEHOVA-ah chuan kumkhaw lungpui a awm si a.
5. Ani chuan sang taka awmte chu a titlawm ta si a, khawpui sang ak chu chu chu dah hniam a, lei thleng rawkin a dah hniam a vaivut thleng zawkin a titlu a.
6. Ke chuan a rap bet ang; retheite ke leh pachhiate pen ngei chuan.
7. Mi fel kawng chu dikna a ni a: nang thinlung dik tak pu chuan mi fel kawng chu i tirual thin.
8. A ni aw LALPA, i rorelna kawngah chuan kan nghak reng chia; kan nunna duhzawng chu i hming lam leh nangmah hriat rengna lam hi a ni.
9. Ka nunnain zanah ka duh chia; a ni, ka kawchhunga ka thlarau awm hian zing takah ka zawng ang che; i rorelnate chu leia a lo awm apiangin khawvela awmte chuan felna chu an zir thin si a.
10. Mi suaksual chu duhsakin awm mah se la, felna a zir chuang hlei lawng e: dikna ramah chuan dik lo takin a ti ang a, LALPA ropuina a hmu chuang lo ang.
11. "LALPA, i ban i phar a, an hmu si lo; mite tan i thahnemngaihna chu hmu se, an zak ang; a ni, nangmah dotute chu meiin a kang rla ang.
12. LALPA, nangin remna min ruatsak ang: nangin kan hna zawng zawng pawh min thawhsak si a.
13. Aw LALPA kan Pathian, nangmah chang ni loin lal dangte pawhin kan chungah thu an nei tawh thin a, nimahsela nangma tanpui ngeiin i hming hi kan lam tawh ang.
14. Anni chu an thi ta a, an nung tawh lo ang; an ral thi ta a, an nung tawh lo vang; an ral ta a, an tho tah lo ang; chuvangin nangin anni chu i hremin i tichhia a, an hriat rengna zawng zawng pawh i tiboral ta.
15. He hnam hi i tipung ta a, aw LALPA, he hnam hi i tupung ta; nang chu chawimawiin i awm ta: he ram hi a ramri zawng zawng i tizau ta.
16. "LALPA, an mangan laiin an zawng ruai thin chia, i hremna chu an chunga a tlak laiin an tawngtai mawlh mawlh a.
17. Hmeichhe nau pai, hrin hun hnai tawh chu, a na thin a, nau vei naa a chiau vawng vawng thin ang hian; aw LALPA, keini pawh i hmaah kan awm thin kha.
18. Nau kan pai a, kan na a, thli ang lek kan hrin kha: leiah hian chhan chhuahna lam reng kan tikaw lo a; khawvela awmho lah an tlu hek lo.
19. I mitthite chu an nung leh ang a; ka mi ruangte chu an tho leh ang. Vaivuta awmte u, harh u la, hlim takin zai rawh u:I daifim chu thlaite daifim ang a ni a, lei hian mitthite chu a paih chhuak dawn si a," tih hi.
20. Hawh u, ka mite u, in pindan chhungahte lut u la, in kawngte chu inkhar khum rawh u: lungnih lohna hi a kian hma loh chu mitkhapkar lek biru rawh u.Ngai teh u, LALPA chu, an sualna avanga leia awmte hrem turin a awmna ata a lo chhuak dawn a ni: lei pawh hian a thisente chu a tilang ang a, mi an thahte chu a khuh tawh lo ang.
21. Ngai teh u, LALPA chu, an sualna avanga leia awmte hrem turin a awmna ata a lo chhuak dawn a ni: lei pawh hian a thisente chu a tilang ang a, mi an thahte chu a khuh tawh lo ang.
←  Isaiah (26/66)  →