| ← Isaiah (25/66) → |
| 1. | Aw LALPA, nang chu ka Pathian i ni a; ka chawimawi ang chia, i hming ka fak ang; thil mak tak, hmasanga remruatte chu, rinawm tak thutakin i ti si a. |
| 2. | Khawpui pawh lei pawngah i chantir a; khua kulhpui nei pawh khaw chhiaah i chantir a; ramdang mite lal in pawh khua loah i chantir si a. Engtikah mah sakin a awm leh tawh lo ang. |
| 3. | Chuvangin mi chak takte chuan an chawimawi ang chia, hnam hlauhawm takte khawpui huan an hlau vang che. |
| 4. | Mi hlauhawmte thaw chu thlipuiin bang a nam sawk sawk anga a lo awm laite hian, nang chu mi rethei tan kulhbing, pachhe mangan lai atan kulhbing, thlipui laka inhumhimna, ni sa hliahna i ni si thin a. |
| 5. | Hmun rova khaw lum chu i tireh thin ang hian, ram dang mite thawm chu i tireh ang; khaw lum chu chhum hliaha tihrha a awm thin ang hian, mi hlauhawmho hla sa chu tihrehin a awm ang. |
| 6. | Tin, he tlangah hian sipaihote LALPA chuan mi tinreng tan thil thautein ruai a theh ang, uainte a fe nena inchiah reng, thil thau takte thlinga khat, uainte a fe nena inchiah reng tha taka thlir fai chu. |
| 7. | Tin, mi tinreng an vawm khuhna pawn lam leh, hnam tinreng an khuhna chu he tlangah hian a tichhia ang. |
| 8. | Thihna chu a lem hlen ta; Lalpa PATHIAN chuan mi zawng zawng hmai ata chu mittuite a hru fai ang a; a mite hmingchhiatna chu leilung luah zawng zawng ata a la bo ang: LALPA'n chu chu a sawi tawh si a. |
| 9. | Tin, chu mi niah chuan, "Ngai teh u, hei hi kan Pathian a nih hi; ani hi kan nghak reng a, tichuan min chhandam ang: hei hi LALPA chu a nih hi; ani hi kan nghak reng a, a chhandamnaah chuan kan lawmin kan hlim ang," an ti ang. |
| 10. | He tlangah hian LALPA kut chu a innghat ang a, Moab chu, buhpawl hi ekdur thlia rah beha a awm thin ang hian, ama hmunah rah behin a awm dawn si a. |
| 11. | Tichuan tuihleuhtun tui hleuh tura a vai ang hian, chu mi zingah chuan a kutte a vai ang: tin, a chapona chu akut vervekna chawpin LALPA'n a dah hniam ang.Tin, i kulh bangte in sang kulhpui chu a tichimin, a dah hniamin, leiah, vaivut thleng khawp rawkin a titlu ta. |
| 12. | Tin, i kulh bangte in sang kulhpui chu a tichimin, a dah hniamin, leiah, vaivut thleng khawp rawkin a titlu ta. |
| ← Isaiah (25/66) → |