←  Isaiah (21/66)  →
1. Tuipui thlaler phur rit chu. Chhim rama thawngaleivir a kal tlang angin thlaler atangin, ram hlauhawm tak atang chuan, a lo kal e.
2. inlarna khirhkhan tak ka hnenah hriattir a ni tawh; vervek taka titu chuan vervek takin a ti a, rawktu chuan a rawk a. Aw Elam-ho, kal chho rawh u; aw Media-ho hual rawh u; an rumna zawng zawng chu ka tireh vek tawh e.
3. Chuvangin ka kawngte hi natna nasa takin a khat a, hmeichhe nau vei natna anga natnain mi man ta: benga hre thei anga natnain mi man ta: benga hre thei lo khawpin na ka tuar a, khaw hmu thei lo khawpin ka mangang a.
4. ka thinlung hi a thaw hlawp hlawp a, thil rapthlak takin mi tihlau va: tlai nem ka nghahhlelh thin kha ka tan khurhnaah a chang ta.
5. Dawhkan chu an buatsaih a, ralvengtu chu an ventir a, an ei a, an in a: mi lainate u, tho u la, phaw kha hriak hnawih rawh u.
6. Lalpa chuan ka hnenah heti hian a sawi a ni, "kal la, ralvengtu ventir rawh; ani chuan a thil hmuh chu sawi rawh se:
7. tin, sipai pawl te, sakawr chung chuan, a kawp zela kal te, sabengtung pawl te, sanghawngsei pawlte a hmuh hunah chuan ngun takin a ngaithla kiau vang," tiin.
8. Tin, ani chu sakeibaknei angina au a; "Aw LALPA, chhunah chuan ralven buk chungah hian ka ding fo a, zankhua khuain ka vennaah hian mi awmtir fo a:
9. ngai teh, hetah hian mihring paw, sakawr chung chuang, a kawp zela kal an lo kal e," tiin. Tin, amah vek chuan, "Babulon khua chu a tlawm ta, a tlawm ta; an pathianho milem siam chawpte zawng zawng chu leiah tihkeh sawmin a awm ta," tiin, a chhang a.
10. Aw ka buh vuaksa, ka hruiha buh: sipaihote LALPA, Israel-ho Pathian laka ka hriat chu ka hrih che u a nih hi.
11. Dumah phur tir chu. Miin Seir tlang atangin mi au a, "Ramvengtu, zan hi engti nge ni tawh? Ralvengtu zan hi engti nge ni tawh?" tiin.
12. Ralvengtu chuan, "Zing a lo ni dawn ta e, zan pawh; in zawh duh chuan zawt rawh u: hawi leh u la, lo kal rawh u," a ti a.
13. Arabia ram chunga phur rit chu. Aw Dedan-ho khualzin pawl tinte u, Arabia rama ramhnuaiah in riak ang.
14. Tuihal hnenah chuan tui an rawn la a, tema rama awmte chuan an chawin tlan bote chu an hmuak a.
15. Khandaihte lakah, khandaih phawi sa lakah leh, thal ngun khawih sa lakah leh indona nasa tak lak ata tlan bo an ni si a.
16. LALPA chuan heti hian ka hnenah a sawi si a, "Inhlawhfa kum chhiar kum khat chhungin Kedar-ho ropuina zawng zawng chu a bo zo ang a,thal kap mi, Kedara thlahte zinga mi chak tak la awm chhun chu, tlem te an ni ang: LALPA, Israel-ho Pathian chuan, chu chu a sawi tawh si a," tiin.
17. thal kap mi, Kedara thlahte zinga mi chak tak la awm chhun chu, tlem te an ni ang: LALPA, Israel-ho Pathian chuan, chu chu a sawi tawh si a," tiin.
←  Isaiah (21/66)  →