←  Isaiah (17/66)  →
1. Damaska khaw phur tir chu. Ngai teh, Damaska chu khawpui ni tawh lo turin lak bo a ni ta, tichuan in chim khawm mai a ni tawh ang.
2. Aroer khuate chu tlansanin a awm ta; beram rualte awmna tur a ni mai ang, chung chu an bawk ang aa, tuma'n an tihlau lo ang.
3. Ephraim lakah kulhpui chu a bo ang a, Damaska lakah ram chu a bo ang, Suria rama la awm chhunte pawh an bo ang, Israela thlahte ropuina ang lekin an awm ang, sipaihote LALPA'n a ti a.
4. Nimahsela, oliv thing vuak hnua ziding sang ber chhipah rah pahnih thum emaw, thing rah tak zar sei berah te pali panga ema a awm thin ang hian chutah chuan hmaih chhar tur a la awm ang, LALPA, Israel-ho Mi Thianghlim chu a thlir tawh ang.
5. Tichuan buh sengtupan buh a laka, a vuite chu kuta a help ang mai hi a ang a; a ni, Rephaim ruamah miin buh vui hmaihte chu an char ang mai hi a ni ang.
6. Nimahsela, oliv thing vuak hnua a ziding sang ber chhipah rah pahnih pathum emaw, thing rah tak zar sei berah te pali panga emaw a awm thin ang hian chutah chuan hmaih chhar tur a la awm ang, LALPA, Israel-ho Pathian chuan a ti a.
7. Chu mi niah chuan miin an siamtu lam an en tawh ang a, an mitte chu Israel-ho Mi Thianghlim chuan a thlir tawh ang.
8. maicham, anmahni kut chhuak lamte chu, an en tawh lo ang a, anmahni kuta siam, Aserte emaw, ni lemte emaw an zah tawh hek lo ang.
9. Chu mi niah chuan an khaw nghet takte chu ngawbing leh tlang chipa hmun tlansan hnu, Israela thlahte hmaa an tlansan hnu ang kha, a ni ang: tichuan hmun tihtiau ani tah ang.
10. Pathian i chhandamtu i theihnghilh a, i chakna lungpui chu i hre reng si lo; chuvangin kung mawi tak takte i phun thin a, a chhungah chuan tang danglamte i vut bur fur thin a:
11. i phun niin i ping vel thin a, zingah chuan i thil chi chu i tipar thin: nimahsela rah lawh chu lungngaihna leh natna nasa tak niah chuan a bo thin.
12. A, mipui tam tak ri dur dur, tuifinriatte ri dur dur anga ri dur durte leh, hna tin, ri hum hum, tui nasa takte ri hum hu anga ri hum humte chu aw!
13. hnam tin chu tui tam tak ri hum hum angin an ri hum hum ang: nimahwsela ani chuan a zilhhau vang a, tichuan hla takah an tlan bo ang a, tlanga buhsi thli len ang leh vaivut thlipui len vir mup mup anga umin an awm ang.Tlai lamah chuan, ngai teh, thil rapthlek tak a awm a; tin, khawvar hmain an awm ta lo. Chu chu rallaka min laksaktute chan ani a, mi ruksaktute pual a ni bawk a.
14. Tlai lamah chuan, ngai teh, thil rapthlek tak a awm a; tin, khawvar hmain an awm ta lo. Chu chu rallaka min laksaktute chan ani a, mi ruksaktute pual a ni bawk a.
←  Isaiah (17/66)  →