←  Hosea (5/14)  →
1. Aw nangni puithiamte u, hei hi hria u la, Nangni Israel chhungte u, ngaithla u la, Aw lalber chhungte u, beng chhi rawh u, Rorelna chu in tan a ni si a; Mizpah-a thang leh Tabor tlanga len zar in nih avangin.
2. Mi hel te chuan tihhlum an uar em em a, Kei erawh chu an vaia zilhhautu ka ni.
3. Ephraim ka hria a, Israel chu ka lakah thup a ni lo: Tunah hian aw Ephraim, nawhchizawrh i chin avangin. Israel chu tihbawrhban a ni.
4. An pathian lama hawikir turin An thliltih thinte chu an bansan lo a, Nawhchizawrh rilru an zingah a awm si a, LALPA chu an hre lo a ni.
5. Israel chhuantawlawl chuan a hmai chhanah a hriattir a, Chutichuan Israel leh Ephraim chu an khawlohnaah an tlu ang a, Juda pawh an hnenah a tlu ve ang.
6. An beram rualte leh an sebawng rualte nen. LALPA zawng turin an kal ang a, Nimahsela ani chu an hmu lo ang, An lak atangin a inla fihlim tawh a ni.
7. LALPA chungah vervek takin an ti a ni; Hnam dang fate an hring si a: Thlathar chuan an lote nen lama boralna a thlen ang.
8. Gibea khuah tawtawrawt tum u la, Rama khuaah tawtawrawt ham rawh u; Beth-even-ah au tuar tuar rawh u, Aw Benjamin, i hnung lam kha, tiin.
9. Ephraim chu hremna niah chuan tihtiau a ni ang: Thil lo ni ngei tur chu Israel chite zingah ka hraittir tawh a ni.
10. Juda milian te chu ramri sawntute ang an ni a: An chungah ka thinurna chu tui angin ka leihbua ang.
11. Ephraim chuan rah beh a ching a, Dikna a palzut a, engmah lo a um ruai a.
12. Chuvang in Ephraim tan chuan sulrul ang ka ni a, Juda chhungkaw tan chuan mawihna ang ka ni.
13. Ephraim chuan a natna a hmu a, Juda chuan a hliam a hmu a. Tah chuan Ephraim chu Assuria hnenah a kal a, Lalber Jareba hnenah chuan mi a tir a: Nimahsela ani chuan a tidam thei lo che u a, In hliam chu a tihdamsak thei hek lo che u.
14. Ephraim tan chuan sakeibaknei ang, Juda tan chuan sakeibaknei vanglai ang ka ni dawn si a; Keimah, keimah ngeiin ka hai thler ang a, Ka kal ang a, ka kal bopui ang a, Chhan chhuaktu tumah an awm lo ang.An thiam lohna an inhriat a, ka hmel an zawn hma chu. Ka kal ang a, ka hmunah ka kir ang: An tuarnaah chuan mi zawng hma dawn a ni.
15. An thiam lohna an inhriat a, ka hmel an zawn hma chu. Ka kal ang a, ka hmunah ka kir ang: An tuarnaah chuan mi zawng hma dawn a ni.
←  Hosea (5/14)  →