←  Hosea (13/14)  →
1. Ephraiman thu a sawi chuan khurhna khawp a tling hial thin, Israel mite zingah ngaih ropui a ni miau a, Baal hnena a tluk chinah erawh chuan a thi ta a ni.
2. Tunah te hian an sual ta deuh deuh a, An tangkaruain milim chhun an insiam chawp a, anmahni ngaihdan angzia zela milim chu: chung zawng zawng chu themthiamte kut chhuak a ni chungin, Inthawina hlantu apiangte chuan Bawng note chu fawp rawh se, an ti thin .
3. Chuvangin zing tiauchhum ang leh Dai hma taka bo leh mai thin ang te, Meikhu chhhuahna meikhu ang te an ni ang.
4. Kei erawh hi chu Aigupta ram tang tawha LALPA i pathian chu ka ni a; Kei tih loh chu pathian dang i hre ngai lo a, kei lo hi chu chhandamtu dang an awm lo.
5. Ram ro nasa tak thlalera kawm thintu che kha ka ni a.
6. An eitur dawnah chuan an tlai a, An tlai chu an thinlungin a chapo phah a, Tichuan min theihnghilh ta a ni.
7. Chuvangin an tan sakeibaknei ang ka ni a, Keite ang in kawng lakah anmahni ka chang ang .
8. Savawm no chan angin anmahni ka bei ang a, An lung tuamtute ka hai thler vek ang a, chumi hmunah chuan sakeibaknei angin Anmahni ka ei zo ang; Ram sate chuan an phih darh zo dawn a nih chu.
9. Aw Israel, nangmah puitu mi do hi i chhiatna a ni e.
10. I khawpui zawng zawnga chhanhim thei tu tr che I lal chu tunah khawiah nge a awm le? Lal leh hotute mi pe rawh, i tihate I rorel turte chu khawiah nge?
11. Ka thinrimin lal ka pe che a, Ka thinur in ka la bo leh ta a ni.
12. Ephraim khawlohna chu khawl khawm a ni a, A sualna chu chhek khawm a ni.
13. Hmeichhe nauvei lungngaihna ang chu a chungah a lo thleng ang: Amah chu fapa fing lo tak a ni e, A hun takah nau lo chhuahna hmunah a awm si lo.
14. Seol kut ata anni chu ka tlan ang em ni? Thihna ata ka chhan chhuak dawn em ni? Aw thihna, i hripuite chu khawiah nge? Aw seol, i tihchhiatna chu khawiah nge? Ka khawngaih dawn hauh lo, Sim mahse ka bengkhawn lo ang.
15. Aw unaute zinga a hmuingil ber ni mah se, Khawchhak thli a lo thawk a, Tlaler atanga LALPA thaw ngei chu a lo kal mek a ni; A tuihna te chu a kang ang a, A tuikhur te chu a ro zo ang; bungbel tha zawng zawng,a ro chu a tichhe vek ang.Samaria a tiau vang, A pathian chungah a hel si a; Khandaiha tihtlukin an awm ang a, An nausente chu paih sawm an ni ang a, An hmeichhia, naupai laite chu tai thler an ni ang.
16. Samaria a tiau vang, A pathian chungah a hel si a; Khandaiha tihtlukin an awm ang a, An nausente chu paih sawm an ni ang a, An hmeichhia, naupai laite chu tai thler an ni ang.
←  Hosea (13/14)  →