← Hosea (12/14) → |
1. | Ephraim chuan thli rinrawlah a neih a. Khawchhak thli chu a zui thin a: Dawt thu leh tiavaina thu a tipung tial tial a, Assuria nen thu an thlung a, Aigupta lamah hriak a phur lut a ni. |
2. | LALPA chuan Juda chungah pawh lungawilohna tur a nei bawk, Jakoba chu a awmdan ang zia zelin a hrem ang a; A thiltih ang zia zelin a thungrul ang. |
3. | Chhulah pawh khan a unaupa chu keartuiah a rawn man a; A lo puitlinin Pathian a bei a; |
4. | A ni, vantirhkoh a bei a, a hneh ta a: A tap a duhsakna a ngen a: Bethel hmunah chuan amah a hmu ta a, Tah chuan ka hnenah thu a sawi a; |
5. | LALPA ngei, sipai ho te Pathian chu, LALPA tih chu a chhinchhiahna a ni. |
6. | Chutichuan, nang chuan i pathian hnen lam hawi la; Khawngaihna leh rorelna hmang la, I pathian ah chuan in nghat fo rawh. |
7. | Kanaanho angin Israel chuan bukna diklo a lek a. Bum mawlh a chak thin a ni. |
8. | Ephraim chuan, Ka hausa takzet ta mai, Ka intimuk tak meuh ta a ni: ka hnathawh zawng zawngahte lah chuan. Keimahah khawlohna thilsual an hmuhtur a awm miah lo, a ti a. |
9. | Mahse kei hi Aigupta ram atang tawh khan LALPA i pathian chu ka ni a; kut hunlai ang khan puan inah ka la chentir leh ang che. |
10. | zawlneite hnenah pawh thu ka sawi thin a, inlarnate ka tipung a; zawlneite hmangin ka vau lawk a. |
11. | Gilead chu khawlohna a ni lo em ni? Engmah lo mai an ni a lawm; Gilgalah chuan sebawngpa an hlan thin a; A ni, an maichamte chu leileh rinkhawh thlura Lung theh khawm ang mai an ni. |
12. | Jakoba chu Aram ramah a tlanbo a, Israela chuan nupui man a tuak ta a, Nupui man atan chuan beram a veng a ni. |
13. | zawlneite hmangin Israela chu Aigupta ram atangin LALPA'n hruai chhuak a, zawlnei vek hmang chuan a humhim bawk a.Ephraima lah chuan a tithinrim nasa em em mai a, Chuvangin a thisen chhuah chu ama chungah a tla a; A sawichhiatna chu ama chungah LALPA'n a tlaktir ang. |
14. | Ephraima lah chuan a tithinrim nasa em em mai a, Chuvangin a thisen chhuah chu ama chungah a tla a; A sawichhiatna chu ama chungah LALPA'n a tlaktir ang. |
← Hosea (12/14) → |