← Hebrews (13/13) |
1. | Unau inhmangaihna hi awm zel rawh se. |
2. | Mikhualte chungah hmangaih chhuah theihnghilh suh u; chutiang tiin thenkhatten hre loin vantirhkohte an lo thleng si a. |
3. | Phuara awmte chu phuar ni ve angin hre reng u la; hrehawm tuarte chu taksaa awm ve bawk in nih avangin hre reng rawh u. |
4. | Mi zawng zawng zingah inneih hi chawimawiin awm se la, khum pawh tihbawlhhlawh loin awm rawh se; inngaite leh uirete chu Pathian in a ngaihtuah dawn si a. |
5. | In rilru putzia chu tangka ngainatna tel lo ni rawh se; in thil neih chhun chungahte chuan lungawi rawh u; amah ngeiin, "Engtikah mah ka thlahthlam tawp lo ang chia, kal pawh ka kalsan tawp lo ang che," a ti si a. |
6. | Chutichuan, huai takin, "Lalpa chu mi tanpuitu a ni, Ka hlau lo ang; Mihringin eng nge mi tih theih ang?" kan ti thin a ni. |
7. | In hotu, Pathian thu lo hrilhtute che u chu hre reng u la, an awm dana thil chhuak chu ngaihtuahin an rin dan zir rawh u. |
8. | Isua Krista chu niminah nen, vawiinah nen, kumkhua pawhin a pangngaiin a awm fo ang. |
9. | Zirtirna tinreng leh zirtirna mak tak len boin awm suh u; thinlung hi khawngaihnaa tihngheha a awm chu a tha si a, ei turtea tihngheha awm loin; chutiang kawng lungkhamte chuan chungah chuan sawtna an hmu chuang lo. |
10. | Keini zawngin maicham kan nei a, chu mi-ah chuan biak buk rawngbawltute chuan an ei tur a ni lo. |
11. | Ran, a thisen Puithiam Lalberin Hmun Thianghlima sual tana hlana a luhpui thina ruangte chu daipawnah an hal thin si a. |
12. | Chutichuan, Isua pawhin, ama thisen ngeia mite chu a tihthianghlim theihna turin kulh kawngkhar pawn lamah chuan a lo tuar ta a. |
13. | Chutichuan, amah an hmuhsitna chu phurin daipawnah a hnen lamah i kal chhuak ang u. |
14. | Hetah hian khaw hmun nghet kan nei si lo a, khaw lo la awm tur chu kan zawng zawk a ni. |
15. | Tichuan, ama zarah chuan faka inthawina hi Pathian hnenah i hlan fo vng u, chu chu a hming tanna hmuite rah chu a ni. |
16. | Nimahsela, thil tihthat leh thilphal hi theihnghilh suh u; chutianga inthawina chungah chuan Pathian a lungni em em si a. |
17. | In hotute thu awih u la, an thu thuin awm rawh u; chanchin sawi tur an nih avangin, lungngai chunga sawi lo a, hlim chunga an sawi theihna turin in thlarau an vensak thin che u a ni; lungngai chunga sawi chu in tana pawi tur a ni si a. |
18. | Min tawngtaisak rawh u; engkimah fel taka awm tumin, chhia leh tha hriatna thiang tak kan nei tih dik takin kan inhre si a. |
19. | Min tawngtaisak rawh u; engkimah fel taka awm tumin, chhia leh tha hriatna thiang tak kan nei tih dik takin kan inhre si a. |
20. | Tin, remna Pathian, beram Vengtu ropui tak,kan Lalpa Isua chatuana thuthlunna thisenzara mitthi zing ata hruai chhuak lehtu khan, |
21. | a mithmuha a lawmzawng ang apiang Isua Krista zarah keimahniah thawkin, a duhzawng ti turin thil tha tinreng kawngah tifamkim che u rawh se; Isua Krista hnenah chuan ropuina chatuanin awm rawh se. Amen. |
22. | Nimahsela, unaute u, ka ngen a che u, fuihna thu hi ngaithei hram hram rawh u: in hnenah thu tlem te ka ziak si a. |
23. | Kan unaupa Timothea kha an chhuahtir ta tih lo hre ve rawh u; a lo kal hma deuh chuan amah nen kan rawn hmu ang che u. |
24. | In hotute zawng zawng leh mi thianghlimte zawng zawng kha chibai mi buksak ang che u. Itali rama mite hian chibai an buk a che u.In zaa hnenah khawngaihna awm rawh se. Amen. |
25. | In zaa hnenah khawngaihna awm rawh se. Amen. |
← Hebrews (13/13) |