Habakkuk (1/3)  →
1. Zawlnei Habakukan phurrit a hmuh chu.
2. Aw LALPA, eng chen nge ka au vang a, Min ngaihthlak loh vang? Inpawngnekna thu I hnenah ka au chhuahpui a, Nangin i chhanhim si lo a.
3. Engatinge khawlohna te min entir a, thiltih dik lo tak te hi I en reng? Inrawkna leh Inpawngnekna te Ka hmaah an awm reng si a: Inhauhna leh innghirnghona te a lo chhuah a ni.
4. Chuvangin dan thu chuan kori a tu hlei thei lo a, Rorelna thu a chhuak ngai hek lo: Mi fel te chu mi suaksualte chuan an hual vel a, Chuvangin rorelna chu dik lo takin a chhuak thin a ni.
5. Hnamte chu en u la, thlir reng u la, nasa takin mak ti rawh u; In dam chhung hian thil kawngkhat ka tih hi, Chu thil tih chu min hrilh che u mah se la In awih tawp lo ang.
6. Ngai rawh u, Kaldai mi, hnam kawlhsen tak leh Thu dawn tawi tak, chenna hmun, an ta lo pawh neih tum a lei van paltlang thintute chu ka chawk tho a nia.
7. An hlauhawmin anrapthlak em em a ni, an rorelna leh an ropuina chu an mahni atanga chhuak bawk a ni.
8. An sakawrte pawh keite aiin an tuan tha zawk a, Tlailam chinghniate ai pawhin an hlauhawm zawk a ni; An sakawr chungchuang hote chu hla tak ata lo kal an ni; Mupui sapan ang maiin an ding vung vung a.
9. Pawngnek tumin an lo kal hlawm a, chak takin hma lam an hawi tlat a ni; tiau vaivut ang maia tam salte an man hlawm thin,
10. A ni, lalte pawh an cheksawlh a, Miliante chu an nuihzabur a; Kulh nghet zawng zawngte pawh an tham lo, Lei an chhung pawng a, an la mai thin si a.
11. Thli ang maiin an rawn nuai a, An kal tlang pur pur a, A maherawhchu, an chakna chu pathian an neih avangin Thiamloh an chang a ni.
12. Aw LALPA ka Pathian, ka mi Thianghlim, Chatuan mi i ni lo em ni? I thi ngai lo. Aw LALPA, nangin an ni chu rorelna'n i thlang ta a, Aw lungpui, nangin anni chu thununna'n i din chhuak a ni.
13. Nang, thilsual hmu thei lokhawpa mit thianghlima In hnehchhiahna en thei lo chuan Engatinge mi vervek taka titute chu i en theih a, mi suaksualten an aia mifel an ei zawh laia i ngawih renga,
14. Mihring hi tuifinriata sanghate leh rannung An chunga roreltu nei bik lote anga i siam ni?
15. Nghakuaiin a khai chhuak vek a, a lenin a man hlawm a, a lenkhang chuan a fun khawm a: Chuvangin a hlimin a lawm a ni.
16. Chutih avang chuan a len hnenah inthawina a hlan a, a lenkhang hnenah rimtui a hal a, Anmahni avanga a chanvo a lo lena eitur a neih tamtak avangin.Chuvangin alen chu tiruak leh thinin, Hnamte thah a hnial lo fo dawn em ni?
17. Chuvangin alen chu tiruak leh thinin, Hnamte thah a hnial lo fo dawn em ni?
      Habakkuk (1/3)  →