←  Genesis (32/50)  →

---

1.

Tin, Jakoba chu a kal ta zel a, tin, Pathian vantirhkohten an lo tawk a.

2.

Tin, Jakoba'n anni chu a hmuh chuan, "Heng hi Pathian pawlho an ni," a ti a: tichuan chu mi hmun hmingah chuan Mahanaim a vuah a.

3.

Tin, Jakoba chuan, Seir rama, Edom phul lamah, a u Esuava hnenah chuan a hmaah zualkote a kaltir a.

4.

An hnenah, "Ka lalpa Esauva hnenah chuan heti hian in sawi tur a ni, 'I chhiahhlawh Jakoba'n heti hian a ti a ni: Labana hnenah chuan ka mikhual a, tun thlengin ka awm ta reng a;

5.

bawngpa te, sabengtung leh beram te, bawihpa leh bawihnu te ka nei hlawm a; tichuan i mit ka tlun tehihna'n ka lalpa hrilh turin mi ka rawn tir a ni,' a ti," tiin anni chu thu a pe a.

6.

Tin, zualkote chu Jakoba hnenah an lo kir leh a, "I u Esauva hnen kan va thleng a, tin, mi zali rawn hruaiin hmuak tur chein a lo kal nghe nghe a sin," tiin an sawi a.

7.

Chutichuan Jakoba chuan a hlau em em a, a mangang ta a: tichuan a hnena mi awm te, beram rual te, bawng rual te, sanghawngsei te chu pawl hnihah a sem a;

8.

"Esauva chu pawl pakhat hnena a lo kala a thah chuan, pawl pakhat la awm chu an tlan bo tehi ang," a ti a.

9.

Tin, Jakoba vek chuan, "Aw, ka pu Abrahama Pathian, ka pa Isaaka Pathian, aw LALPA, 'I ram lamah leh i laichinte hnenah haw leh tawh rawh, tichuan ka titha ang che,' mi titu,

10.

i chhiahhlawh chunga khawngaihna zawng zawng i lantir leh thutak zawng zawng i lantir zingahte hian, a tenau ber pawh hmu tlak ka ni lo e; he Jordan lui hi ka tiang nen chauh ka kan a; tunah zawng pawl hnih zet ka lo nih tak hi.

11.

Khawngih takin ka u kut ata, Esauva kut ata ngei chu, mi chhanhim ang che: nunau chawpa mi rawn thah ka hlau si a.

12.

Nangin, 'Ka ti tha ngei ngei ang chia, i thlahte chu tuifinriata tiau vaivut chhiar sen loh khawp hiala a tam angin ka siam ang e,' i ti a," a ti a.

13.

Tin, chu mi zan chuan chutah chuan a riak ta a; tin, a neih zinga mi, kelpui zahnih leh kelpa sawmhnih, berampui zahnih leh berampa sawmhnih, sanghawngsei sawr lai sawmthum an note nen, bawngpui sawmli leh bawngpa sawm, sabengtungpui sawmhnih leh sabengtung no sawm, a u Esauva tan lawmmanah a la hrang a.

14.

Tin, chu mi zan chuan chutah chuan a riak ta a; tin, a neih zinga mi, kelpui zahnih leh kelpa sawmhnih, berampui zahnih leh berampa sawmhnih, sanghawngsei sawr lai sawmthum an note nen, bawngpui sawmli leh bawngpa sawm, sabengtungpui sawmhnih leh sabengtung no sawm, a u Esauva tan lawmmanah a la hrang a.

15.

Tin, chu mi zan chuan chutah chuan a riak ta a; tin, a neih zinga mi, kelpui zahnih leh kelpa sawmhnih, berampui zahnih leh berampa sawmhnih, sanghawngsei sawr lai sawmthum an note nen, bawngpui sawmli leh bawngpa sawm, sabengtungpui sawmhnih leh sabengtung no sawm, a u Esauva tan lawmmanah a la hrang a.

16.

Tin, chungte chu pawl tin ahrang theuhin, a chhiahhlawhte kutah a kawltir a; tin, a chhiahhlawhte hnenah chuan, "Ka hmaah kal kai u la, pawl tin hi kar neihtir zel rawh u," a ti a.

17.

Tin, a hma hruaitu hnenah chuan, "Ka u Esauva chuan a tawh chia, 'Tu mi nge i nih? Khawiah nge i kal dawn? i hmaa awmte hi tu ta nge? Tia a zawh hun che chuan,

18.

I chhiahhlawh Jakoba ta an ni; ka pu Esau, i tan lawmmanah a thawn che a nih hi; ngai teh, amah pawh kan hnungah sawn a awm,' ti ang che," tiin thu a pe a.

19.

Tin, a dawttu leh, a dawt lehtu leh, ran rual khalhtu dang zawng zawng hnenah pawh, "Esauva in hmuh hun chuan chutiang bawkin in sawi tur a ni;

20.

tin, 'Ngai teh, i chhiahhlawh Jakoba chu kan hnungah sawn a awm, ti bawk ang che u," tiin thu a pe theuh a. "Lawmman ka hmaa kal hianin a thin ka tidam ang a, chu mi hnuah chuan a hmel ka hmu ang; tichuan mi lo lawm mahna," a ti a ni.

21.

Chutichuan lawmman chu a hmaah chuan a kal kai ta a; ani erawh chu, chu mi zan chuan a pawl zingah chuan a riak ta a.

22.

Tin, zanah chuan a tho a, a nupuite pahnih leh, a bawihnute pahnih leh, a fa sawm leh pakhatte chu a hruai a, Jabbok lui kaiah chua a kai ta a.

23.

Tichuan anni chu a hruai a, lui chu a kaitir a, a neih zawng zawng pawh a kaitir bawk a.

24.

Tin, Jakoba chu amah chauhin a awm ta a; tin, mi pakhatin ani chu khawfing chah thlengin a buan a buan a.

25.

Tin, a hneh lo tih a inhriatin a malpui ruh chuktuahah chuan a khawihsak a, tichuan a buan lai chuan Jakoba malpui ruh chuktuah chu a lo pelhsawlh ta a.

26.

Tin, ani chuan, "Mi thlah rawh, khawfing pawh a chah dawn tawh hi," a ti a. Tin, ani chuan, "Mal mi sawm loh chuan ka thlah lo ang che," a ti a.

27.

Tin, ani chuan a hnenah, "I hming eng nge ni?" a ti a. Tin, ani chuan, "Jakoba," a ti a.

28.

Tin, ani chuan, "I hming chu Jakoba an ti tawh lo ang a, Israela an ti zawk tawh ang; Pathian leh mihring i bei a, i hneh tawh si a," a ti a.

29.

Tin, Jakoba chuan ani chu a zawt a, "Khawngaih takin i hming mi hrilh rawh," a ti a. Tin, ani chuan, "Eng vangin nge ni ka hming mi zawh ni?", a ti a. Tin, chutah chuan mal a sawmsak ta a.

30.

Tin, Jakoba chuan chu mi hmun hmingah chuan Peniel a vuah ta a: "Pathian chu a hmai hma ngeiah ka hmu a, ka nunna hi zuah a ni si," a ti a ni.

31.

Tin, Penuel a pelh lai chuan ni a lo chhuak a, amah chu a rawn chhun a, a malpui avang chuan a lo bai ta a.Chuvangin tun thlengin Israela thlahte chuan malpui ruh chuktuaha khel tha awm hi an ei ngai lo: Jakoba malpui ruh chuktuah chu a khel tha lai taka a khawih avangin.

32.

Chuvangin tun thlengin Israela thlahte chuan malpui ruh chuktuaha khel tha awm hi an ei ngai lo: Jakoba malpui ruh chuktuah chu a khel tha lai taka a khawih avangin.

---

←  Genesis (32/50)  →