←  Genesis (25/50)  →
1. Tin, Abrahama chuan nupui dang a nei a, a hming chu Keturi a ni a.
2. Tin, ani chuan Zimrana tem Jakssana te, Medana te, Midiana te, Isbaka te, Suaha te a hrinsak a.
3. Tin, Joksana chuan fapa Sheba leh Dedana a nei a. Tin, Dedana fapate chu Assurima te, Letusima te, Leumima te an ni a.
4. Tin, Midiana fapate chu Epha te, Ephera te, Hanoka te, Abida te, Elda te an ni. Chung zawng zawng chu Keturi fate an ni a.
5. Tin, Abrahama chuan a neih zawng zawng Isaaka a pe a.
6. A hmeiho fapate erawh chu Abrahama chuan lawmmante a pe a; tin, amah a la dam lai ngei chuan afapa Isaaka hnen ata chu khaw chhak lamah, khaw chhak ramah c huan a kal botir ta*hlawm a.
7. Tin, Abrahama dam chhung chu kum 175 a ni a.
8. Tin, Abrahama chuan a thlarau a thlah a, lua kelsam to vek, putar tak, tar kuna damin a thi a, chipuite hnenah chuan hruaiin a awm ve ta a.
9. Tin, a fapa Isaaka leh Ismaela chuan Hit mi Zohara fapa Ephona loa Mamre zawna Makpela pukah chuan an phum ta a;
10. chu mi lo chu Abrahama'n Hetha thlahte laka a lei a ni: chutah chuan Abrahama chu an phum a, a nupui Sari nen khan.
11. Tin, heti hi a ni a, Abrahama thih hnuah chuan Pathianin a fapa Isaaka chu mal a sawm a; tin, Isaaka chu Beer-la-hai-roi kiangah chuan a awm a.
12. Tin, he'ng hi Abrahama fapa Ismaela, Sari bawihnu, Aigupta mi Hagarin Abrahama a hrinsaka thlahte chu an ni:
13. he'ng hi an hming theuh leh an thlahte ang zelin Ismaela fapate hming chu a ni: Ismaela fa upa ber chu Nebaiotha a ni a; a naute chu Kedara leh Adbeela leh Mibsama leh,
14. Misma leh Duma leh Massa an ni a;
15. Hadada leh Tema, Jeturaaa, Naphisa leh Kedema an ni bawk a:
16. chung chu Ismaela fapate an ni a; chung chu an khua ang zel leh an riahbuk ang zelin an hming ziak a ni a; an chi ang zel chuan lal sawm leh pahnih an ni a.
17. Tin, Ismaela dam chhung kum chu hei hi a ni, kum 137 hi: tin, a thlarau a thlah a, a thi a, a chipuite hnenah chuan hruaiin a awm ve ta a.
18. Tin, a fapate chu Havila ram atangin Assuria ram panzawngin Aigupta ram zawn Sur thlengin an awm a: a unau zawng zawng depah chuan a awm a.
19. Tin, he'ng hi Abrahama fapa Isaaka thlahte chu an n: Abrahama chuan fapa Isaaka a nei a:
20. Isaakan Paddanaram rama Suri mi Bethuela fanu, Suri mi, Labana farnu Rebeki chu a nupuia a neih lai chuan kum 40 mi a ni a.
21. Tin, a nupui chu a chin avangin Isaaka chuan LALPA hnenah a ngensak chiam a: tin, LALPA'n a dilna chu a ngaihthlaksak a, tichuan a nupui Rebeki chu a rai ta a.
22. Tin, a nau paite chu a kawchhungah chuan an insual a; tin, ani chuan, "hetiang a nih si chuan eng vangin nge ka dam reng le?" a ti a. Tichuan LALPA zawt turin a kal ta a.
23. Tin, LALPA chuan a hnenah, "I chhulah chuan chi hnih an awm a, i pum chhung atang ngei chuan hnam hnih an inthen ang a: Hnam pakhat chu hnam pakhat ai chuan a chak zawk ang a: Tin, a upa zawk chuan a naupang zawk rawng chu a bawl ang," a ti a.
24. Tin, a nau hrin a hun chuan ngai teh, a chhulah chuan phir an lo awm a.
25. Tin, a hmasa zawk chu a sena sen tur, puan hmul anga hmul thupin a lo chhuak a; tichuan a hmingah chuan Esauva an sa a.
26. Chu mi zawhah chuan a nau chu a chhuak leh a, a kutin Esauva ke artui chu a chelh reng a; tichuan ani hmingah chuan Jakoba an sa a: tin, Rebekin anmahni chu a hrin lai chuan Isaaka chu kum 60 mi a ni a.
27. Tin, naupangte chu an lo thang lian a: tin, Esauva chu sa pel thiam tak, mi ramvachal a ni a; Jakoba erawh chu mi ni chauh, puan in lamtea awm mi a ni.
28. Tin, Isaaka chuan a sakhi sa a ei thin avangin Esauva chu a ngaina a; Rebeki erawh chuan Jakoba chu a ngaina zawk a.
29. Tin, Jakoba chuan englo a chhum kawi a; tin, Esauva chu ram lam atangin a lo hawng a, a chau hle a:
30. tin, Esauvan Jakoba hnenah chuan, :Khawngaih takin i englo sen chhum kawi ngei kha mi eitir teh khai; ka chau em mai," a ti a. Chuvangin a ni, a hming chu Edoma an tih ni.
31. Tin, Jakoba chuan, "I fa tir nihna mi leitir zet la le," a ti a.
32. Tin, Esauva chuan, "Ngai teh, ka thi lek lek a ni si a: fa tir nihna mai hi ka tan eng nge sawt ang?" a ti a.
33. Tin, Jakoba chuan, "Ka hnenah chhia chham zet rawh le," a ti a; tin, a hnenah chhia a chham a: tichuan a fa tir nihna chu Jakoba hnenah a hralh ta mai a.Tin, Jakoba chuan Esauva chu chhang leh dailuah chhum kawi a pe a; tichuan a eiin a in a, a tho a, a kal ta a: chutiang chuan Esauva chuan a fa tir nihna chu a ngainep a ni.
34. Tin, Jakoba chuan Esauva chu chhang leh dailuah chhum kawi a pe a; tichuan a eiin a in a, a tho a, a kal ta a: chutiang chuan Esauva chuan a fa tir nihna chu a ngainep a ni.
←  Genesis (25/50)  →