←  Ezra (8/10)  →
1. Hengte hi lal Arazerzia lal lai Babulon ram ata ka hnena kal chhoho, chhungkaw puipa leh an thlahte hmingte chu an ni.
2. Phinehasa thlahte zingah Gersoma; Ithamara thlahte zingah Daniela; Davida thlahte zingah Hatusa;
3. Sekania thlahte: Parosa thlahte zingah Zekaria; mipa za leh sawmnga nen.
4. Pahathmoaba thlahte zingah Zerahua fa, Eliehoenaia; mipa zahnih nen.
5. Sekania thlahte zingah jahaziela fa, mipa zathum nen.
6. Adina thlahte zingah Jonathana fa Ebeda, mipa sawmnga nen.
7. Elama thlahte zingah Athalia fa Jesaia, mipa sawmsarih nen.
8. Sephatia thlahte zingah Mikaela fa Zebadia, mipa sawmriat nen.
9. Joaba thlahte zingah Jehiela fa Obadia, mipa zahnih leh sawm leh pariat nen.
10. Selomitha thlahte zingah Josiphia fa, mipa za leh sawmruk nen.
11. Tin, Bebaia thlahte zingah Bebaia fa Zekaria, mipa sawmhnih leh pariat nen.
12. Tin, Azgada thlahte zingah Hakatana fa Johanana, mipa za leh sawm nen.
13. Adonikama thlahte zingah (A hnuhnug ber an ni a) an hming chu he'ng hi a ni; Elipheleta te, Jeuela te, Semaia te, mipa sawmruk nen.
14. Bigvaia thlahte zinga Uthaia leh Zabuda, mipa sawmsarih nen.
15. Ahava luiah chuan ka awm khawmtir a; chutah chuan ni thum kan awm a: tin, mipuite leh puithiamte chu ka han en vel a, Levia thlahte reng reng ka hmu ve ta lo a.
16. Chutichuan puipa deuh deuh, Eliezera te, Ariela e, Semaia te, Elnathana te, Jariba te, Elnathana te, Nathana te, Zekaria te, Mesulama te ka chah a: zirtirtu Joiariba leh Elnathana te pawh.
17. Tin, Kasiphia hmuna hotu Idova hnenah ka tir a: kan Pathian ina rawngbawltu tur rawn hruai turin Kasiphia hmuna Idova leh a unaute Nethinho hnena an han sawi tur ka hrilh a.
18. Tin, Pathian min khawngaihna avangin Issekela; Mahlia thlahte zingah; Israela fapa, chu mi fapa Levia; Serebia, a fate leh a unau sawm leh pariat te nen;
19. Hasabia, Meraria thlahte zingah Jesaia, a unaute leh an fate sawmhnih nen.
20. Nethin-ho, Davida leh an mi lianten Levi chite rawngbawl tura an pekte zinga mi Nethin-ho zahnih leh sawmhnih te nen min hruaisak a: an zaa hming ziak theuh a ni.
21. Chutichuan kan Pathian hmaa kan intitlawm a, a hnena keini leh kan fate leh kan bungrua zawng zawngte nena tluang taka kal theihna dil turin Ahava luiah chuan chaw nghei thu ka puang a.
22. "Kan Pathian duhsakna chu amah zawngtute zawng zawng chungah an thatna turin a awm zel a; a thiltihtheihna leh a thinurna erawh chu amah hawisante chungah a awm zel thin," tia lal hnena kan lo sawi tawh avangin kalkawnga kan hmelmate laka min tanpui tura sipai leh sakawr chung chuang mite lal dil chu zahthlak ka ti si a.
23. Chutichuan chaw kan nghei a, chu mi chu kan Pathian kan dil chiam a; kan dilna chu min ngaihthlaksak a.
24. Chutichuan puithiam tupa deuh deuhte zinga mi sawm leh pahnih, Serebia leh Hasabia leh an unaute zinga mi sawm ka tihrang a,
25. tin, lal leh a roreltute leh a mi liante leh chuta awm Israelte zawng zawngin kan Pathian in atan an thilhlan, tangkarua te, rangkachak te, bungbel te chu ka buk a, ka hlan a;
26. ka buka an kuta ka hlan chu tangkaraw talent zaruk leh sawmnga; tangkaraw bungbel talent za; rangkachak talent za;
27. rangkachak berhbu sawmhnih, darik sangkhat theuh; dar tle mi mawi tak, rangkachak ang maia hlu bungbel pahnih a ni a.
28. Tin, an hnenah, "LALPA tana tihthianghlim in ni a, bungbelte pawh tihthianghlim a ni; tangkarua leh rangkachakte hi LALPA, in pi leh pute Pathian tana mahni duh thua hlan vek a ni.
29. Puithiam tupa deuh deuhte leh Levi chite leh Isreal mite chhungkaw puipa hmaa Jerusalem-a LALPA ina pindana in buk hma loh chuan veng u la, kawl rawh u," ka ti a.
30. Chutichuan puithiamte leh Levi chite chuan Jerusalem-a kan pathian ina ken turin tangkarua leh rangkachak leh bungbel bukte chu an la ta a.
31. Chutichuan Jerusalem-a kal turin thla khatna, ni sawm leh ni hnih niin Ahava lui atang chuan kan chhuak ta a; tin, kan pathian min khawngaih a, hmelma lak ata leh kawng laka chang rutute lak ata chu min humhim zel a.
32. Tin, Jerusalem chu kan han thleng a, chutah chuan ni thum kan hahchawl a.
33. Tin, a ni li ni chuan, tangkarua te, rangkachak te, bungbelte chu kan Pathian inah bukin puithiam Uria fapa Meremotha kutah kan hlan a; tin, a hnenah chuan Phinehasa fapa Elazara a awm a; tin, an hnenah chuan Levi chi Jesua fapa, Jozabada leh Binuia fapa Noadia te an awm a;
34. chhiar vek leh buk vek ani a; abuk zat chu, chu mi lai la la chuan an ziak vek a.
35. Sal chhuakhote chuan Israelte Pathian hnenah halral thilhlan an hlan a, Israel zawng zawng pualah bawngpa sawm leh pahnih, berampa sawmkua leh paruk, beram no sawmsarih leh pasarih; sual thawina'n kelpa sawm leh pahnih: he'ng zawng zawng hi LALPA hnena halral thilhlan vek a ni.Tin, lal thuruatte chu lal upate leh lui ral ram awptute chu an hrilh a; tin, anni chuan mipuie chu tanpuiin Pathian in sak chu an chhunzawmpui ta a.
36. Tin, lal thuruatte chu lal upate leh lui ral ram awptute chu an hrilh a; tin, anni chuan mipuie chu tanpuiin Pathian in sak chu an chhunzawmpui ta a.
←  Ezra (8/10)  →