←  Ezra (7/10)  →
1. Tin, chung thil hnuah chuan Persia lal Artezerzia lal laiin Ezra chu Babulon atangin a chho a; chu mi chu Seraia fa a ni a, chu mi chu Azaria fa a ni a, chu mi chu Hilkia fa a ni a,
2. chu mi chu Saluma fa a ni a, chu mi chu Zadoka fa a ni a, chu mi chu Ahituba fa a ni a,
3. chu mi chu Amaria fa a ni a, chu mi chu Azaria fa a ni a, chu mi chu Meraiotha fa a ni a,
4. chu mi chu Zerahia fa a ni a, chu mi chu Uzia fa a ni a, chu i chu Bukia fa a ni a,
5. chu mi chu Abisua fa a ni a, chu mi chu Eleazara fa ani a, chu mi chu puithiam lal Arona fa ani a:
6. Ezra chu lehkhaziaktu, LALPA, Israelte Pathian pek Mosia dan thiam tak a ni a. LALPA Pathianin a duhsakna avangin lal chuan a dil zawng zawng chu a pe zel a.
7. Tin, lal Artazerzia kum sarih a lal kum chuan Israela thlah thenkhatte, puithiam thenkhate, Levi chi thenkhat te, hla satu thenkhat te, kawngkhar vengtu thenkhat te, Nethin-ho thenkhat te chu Jerusalem-ah an chho a.
8. Tin, lal chu kum sarih a lal kum, thla nganaah ani chu Jerusalem-ah a kal a.
9. Thla khatna, ni khat niin Babulon atangin a chhuak a, a. Pathianin amah chu veng zelin thla ngana, ni khat niin Jerusalem a thleng a ni.
10. Ezra chuan LALPA dan chu hriaa zamw tur leh Israel-hote chu thuruatte leh rorelte zir tir turin a thinlung a siam tlat a.
11. Tin, hei hi lal Artazerzian puithiam Ezra, lehkhaizaktu, LALPA thupek thu leh Israel mite tana a thuruatte zirtu hnena a lehkha thawn thu chu a ni.
12. "Lalte lal Artazerzian, puithiam Ezra, van Pathian dan ziaktu chibai ka buk e.
13. Ka ram chhunga Israel mi zawng zawng leh an puithiamte leh Levi chite Jerusalem-a mahni duh thua kal chakna nei apiangte chu, i hnena kal turin thu ka pe a.
14. I kawl, Pathian dan ang zela Judai ram leh Jerusalem chanchin ngaichiang tur leh.
15. Jerusalem-a awm Israelte Pathian mahni duh thua lal leh a roreltuten an pek tangka leh rangkachak keng tura lal leh a roreltu pasarihin an tirh che i ni a,
16. Babulon ram zawng zawnga i hmuh zat apiang tangka leh rangkachak, mahni duh thua mipuite leh puithiamten an pek, Jerusalem-a an Pathian in atana lawm taka an pekte nen;
17. chutichuan he'ng tangka hian bawngpa te, berampa te, beram no te, ei tur leh in tur thilhlan tur nen i lei nghal ang a, tin, Jerusalem-a in Pathian ina maichamah chuan i hlan dawn nia.
18. Tin, tangka leh rangkachak hman bangte chu in Pathian remtihzawng awmin nang leh i unauten tha in tih ang angin ti ang che u.
19. Tin, i pathian in rawngbawlna'na bungbel an pek che chu Jerusalem-a Pathian hnenah chuan hlan ang che.
20. Tin, i Pathian in atana mamawh danga hman tulna a awm phawt chuan lal sum ina mi hmang ang che.
21. Kei, lal Artazerzia ngeiin lui rala sum enkawltu zawng zawngte chu, 'Puithiam Ezra, van Pathian dan ziaktuin a dil apiang che u chu,
22. tangka chu talent za, buh chu buk za, uain chu bath za, hriak chu bath za, chi chu engzat tih pawh awm chuang loin pe nghal ang che u, tiin thu ka pe.
23. Van Pathianin thu a pek apiang chu, chutiang chiahin van Pathian in atan tih ni rawh se; thinurna chu lal leh a fate ram chungah hian engah tehlul nge a awm ang ni?
24. Tin, puithiam te, Levi chite, hla satute, kawngkhar vengtute, Nethin-hote, he Pathian ina rawngbawlte hi chhiah te, thil neih man te, leiman te chu chawitir loh tur a nih kan hriattir bawk a che.
25. Tin, nang Ezra, i kawl pathianin finna a pek che angin lui rala awmho zawng zawngte ro an relsak theihna'n hotute leh roreltute, i Pathian dan hre mite ruat la, hre lote chu zirtir ang che u.
26. Tin, tupawh i Pathian dan leh lal dan zawm lo apiang chu thi khawpin emaw, ram ata hnawhchhuahin emaw, an bungrua laksakin emaw, tan ina tantirin emaw an chungah rorelna awm nghal tur a ni," a ti a.
27. ,28 Jerusalem-a LALPA in timawi tura lal chu hetiang rilru puttirtu leh lal leh a roreltu hma leh lal mi lian lar tak takho hmaa ka chunga khawngaihna zamtirtu LALPA, kan pi leh pute Pathian chu fakin awm rawh se. Tin, LALPA ka Pathianin mi khawngaih a, mi tichak a, tichuan ka hnena han kal ve turin Israel zinga mi hotu deuh deuhte ka thlang khawm ta a.,27 Jerusalem-a LALPA in timawi tura lal chu hetiang rilru puttirtu leh lal leh a roreltu hma leh lal mi lian lar tak takho hmaa ka chunga khawngaihna zamtirtu LALPA, kan pi leh pute Pathian chu fakin awm rawh se. Tin, LALPA ka Pathianin mi khawngaih a, mi tichak a, tichuan ka hnena han kal ve turin Israel zinga mi hotu deuh deuhte ka thlang khawm ta a.
28. ,27 Jerusalem-a LALPA in timawi tura lal chu hetiang rilru puttirtu leh lal leh a roreltu hma leh lal mi lian lar tak takho hmaa ka chunga khawngaihna zamtirtu LALPA, kan pi leh pute Pathian chu fakin awm rawh se. Tin, LALPA ka Pathianin mi khawngaih a, mi tichak a, tichuan ka hnena han kal ve turin Israel zinga mi hotu deuh deuhte ka thlang khawm ta a.
←  Ezra (7/10)  →